https://arm.sputniknews.ru/20240922/im-srtum-im-yntaniqn-e-u-tenisy-inchu-e-elina-avanesjany-veradardzel-hajreniq-80907219.html

Իմ սրտում իմ ընտանիքն է ու թենիսը. ինչո՞ւ է Էլինա Ավանեսյանը վերադարձել հայրենիք

Իմ սրտում իմ ընտանիքն է ու թենիսը. ինչո՞ւ է Էլինա Ավանեսյանը վերադարձել հայրենիք

Sputnik Արմենիա

Իսպանիայում բնակվող ու շատ խիտ գրաֆիկ ունեցող մարզիկը խոսք չի տալիս, որ հաճախ կայցելի Հայաստան, բայց վստահեցնում է, որ այցերը հաստատ կավելանան։ 22.09.2024, Sputnik Արմենիա

2024-09-22T09:55+0400

2024-09-22T09:55+0400

2024-09-22T17:34+0400

հայաստան

էլինա ավանեսյան

թենիս

արցախ

https://cdn.am.sputniknews.ru/img/07e8/09/14/80904433_0:84:1600:984_1920x0_80_0_0_8fd44204fc731269679280d56a51c9d8.jpg

Աշխարհի 49-րդ ռակետ, թենիսիստուհի Էլինա Ավանեսյանը, որն արդեն հանդես է գալիս հայկական եռագույնի ներքո, թենիսը Հայաստանում զարգացնելու ու մասսայականացնելու նպատակ ունի։ 21–ամյա հայուհին, որը մինչ այս հանդես էր գալիս Ռուսաստանի դրոշի ներքո, «Կերոն» զարգացման հիմնադրամի, Հայաստանի թենիսի ֆեդերացիայի և ՀՀ ԿԳՄՍ նախարարության հրավերով ու աջակցությամբ որոշել է վերադառնալ արմատներին։ Նա իր ծրագրերի մասին պատմել է Sputnik Արմենիային։Արցախյան արմատներն ու առաջին այցը հայրենիքԷլինա Ավանեսյանի ծնողները Արցախից են։ 1990- ականների սկզբին հանգամանքների բերումով տեղափոխվել են Ռուսաստան` Պյատիգորսկ քաղաք։ Հենց այստեղ էլ 2002 թ.–ին ծնվել է ապագա թենիսիստուհին։Երբ Էլինան փոքր է եղել, մայրը հաճախ է պատմել հայրենիքի` Արցախի բնության, մաքուր օդի ու նաև կենցաղի մասին։«Մոտ 10 տարի առաջ առաջին անգամ եկա այստեղ` մասնակցելու թենիսի մրցաշարի։ Գնացինք Ծիծեռնակաբերդ, Գառնի, Գեղարդ, Սևան... Եղանք նաև Արցախում։ Հանդիպեցի բարեկամներիս, այն ժամանակ դեռ Արցախում էին ապրում։ Ինձ շատ դուր եկավ մթնոլորտը, շա՜տ կոկիկ ու գեղեցիկ տեղ է»,– ասում է մարզուհին։Խոսելով իր հպարտանալու առիթների մասին` նա առանձնացնում է սպորտն ու հայրենիքը։«Հպարտանում եմ իմ ձեռքբերումներով, արդյունքներով, ընտանիքով ու արմատներով, ինչպես նաև Հայաստանի դրոշի ներքո հանդես գալու իմ որոշմամբ»,– ընդգծում է Էլինան։Եղբոր հետքերով մինչև Մեծ սաղավարտԷլինան սկսել է թենիս խաղալ 6 տարեկանից` հետևելով մեծ եղբոր օրինակին։ Մի քանի տարի անց եղբայրը թողել է թենիսը, իսկ համառ Էլինան` ոչ։ 13 տարեկանում նա տեղափոխվել է Մոսկվա` ավելի պրոֆեսիոնալ մարզումների համար ։ Իսկ արդեն 18–ում մեծ երազանքի հետևից տեղափոխվել է Իսպանիա։Արդեն 2022 թվականին առաջին անգամ հանդես է եկել Մեծ սաղավարտի մեծահասակների մրցաշարերում՝ որակավորման միջոցով դուրս գալով ԱՄՆ բաց առաջնության հիմնական ցանց։«Աշխարհում շատ լավ մարզիկներ կան, բայց ես միշտ ձգտում եմ լինել հենց իմ ավելի լավ տարբերակը։ Դա ինձ համար ամենալավ մոտիվացիան է։ Ամեն օր ես փորձում եմ անել հնարավորը իմ նպատակներին հասնելու համար»։Վախերի ու խոհանոցային հետաքրքրությունների մասինՀայկական խոհանոցի սիրելի ուտեստը խորովածն է։ Հայաստան այցելելիս առիթը բաց չի թողնում համտեսել իր սիրելի ուտեստը։ Էլինան սիրում է նաև պատրաստել։«Երբ ծնողներիս հետ էի ապրում, շատ հաճախ էի աղանդեր պատրաստում։ Բոլորը ուտում էին ու շատ գոհ էին, իսկ ինձ դա շատ հաճելի էր։ Իհարկե ես իմ պատրաստածները հիմնականում չեմ ուտում. մարզումների պատճառով հատուկ սննդակարգ ունեմ»։Ազատ ժամանակ (եթե իհարկե ունենում է) նախընտրում է ոչինչ չանել, պարզապես հանգստանում է մարզումներից։Գուցե տարօրինակ հնչի, բայց պրոֆեսիոնալ մարզուհին շատ բաներից է վախենում։ Օրինակ` տարբեր տեսակի միջատներից, ջրից, քանի որ լողալ չգիտի։Իսկ ազա՞տ է արդյոք Էլինայի սիրտը։Կանանց թենիսի ասոցիացիան օգոստոսի 5-ին թարմացրեց Էլինա Ավանեսյանի մարզական քաղաքացիության մասին տեղեկությունը. նոր վարկանիշում նա նշված էր ոչ թե Ռուսաստանի, այլ Հայաստանի ներկայացուցիչ: Թենիսիստուհին օգոստոսի 8-ին Հայաստանի քաղաքացու անձնագիր ստացավ։

2024

Լուրեր

am_HY

հայաստան, էլինա ավանեսյան, թենիս, արցախ