Պայքարի ակտիվ շրջանը կվերսկսվի. Բագրատ սրբազան
17:24 22.09.2024 (Թարմացված է: 18:13 22.09.2024)
Բաժանորդագրվել
Բագրատ սրբազանի խոսքով` Հայաստանը պետք է լեգիտիմ իշխանություն ունենա, որը հանդես կգա երկրի ազգային և պետական շահերի դիրքերից։
ԵՐԵՎԱՆ, 22 սեպտեմբերի – Sputnik․ «Տավուշը հանուն հայրենիքի» շարժման պայքարի ակտիվ շրջանը կվերսկսվի։ Այս մասին Կարեն Դեմիրճյանի անվան մարզահամերգային համալիրում հավաքի ժամանակ հայտարարեց շարժման առաջնորդ Բագրատ սրբազանը
«Հոկտեմբերի 2-ին՝ ժամը 18։30-ին, հավաքվում ենք Հանրապետության հրապարակում»,–ասաց նա։
Նրա խոսքով` մայիս ամսից անընդհատ լսում են, որ շարժումը մարել է կամ մարում է` ոմանց մոտ ուրախություն առաջացնելով, ոմանց մոտ էլ` կասկածներ և տագնապ։
«Այս շարժումը նոր է սկսում, և եթե ոմանց համար սա քաղաքական գործ է, ինձ համար սա կյանք է։ Այս նյարդերի պատերազմում հաղթելու է նա, ով աննահանջ է, համառ և համբերատար, ով պատրաստ է զոհաբերության և զրկանքների, որովհետև սա ճշմարտության համար պայքար է, և ոչ մեկ չի կարող մեզ, ինձ բաժանել այս հավատքից»,–ասաց նա։
Բագրատ Սրբազանն ընդգծեց, որ ՀՀ գործող վարչախմբի սահմանադրական կարգն ու պետության հիմքերը քայքայող գործողությունները պետք է համարժեք արձագանք ստանան, և իրենք կոչված են վերականգնելու սահմանադրական կարգը երկրում։
Նա վստահ է, որ Հայաստանը պետք է լեգիտիմ իշխանություն ունենա, որը հանդես կգա երկրի ազգային և պետական շահերի դիրքերից։
Բացի այդ` պետք է ձևավորել ներ իշխանություն, որը կձևավորվի ըստ արժանիքների , դառնալով հաշտության և բոլոր ունակների կառավարություն։
«Տավուշը հանուն հայրենիքի» շարժման հավաքը ՄՀՀ-ում
© Sputnik
Ըստ շարժման առաջնորդի` պետք է վերացվեն ՀՀ իշխանության կողմից հանրության ներսում ստեղծված պետության և հասարակության դիմադրողականությունը քայքայող բաժանարար գծերը, վերականգնել ազգային համերաշխությունը։
«Մենք պետք է դառնանք կայուն և երկարաժամկետ խաղաղության դրոշակակիրը։ Այս գերլարված տարածաշրջանում երկարաժամկետ խաղաղությունն ու կայունությունը կարելի է վերադարձնել իրական բանակցություններով, Արցախյան հիմնախնդիրը միջազգային օրակարգ բերելով, արցախցիների սեփական բնօրան վերադարձի իրավունքն ապահովելով»,–ասաց նա։
Բագրատ սրբազանն ընդգծեց, որ մեծ ուշադրություն է պետք դարձնել Բաքվում պահվող ռազմագերիների խնդրին, և նրանց տուն վերադարձնել։ Նա շեշտեց, որ ադրբեջանական զինուժին հնարավորինս շուտ պետք է դուրս մղել ՀՀ տարածքից։
ՀՀ-ն պետք է հրաժարվի «հակա»-ներով արտաքին քաղաքականությունից, վերադառնա կանխատեսելի և վստահելի գործընկերոջ կարգավիճակին՝ արտաքին հարաբերությունները կառուցելով ուժային կենտրոնների համադրման և ոչ թե հակադրման, դաշնակցային և գործընկերական կապերի խորացման, փոխգործակցության նոր հեռանկարներ սահմանելու միջոցով՝ առանցքում ունենալով միայն և միայն Հայաստանի պետության շահը և հայկական օրակարգը, հայտարարեց սրբազանը։
1/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
2/8
© Sputnik
Արեգա Հովսեփյան
3/8
© Sputnik
Աբրահամ Գասպարյան
4/8
© Sputnik
Աստղիկ Գալեյան
5/8
© Sputnik
Գառնիկ Դանիելյան
6/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
7/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
8/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
1/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
2/8
© Sputnik
Արեգա Հովսեփյան
3/8
© Sputnik
Աբրահամ Գասպարյան
4/8
© Sputnik
Աստղիկ Գալեյան
5/8
© Sputnik
Գառնիկ Դանիելյան
6/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
7/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
8/8
© Sputnik
«Տավուշը հանուն հայրենիքի» շարժման հավաքը ՄՀՀ-ում
Հավաքի ավարտից հետո շարժման մասնակիցները երթով շարժվեցին դեպի Ծիծեռնակաբերդ։
Հիշեցնենք` Բագրատ սրբազանն ապրիլից ակտիվ գործունեություն էր իրականացնում Տավուշի մարզում, ապա Երևանում ու ՀՀ տարբեր մարզերում` բողոքի ակցիաներ, երթեր, համախոհների հետ հանդիպումներ` պահանջելով ՀՀ վարչապետ Նիկոլ Փաշինյանի հրաժարականը։ Հավաքների ակտիվությունը նվազեց ԱԺ–ի շենքի մոտ հունիսի 12-ին տեղի ունեցած բախումներից հետո։
