https://arm.sputniknews.ru/20240918/argelel-em-hajastan-kisamash-irer-ugharkel-pashinjan-80780744.html
Արգելել եմ Հայաստան կիսամաշ իրեր ուղարկել․ Փաշինյան
Արգելել եմ Հայաստան կիսամաշ իրեր ուղարկել․ Փաշինյան
Sputnik Արմենիա
Վարչապետը կարծում է, որ երջանկությունը ևս կարող է որպես քաղաքական նպատակ ձևակերպվել։ 18.09.2024, Sputnik Արմենիա
2024-09-18T11:59+0400
2024-09-18T11:59+0400
2024-09-18T13:47+0400
նիկոլ փաշինյան
հայաստան
տնտեսություն
երջանկություն
https://cdn.am.sputniknews.ru/img/07e8/09/12/80783590_30:0:2076:1151_1920x0_80_0_0_8e8f435dd8b994e8367bfdb988228d7d.jpg
ԵՐԵՎԱՆ, 18 սեպտեմբերի – Sputnik․ Մենք պետք է դադարենք Հայաստանն ընկալել որպես ֆորպոստ։ Այդ մասին ասաց ՀՀ վարչապետ Նիկոլ Փաշինյանը Համաշխարհային հայկական երկրորդ գագաթնաժողովի ժամանակ:«Հայաստանն ինքնիշխան պետություն է, որի միակ ֆունկցիան պետք է լինի իր քաղաքացիների անվտանգությունն ու բարեկեցությունն ապահովելը։ Բարեկեցության մեջ մտնում են ազատությունը, արդարությունը, ժողովրդավարությունը»,- նշեց վարչապետը։Նա կարծում է, որ քաղաքացիների երջանկությունը ևս պետք է որպես քաղաքական նպատակ ձևակերպվի։Ըստ նրա, օրինակ, արվեստագետը երջանիկ է, երբ ունի լսարան, իսկ Հայաստանում արվեստագետները մեծամասամբ երջանիկ չեն, որովհետև լսարանը շատ սահմանափակ է։Նրա կարծիքով՝ մարդու երջանկության համար էլ կարևոր են խաղաղությունը, բարեկեցությունը, նաև հոգևոր կյանքը, որը, ըստ վարչապետի, մեզ մոտ կրկին սխալ ընկալում ունի՝ միայն կրոնական իմաստով, մինչդեռ մշակութային կյանքն էլ հոգևորի անբաժան մասն է։Ըստ Փաշինյանի՝ մարդը երջանիկ է, երբ կարող է գնալ թատրոն, համերգ, երբ բեմերում տեղի են ունենում իրադարձություններ, որի համար արժե ջանք և գումար ծախսել։«Իսկ ֆորպոստում երջանկությունը նպատակ չէ, մաքառումն է նպատակ։ Ես նաև ուզում եմ, որ Հայաստանը կարեկցանքի օբյեկտ լինելու կարգավիճակից դուրս գա»,- շեշտեց ՀՀ վարչապետը։Նրա խոսքով՝ արգելել է, որ մեր երկիր օգտագործված հագուստ, ավտոմեքենա, կիսամաշ տարբեր պարագաներ ուղարկվեն։ Իհարկե, չգիտի` իր հրահանգն այս պահին որքանով է կատարվում։Շեշտում է՝ ՀՀ կառավարությունն ի վիճակի է իր պատասխանատվության տակ գտնվող օբյեկտներին նվազագույն անհրաժեշտով ապահովել։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, հայաստան, տնտեսություն, երջանկություն
նիկոլ փաշինյան, հայաստան, տնտեսություն, երջանկություն
Արգելել եմ Հայաստան կիսամաշ իրեր ուղարկել․ Փաշինյան
11:59 18.09.2024 (Թարմացված է: 13:47 18.09.2024) Վարչապետը կարծում է, որ երջանկությունը ևս կարող է որպես քաղաքական նպատակ ձևակերպվել։
ԵՐԵՎԱՆ, 18 սեպտեմբերի – Sputnik․ Մենք պետք է դադարենք Հայաստանն ընկալել որպես ֆորպոստ։ Այդ մասին ասաց ՀՀ վարչապետ Նիկոլ Փաշինյանը Համաշխարհային հայկական երկրորդ գագաթնաժողովի ժամանակ:
«Հայաստանն ինքնիշխան պետություն է, որի միակ ֆունկցիան պետք է լինի իր քաղաքացիների անվտանգությունն ու բարեկեցությունն ապահովելը։ Բարեկեցության մեջ մտնում են ազատությունը, արդարությունը, ժողովրդավարությունը»,- նշեց վարչապետը։
Նա կարծում է, որ քաղաքացիների երջանկությունը ևս պետք է որպես քաղաքական նպատակ ձևակերպվի։
«Բայց ասում են՝ ո՞նց եք երջանկացնելու ընտանիքներին։ Երջանկացնելու մասին չի խոսքը, այլ երջանկությունը հնարավոր դարձնելու, ամեն մեկն ինքը թող որոշի՝ ինչպես է երջանիկ»,- նշեց Փաշինյանը։
Ըստ նրա, օրինակ, արվեստագետը երջանիկ է, երբ ունի լսարան, իսկ Հայաստանում արվեստագետները մեծամասամբ երջանիկ չեն, որովհետև լսարանը շատ սահմանափակ է։
Նրա կարծիքով՝ մարդու երջանկության համար էլ կարևոր են խաղաղությունը, բարեկեցությունը, նաև հոգևոր կյանքը, որը, ըստ վարչապետի, մեզ մոտ կրկին սխալ ընկալում ունի՝ միայն կրոնական իմաստով, մինչդեռ մշակութային կյանքն էլ հոգևորի անբաժան մասն է։
Ըստ Փաշինյանի՝ մարդը երջանիկ է, երբ կարող է գնալ թատրոն, համերգ, երբ բեմերում տեղի են ունենում իրադարձություններ, որի համար արժե ջանք և գումար ծախսել։
«Իսկ ֆորպոստում երջանկությունը նպատակ չէ, մաքառումն է նպատակ։ Ես նաև ուզում եմ, որ Հայաստանը կարեկցանքի օբյեկտ լինելու կարգավիճակից դուրս գա»,- շեշտեց ՀՀ վարչապետը։
Նրա խոսքով՝ արգելել է, որ մեր երկիր օգտագործված հագուստ, ավտոմեքենա, կիսամաշ տարբեր պարագաներ ուղարկվեն։ Իհարկե, չգիտի` իր հրահանգն այս պահին որքանով է կատարվում։
«Մենք ինչքան քիչ երկրի հետ ունենք տնտեսական փոխկապակցվածություն, այնքան ավելի մեծ սպառնալիքի տակ կլինի մեր անվտանգությունը»,–ասաց Փաշինյանը։
Շեշտում է՝ ՀՀ կառավարությունն ի վիճակի է իր պատասխանատվության տակ գտնվող օբյեկտներին նվազագույն անհրաժեշտով ապահովել։
