https://arm.sputniknews.ru/20240915/arevmutqy-chi-karvogh-patzhamijvocnervov-iranin-partadrel-ir-kamqy-irani-ag-nakharar-80669302.html
Արևմուտքը չի կարող պատժամիջոցներով Իրանին պարտադրել իր կամքը. Իրանի ԱԳ նախարար
Արևմուտքը չի կարող պատժամիջոցներով Իրանին պարտադրել իր կամքը. Իրանի ԱԳ նախարար
Sputnik Արմենիա
Աբաս Արաղչին հայտարարել է, որ պատժամիջոցների փորձը ձախողված է, և զարմանալի է, որ Արևմուտքը մինչ օրս ապավինում է այդ գործիքին: 15.09.2024, Sputnik Արմենիա
2024-09-15T12:45+0400
2024-09-15T12:45+0400
2024-09-15T13:52+0400
իրանի իսլամական հանրապետություն
աբբաս արաղչի
զենք
արևմուտք
պատժամիջոցներ
ռուսաստան
https://cdn.am.sputniknews.ru/img/07e4/0a/1d/25116543_0:0:1600:901_1920x0_80_0_0_9c78bde4033d49bc29888557b6c90479.jpg
ԵՐԵՎԱՆ, 15 սեպտեմբերի - Sputnik. Պատժամիջոցները ձախողված գործիք են, արևմտյան երկրները չեն կարող դրա միջոցով Իրանին պարտադրել իրենց կամքը։ Թեհրանը բաց է երկխոսության համար, բայց այն պետք է հիմնված լինի փոխադարձ հարգանքի, այլ ոչ թե սպառնալիքների և ճնշումների վրա, հայտարարել է Իրանի ԱԳ նախարար Աբաս Արաղչին, փոխանցում է ՌԻԱ Նովոստին։Սեպտեմբերի 10-ին ԳԴՀ-ն, Մեծ Բրիտանիան և Ֆրանսիան համատեղ հայտարարությամբ Իրանին սպառնացել են նոր պատժամիջոցներով՝ ներառյալ օդային հաղորդակցության մասին երկկողմ համաձայնագրերի չեղարկումը՝ Թեհրանի կողմից ՌԴ-ին իբր բալիստիկ հրթիռների մատակարարումների պատճառով: Աբաս Արաղչին հայտարարել է, որ այդ պնդումները կեղծ են։Իրանի արտաքին քաղաքական գերատեսչության ղեկավարը զարմանք է հայտնել, որ Արևմուտքը մինչև հիմա դիմում է «պատժամիջոցների ձախողված փորձին»: Նա արևմտյան երկրներին խորհուրդ է տվել փոխել իրենց մեթոդները։«Թեև մենք միշտ բաց ենք եղել երկխոսության համար ու երբեք չենք հրաժարվել կառուցողական քննարկումներից՝ հասնելու վիճահարույց առարկաների ընդհանուր ըմբռնմանը, սակայն երկխոսությունը պետք է կառուցվի փոխադարձ հարգանքի, այլ ոչ թե սպառնալիքների և ճնշման վրա», - հայտարարել է Արաղչին:Ամերիկյան CNN հեռուստաալիքը, հղում անելով իր աղբյուրներին, սեպտեմբերի 6-ին պնդել է, թե իբր Իրանը փոքր հեռահարության բալիստիկ հրթիռներ է փոխանցել ՌԴ-ին՝ Ուկրաինայում օգտագործելու համար: Իրանի ԱԳՆ պաշտոնական ներկայացուցիչ Նասեր Քանաանին հերքել է ամերիկյան լրատվամիջոցների հայտարարությունները Թեհրանի կողմից Ռուսաստանին զենք մատակարարելու մասին: ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանին ինչ-որ սպառազինությունների մատակարարման մասին դատողությունները որևէ հիմք չունեն:Ռուսաստանը կարծում է, որ Ուկրաինային սպառազինությունների մատակարարումները խանգարում են կարգավորմանը, ՆԱՏՕ-ի երկրներն ուղղակիորեն ներքաշվում են հակամարտության մեջ, ինչը չափազանց վտանգավոր է: ՌԴ ԱԳ նախարար Սերգեյ Լավրովը նշել է, որ Ուկրաինայի համար սպառազինություն պարունակող յուրաքանչյուր բեռ Ռուսաստանը գնահատում է, որպես օրինական թիրախ: Նրա խոսքով՝ ԱՄՆ-ն և ՆԱՏՕ-ն ուղղակիորեն մասնակցում են հակամարտությանը, այդ թվում՝ ոչ միայն զենքի մատակարարելով, այլև Մեծ Բրիտանիայի, Գերմանիայի, Իտալիայի և այլ երկրների տարածքում կադրեր պատրաստելով:
իրանի իսլամական հանրապետություն
արևմուտք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
իրանի իսլամական հանրապետություն, աբբաս արաղչի, զենք, արևմուտք, պատժամիջոցներ, ռուսաստան
իրանի իսլամական հանրապետություն, աբբաս արաղչի, զենք, արևմուտք, պատժամիջոցներ, ռուսաստան
Արևմուտքը չի կարող պատժամիջոցներով Իրանին պարտադրել իր կամքը. Իրանի ԱԳ նախարար
12:45 15.09.2024 (Թարմացված է: 13:52 15.09.2024) Աբաս Արաղչին հայտարարել է, որ պատժամիջոցների փորձը ձախողված է, և զարմանալի է, որ Արևմուտքը մինչ օրս ապավինում է այդ գործիքին:
ԵՐԵՎԱՆ, 15 սեպտեմբերի - Sputnik. Պատժամիջոցները ձախողված գործիք են, արևմտյան երկրները չեն կարող դրա միջոցով Իրանին պարտադրել իրենց կամքը։ Թեհրանը բաց է երկխոսության համար, բայց այն պետք է հիմնված լինի փոխադարձ հարգանքի, այլ ոչ թե սպառնալիքների և ճնշումների վրա, հայտարարել է Իրանի ԱԳ նախարար Աբաս Արաղչին, փոխանցում է
ՌԻԱ Նովոստին։
Սեպտեմբերի 10-ին ԳԴՀ-ն, Մեծ Բրիտանիան և Ֆրանսիան համատեղ հայտարարությամբ Իրանին սպառնացել են նոր պատժամիջոցներով՝ ներառյալ օդային հաղորդակցության մասին երկկողմ համաձայնագրերի չեղարկումը՝ Թեհրանի կողմից ՌԴ-ին իբր բալիստիկ հրթիռների մատակարարումների պատճառով: Աբաս Արաղչին հայտարարել է, որ այդ պնդումները կեղծ են։
«Արևմտյան երկրները պետք է գիտակցեն, և զարմանալի է, որ նրանք դեռ չեն հասկանում, որ պատժամիջոցները ձախողված գործիք են, և նրանք չեն կարող պատժամիջոցներով Իրանին պարտադրել իրենց կամքն ինչպես միջուկային ոլորտի, այնպես էլ այլ հարցերում»,- նախարարի խոսքը մեջբերում Է Fars գործակալությունը:
Իրանի արտաքին քաղաքական գերատեսչության ղեկավարը զարմանք է հայտնել, որ Արևմուտքը մինչև հիմա դիմում է «պատժամիջոցների ձախողված փորձին»: Նա արևմտյան երկրներին խորհուրդ է տվել փոխել իրենց մեթոդները։
«Թեև մենք միշտ բաց ենք եղել երկխոսության համար ու երբեք չենք հրաժարվել կառուցողական քննարկումներից՝ հասնելու վիճահարույց առարկաների ընդհանուր ըմբռնմանը, սակայն երկխոսությունը պետք է կառուցվի փոխադարձ հարգանքի, այլ ոչ թե սպառնալիքների և ճնշման վրա», - հայտարարել է Արաղչին:
Ամերիկյան CNN հեռուստաալիքը, հղում անելով իր աղբյուրներին, սեպտեմբերի 6-ին պնդել է, թե իբր Իրանը փոքր հեռահարության բալիստիկ հրթիռներ է փոխանցել ՌԴ-ին՝ Ուկրաինայում օգտագործելու համար: Իրանի ԱԳՆ պաշտոնական ներկայացուցիչ Նասեր Քանաանին հերքել է ամերիկյան լրատվամիջոցների հայտարարությունները Թեհրանի կողմից Ռուսաստանին զենք մատակարարելու մասին: ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանին ինչ-որ սպառազինությունների մատակարարման մասին դատողությունները որևէ հիմք չունեն:
Իրանի ԱԳՆ պաշտոնական ներկայացուցիչն ավելի վաղ հայտարարել էր, որ Մոսկվայի և Թեհրանի երկկողմ համագործակցությունը Ուկրաինայի հակամարտության հետ կապելու ցանկացած փորձ իրականացվում է՝ Արևմուտքի կողմից Կիևին զենքի մատակարարման շարունակությունն արդարացնելու նպատակով:
Ռուսաստանը կարծում է, որ Ուկրաինային սպառազինությունների մատակարարումները խանգարում են կարգավորմանը, ՆԱՏՕ-ի երկրներն ուղղակիորեն ներքաշվում են հակամարտության մեջ, ինչը չափազանց վտանգավոր է: ՌԴ ԱԳ նախարար Սերգեյ Լավրովը նշել է, որ Ուկրաինայի համար սպառազինություն պարունակող յուրաքանչյուր բեռ Ռուսաստանը գնահատում է, որպես օրինական թիրախ: Նրա խոսքով՝ ԱՄՆ-ն և ՆԱՏՕ-ն ուղղակիորեն մասնակցում են հակամարտությանը, այդ թվում՝ ոչ միայն զենքի մատակարարելով, այլև Մեծ Բրիտանիայի, Գերմանիայի, Իտալիայի և այլ երկրների տարածքում կադրեր պատրաստելով:
