https://arm.sputniknews.ru/20240911/inchpes-kandradarna-sahmani-bacumy-hh-anvtangutjan-vra-zakharvovaji-pataskhany-simvonjanin-80526976.html
Ինչպե՞ս կանդրադառնա սահմանի բացումը ՀՀ անվտանգության վրա. Զախարովայի պատասխանը` Սիմոնյանին
Ինչպե՞ս կանդրադառնա սահմանի բացումը ՀՀ անվտանգության վրա. Զախարովայի պատասխանը` Սիմոնյանին
Sputnik Արմենիա
Ռուս դիվանագետը մեկնաբանել է ՀՀ ԱԺ նախագահ Ալեն Սիմոնյանի հայտարարությունը Թուրքիայի և Իրանի հետ ՀՀ սահմանին ռուս սահմանապահների առկայության վերաբերյալ։ 11.09.2024, Sputnik Արմենիա
2024-09-11T17:36+0400
2024-09-11T17:36+0400
2024-09-11T17:59+0400
ալեն սիմոնյան
մարիա զախարովա
ռուսաստան
հայաստան
սյունիք
սահմանապահ
https://cdn.am.sputniknews.ru/img/07e8/09/0b/80521639_0:0:800:450_1920x0_80_0_0_7fdaf1d71eaedf7549f81d5e64aede7d.jpg
ԵՐԵՎԱՆ, 11 սեպտեմբերի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան ՀՀ ազգային ժողովի նախագահ Ալեն Սիմոնյանին խորհուրդ է տվել մտածել այն մասին, թե ինչպես կազդի ՀՀ սահմանի բացումը երկրի անվտանգության վրա՝ տարածաշրջանում իրավիճակի ամբողջական կարգավորման բացակայության դեպքում։Ավելի վաղ Ալեն Սիմոնյանը հայտարարել էր, որ Սյունիքով Ադրբեջանը Նախիջևանին կապող ճանապարհի վերահսկողությունը մասնավոր պահնորդական ընկերությանը հնարավոր հաձնումը չի խախտի Հայաստանի ինքնիշխանությունը, քանի որ ամեն ինչ ընթանալու է Հայաստանի օրենքների շրջանակներում, ՀՀ դրոշի ներքո։ Որպես օրինակ՝ Սիմոնյանը հիշեցրել էր, որ այսօր Իրանի և Թուրքիայի հետ սահմանին ռուս սահմանապահներ են կանգնած, և այդ հարցում էլ մտածելու բան կա։Զախարովան հիշեցրել է, որ սահմանապահների գործունեությունը կարգավորվում է 1992 թվականից՝ Ռուսաստանի Դաշնության սահմանապահ զորքերի կարգավիճակի և Հայաստանի տարածքում դրանց գործունեության մասին երկկողմ համաձայնագրով։Նա հավելել է, որ փաստաթուղթն անժամկետ է, և ռուս սահմանապահներն ավելի քան 30 տարի պաշտպանում են Հայաստանի սահմանները՝ կանխելով ապօրինի սահմանահատումները և թմրանյութերի ապօրինի շրջանառության փորձերը։ Ինչպե՞ս կանդրադառնա սահմանի բացումը ՀՀ անվտանգության վրա. Զախարովայի պատասխանը` Սիմոնյանին«Սահմանային ծառայությունների միջև լայնածավալ և արդյունավետ փոխգործակցություն է հաստատվել, ինչը, ըստ երևույթին, նյարդայնացնում է Երևանի որոշ քաղաքական գործիչների»,- նշել է ՌԴ ԱԳՆ պաշտոնական ներկայացուցիչը։Զախարովան նաև խորհուրդ է տվել նրանց, ովքեր փորձագետ չեն, բայց ազատորեն արտահայտում են իրենց տեսակետը, խոսքը տալ նրանց, ովքեր իրենց կյանքն են դնում այդ ամենում:Հիշեցնենք, որ ՌԴ սահմանապահները ՀՀ սահմաններին տեղակայվել են Ռուսաստանի Դաշնության և Հայաստանի Հանրապետության միջև ՀՀ տարածքում գտնվող ՌԴ սահմանապահ զորքերի կարգավիճակի և դրանց գործունեության պայմանների մասին 1992 թ. սեպտեմբերի 30-ի պայմանագրի 8-րդ հոդվածի համաձայն՝ ի շահ ՀՀ սահմանապահ զորքերի հետևողական ձևավորման:2024 թ. օգոստոսի 1-ին ռուսական կողմը պաշտոնապես դադարեցրեց ՀՀ «Զվարթնոց» օդային անցակետում ՀՀ պետական սահմանի պահպանության ապահովման գործառույթը: Դրա հիմքը հայկական կողմի` 2024թ. մարտի 1-ի թիվ 5/894 կ համապատասխան դիմումն է։
սյունիք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ալեն սիմոնյան, մարիա զախարովա, ռուսաստան, հայաստան, սյունիք, սահմանապահ, видео
ալեն սիմոնյան, մարիա զախարովա, ռուսաստան, հայաստան, սյունիք, սահմանապահ, видео
Ինչպե՞ս կանդրադառնա սահմանի բացումը ՀՀ անվտանգության վրա. Զախարովայի պատասխանը` Սիմոնյանին
17:36 11.09.2024 (Թարմացված է: 17:59 11.09.2024) Ռուս դիվանագետը մեկնաբանել է ՀՀ ԱԺ նախագահ Ալեն Սիմոնյանի հայտարարությունը Թուրքիայի և Իրանի հետ ՀՀ սահմանին ռուս սահմանապահների առկայության վերաբերյալ։
ԵՐԵՎԱՆ, 11 սեպտեմբերի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան ՀՀ ազգային ժողովի նախագահ Ալեն Սիմոնյանին խորհուրդ է տվել մտածել այն մասին, թե ինչպես կազդի ՀՀ սահմանի բացումը երկրի անվտանգության վրա՝ տարածաշրջանում իրավիճակի ամբողջական կարգավորման բացակայության դեպքում։
Ավելի վաղ
Ալեն Սիմոնյանը հայտարարել էր, որ Սյունիքով Ադրբեջանը Նախիջևանին կապող ճանապարհի վերահսկողությունը մասնավոր պահնորդական ընկերությանը հնարավոր հաձնումը չի խախտի Հայաստանի ինքնիշխանությունը, քանի որ ամեն ինչ ընթանալու է Հայաստանի օրենքների շրջանակներում, ՀՀ դրոշի ներքո։ Որպես օրինակ՝ Սիմոնյանը հիշեցրել էր, որ այսօր Իրանի և Թուրքիայի հետ սահմանին ռուս սահմանապահներ են կանգնած, և այդ հարցում էլ մտածելու բան կա։
«Մեր կարծիքով, եթե մտածենք հանրապետության սահմաններին ռուս սահմանապահներ ունենալու նպատակահարմարության մասին, ապա պետք է հաշվի առնենք, թե սահմանի բացումն ինչպես կազդի երկրի անվտանգության վրա՝ տարածաշրջանում ամբողջական կարգավորման բացակայության դեպքում»,- ասել է Զախարովան ՝ մեկնաբանելով Սիմոնյանի հայտարարությունը։
Զախարովան հիշեցրել է, որ սահմանապահների գործունեությունը կարգավորվում է 1992 թվականից՝ Ռուսաստանի Դաշնության սահմանապահ զորքերի կարգավիճակի և Հայաստանի տարածքում դրանց գործունեության մասին երկկողմ համաձայնագրով։
Նա հավելել է, որ փաստաթուղթն անժամկետ է, և ռուս սահմանապահներն ավելի քան 30 տարի պաշտպանում են Հայաստանի սահմանները՝ կանխելով ապօրինի սահմանահատումները և թմրանյութերի ապօրինի շրջանառության փորձերը։
«Սահմանային ծառայությունների միջև լայնածավալ և արդյունավետ փոխգործակցություն է հաստատվել, ինչը, ըստ երևույթին, նյարդայնացնում է Երևանի որոշ քաղաքական գործիչների»,- նշել է ՌԴ ԱԳՆ պաշտոնական ներկայացուցիչը։
Զախարովան նաև խորհուրդ է տվել նրանց, ովքեր փորձագետ չեն, բայց ազատորեն արտահայտում են իրենց տեսակետը, խոսքը տալ նրանց, ովքեր իրենց կյանքն են դնում այդ ամենում:
«Նրանց, ովքեր իսկապես հսկում են Հայաստանի սահմանը՝ ոչ թե աթոռներին նստած, այլ զենքը ձեռքին... Գուցե նրանք իրենց խոսքը կասեն»,- եզրափակել է նա։
Հիշեցնենք, որ ՌԴ սահմանապահները ՀՀ սահմաններին տեղակայվել են Ռուսաստանի Դաշնության և Հայաստանի Հանրապետության միջև ՀՀ տարածքում գտնվող ՌԴ սահմանապահ զորքերի կարգավիճակի և դրանց գործունեության պայմանների մասին 1992 թ. սեպտեմբերի 30-ի պայմանագրի 8-րդ հոդվածի համաձայն՝ ի շահ ՀՀ սահմանապահ զորքերի հետևողական ձևավորման:
2024 թ. օգոստոսի 1-ին ռուսական կողմը պաշտոնապես դադարեցրեց ՀՀ «Զվարթնոց» օդային անցակետում ՀՀ պետական սահմանի պահպանության ապահովման գործառույթը: Դրա հիմքը հայկական կողմի` 2024թ. մարտի 1-ի թիվ 5/894 կ համապատասխան դիմումն է։
