https://arm.sputniknews.ru/20240907/hazaravvor-fransiaciner-cujci-en-durs-ekel-ynddem-barniei-varchapet-nshanakvelu-80377775.html
Հազարավոր ֆրանսիացիներ ցույցի են դուրս եկել՝ բողոքելով Բարնիեին վարչապետ նշանակելու դեմ
Հազարավոր ֆրանսիացիներ ցույցի են դուրս եկել՝ բողոքելով Բարնիեին վարչապետ նշանակելու դեմ
Sputnik Արմենիա
Հազարավոր ֆրանսիացիների մասնակցությամբ ցույցեր են տեղի ունենում երկրի տարբեր շրջաններում ձախ կուսակցությունների կոչով, ընդդեմ վարչապետ Միշել Բարնիեի նշանակման... 07.09.2024, Sputnik Արմենիա
2024-09-07T18:50+0400
2024-09-07T18:50+0400
2024-09-07T19:07+0400
ֆրանսիա
բողոքի ակցիա
միշել բարնիե
տեսանյութ
տեսանյութեր
https://cdn.am.sputniknews.ru/img/07e8/09/07/80376647_27:0:1485:820_1920x0_80_0_0_4fffcb80d0ac472d6bd4cd63feb34b9b.jpg
«Նոր Ժողովրդական ճակատ» ձախ դաշինքի կուսակցությունները, որոնք ընտրությունների արդյունքում ավելի շատ պատգամավորական մանդատներ են ստացել, ֆրանսիացիներին կոչ են արել փողոց դուրս գալ ամբողջ երկրում այն բանից հետո, երբ նախագահ Էմանուել Մակրոնը հրաժարվել է վարչապետ նշանակել իրենց թեկնածու Լյուսի Կաստեին: «Չհանձնվող Ֆրանսիա» դաշինքի խոշորագույն կուսակցությունը զգուշացրել է տարբեր քաղաքներում 138 բողոքի ակցիաներ անցկացնելու մասին:France Bleu ռադիոկայանը հայտնում է որ արևմտյան Լա Ռոշել քաղաքում ցույցի է հավաքվել մոտ երկու հազար մարդ: Հարևան Սենտում, ըստ ոստիկանության, մոտ 300 մարդ է ցույցի դուրս եկել: Արևմտյան Դորդոն դեպարտամենտում բողոքի ցույցերի է դուրս եկել շուրջ 600 մարդ, մասնավորապես 370-ը Պերիգյոն կոմունայում և 230-ը՝ Բերժերակում: 300-400 մարդ է մասնակցել հարավ-արևմտյան Պո քաղաքի պրեֆեկտուրայի շենքի առջև անցկացվող ցույցին:Հարավային Նիմ քաղաքի պրեֆեկտուրայի մոտ անցկացվող բողոքի ակցիային մի քանի հարյուր մարդ է հավաքվել։ Ակցիաներ են նախատեսված նաև մոտակա Ալես և Բանյոլ-սյուր-Սեզ քաղաքների վարչական շենքերի դիմաց: Նիցցայի Գարիբալդիի հրապարակում ցույցին մասնակցում է 500-ից մինչև 2 հազար մարդ (փոքր թիվը նշում են իրավապահները, մեծ թիվը` ակցիայի կազմակերպիչները):Երկրի հյուսիս-արևմուտքում գտնվող Լը Ման քաղաքի պրեֆեկտուրայի շենքի առջև մոտ 600 մարդ է հավաքվել։Բողոքի ակցիաներ են նաև Կորսիկայում, որտեղ մոտ հարյուր մարդ է հավաքվել տեղի խոշորագույն Այաչո քաղաքում ՝ Մակրոնի դեմ հանդես գալու համար:Սեպտեմբերի 5-ին՝ արտահերթ խորհրդարանական ընտրությունների ավարտից 60 օր անց, Մակրոնը կառավարության նոր ղեկավար է նշանակել 73-ամյա Բարնեին: Նա այս պաշտոնում ամենատարեց քաղաքական գործիչն է դարձել փոխարինելով Հինգերորդ հանրապետության ամենաերիտասարդ վարչապետին` 35-ամյա Գաբրիել Ատալին:Դրանից առաջ Մակրոնը բացառել էր ձևավորվող կառավարությանը «Նոր Ժողովրդական ճակատ» ձախական կոալիցիայի մասնակցության հնարավորությունը, թեև կոալիցիան հաղթել էր խորհրդարանի արտահերթ ընտրություններում՝ ստանալով երկրի Ազգային ժողովի 577 տեղից 182-ը։Նա պարզաբանել էր, որ այդ որոշումն ընդունվել է «ինստիտուցիոնալ կայունության» շահերից ելնելով, քանի որ կուսակցությունների առաջնորդների հետ նախագահի խորհրդակցությունների արդյունքում ակնհայտ է դարձել, որ ձախերի կառավարությանը անմիջապես անվստահության քվե են հայտնելու: Այսպիսով նա մերժել էր Կաստեի թեկնածությունը։ Նիկոլ Փաշինյանը սպասում է Ֆրանսիայի վարչապետ Միշել Բարնիեի պաշտոնական այցին ՀայաստանԽորհրդարանի արտահերթ ընտրություններում ձախերի դաշինքը հավաքել է ձայների մեծամասնությունը, Մակրոնի «Միասին հանուն հանրապետության» նախագահական կոալիցիան երկրորդն է, այն Ազգային ժողովում ստացել է 168 տեղ:Աջակողմյան «Ազգային միավորում» կուսակցությունը Հանրապետական կուսակցության դաշնակիցների հետ միասին 143 մանդատով խորհրդարանի երրորդ ուժն է դարձել: Այսպիսով, ոչ մի քաղաքական ուժ նոր կառավարություն ձևավորելու համար մեծանասնություն չի ստացել։ Ավելի ուշ Ֆրանսիայի նախագահն ընդունել է վարչապետ Գաբրիել Ատալի կառավարության հրաժարականը` պայմանով, որ նա կշարունակի կատարել պարտականությունները մինչև նոր կառավարության ձևավորումը:
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ֆրանսիա, բողոքի ակցիա, միշել բարնիե, տեսանյութ, տեսանյութեր, видео
ֆրանսիա, բողոքի ակցիա, միշել բարնիե, տեսանյութ, տեսանյութեր, видео
Հազարավոր ֆրանսիացիներ ցույցի են դուրս եկել՝ բողոքելով Բարնիեին վարչապետ նշանակելու դեմ
18:50 07.09.2024 (Թարմացված է: 19:07 07.09.2024) Հազարավոր ֆրանսիացիների մասնակցությամբ ցույցեր են տեղի ունենում երկրի տարբեր շրջաններում ձախ կուսակցությունների կոչով, ընդդեմ վարչապետ Միշել Բարնիեի նշանակման, հաղորդում է France Bleu ռադիոկայանը:
«Նոր Ժողովրդական ճակատ» ձախ դաշինքի կուսակցությունները, որոնք ընտրությունների արդյունքում ավելի շատ պատգամավորական մանդատներ են ստացել, ֆրանսիացիներին կոչ են արել փողոց դուրս գալ ամբողջ երկրում այն բանից հետո, երբ նախագահ Էմանուել Մակրոնը հրաժարվել է վարչապետ նշանակել իրենց թեկնածու Լյուսի Կաստեին: «Չհանձնվող Ֆրանսիա» դաշինքի խոշորագույն կուսակցությունը զգուշացրել է տարբեր քաղաքներում 138 բողոքի ակցիաներ անցկացնելու մասին:
France Bleu ռադիոկայանը հայտնում է որ արևմտյան Լա Ռոշել քաղաքում ցույցի է հավաքվել մոտ երկու հազար մարդ: Հարևան Սենտում, ըստ ոստիկանության, մոտ 300 մարդ է ցույցի դուրս եկել: Արևմտյան Դորդոն դեպարտամենտում բողոքի ցույցերի է դուրս եկել շուրջ 600 մարդ, մասնավորապես 370-ը Պերիգյոն կոմունայում և 230-ը՝ Բերժերակում: 300-400 մարդ է մասնակցել հարավ-արևմտյան Պո քաղաքի պրեֆեկտուրայի շենքի առջև անցկացվող ցույցին:
Հարավային Նիմ քաղաքի պրեֆեկտուրայի մոտ անցկացվող բողոքի ակցիային մի քանի հարյուր մարդ է հավաքվել։ Ակցիաներ են նախատեսված նաև մոտակա Ալես և Բանյոլ-սյուր-Սեզ քաղաքների վարչական շենքերի դիմաց: Նիցցայի Գարիբալդիի հրապարակում ցույցին մասնակցում է 500-ից մինչև 2 հազար մարդ (փոքր թիվը նշում են իրավապահները, մեծ թիվը` ակցիայի կազմակերպիչները):
Երկրի հյուսիս-արևմուտքում գտնվող Լը Ման քաղաքի պրեֆեկտուրայի շենքի առջև մոտ 600 մարդ է հավաքվել։
«Ես ցնցված եմ ժողովրդավարությունից այս կերպ հրաժարվելուց, ընտրողների ձայները այս կերպ մերժելուց: Ձախերը առաջատար են, իսկ վարչապետ են նշանակում բոլոր հնարավորներից ամենաաջին»,-Լը Մանում ցույցի մասնակից Վիրժինիի խոսքը մեջբերում է ռադիոկայանը։
Բողոքի ակցիաներ են նաև Կորսիկայում, որտեղ մոտ հարյուր մարդ է հավաքվել տեղի խոշորագույն Այաչո քաղաքում ՝ Մակրոնի դեմ հանդես գալու համար:
Սեպտեմբերի 5-ին՝ արտահերթ խորհրդարանական ընտրությունների ավարտից 60 օր անց, Մակրոնը կառավարության նոր ղեկավար է նշանակել 73-ամյա Բարնեին: Նա այս պաշտոնում ամենատարեց քաղաքական գործիչն է դարձել փոխարինելով Հինգերորդ հանրապետության ամենաերիտասարդ վարչապետին` 35-ամյա Գաբրիել Ատալին:
Դրանից առաջ Մակրոնը բացառել էր ձևավորվող կառավարությանը «Նոր Ժողովրդական ճակատ» ձախական կոալիցիայի մասնակցության հնարավորությունը, թեև կոալիցիան հաղթել էր խորհրդարանի արտահերթ ընտրություններում՝ ստանալով երկրի Ազգային ժողովի 577 տեղից 182-ը։
Նա պարզաբանել էր, որ այդ որոշումն ընդունվել է «ինստիտուցիոնալ կայունության» շահերից ելնելով, քանի որ կուսակցությունների առաջնորդների հետ նախագահի խորհրդակցությունների արդյունքում ակնհայտ է դարձել, որ ձախերի կառավարությանը անմիջապես անվստահության քվե են հայտնելու: Այսպիսով նա մերժել էր Կաստեի թեկնածությունը։
Խորհրդարանի արտահերթ ընտրություններում ձախերի դաշինքը հավաքել է ձայների մեծամասնությունը, Մակրոնի «Միասին հանուն հանրապետության» նախագահական կոալիցիան երկրորդն է, այն Ազգային ժողովում ստացել է 168 տեղ:
Աջակողմյան «Ազգային միավորում» կուսակցությունը Հանրապետական կուսակցության դաշնակիցների հետ միասին 143 մանդատով խորհրդարանի երրորդ ուժն է դարձել: Այսպիսով, ոչ մի քաղաքական ուժ նոր կառավարություն ձևավորելու համար մեծանասնություն չի ստացել։ Ավելի ուշ Ֆրանսիայի նախագահն ընդունել է վարչապետ Գաբրիել Ատալի կառավարության հրաժարականը` պայմանով, որ նա կշարունակի կատարել պարտականությունները մինչև նոր կառավարության ձևավորումը:
