https://arm.sputniknews.ru/20240905/razmardjunaberakan-karujcy-lutsarelvov-karavarutjuny-gnum-e-husahat-qajli-qervobjan-80279761.html
Ռազմարդյունաբերական կառույցը լուծարելով՝ կառավարությունը գնում է հուսահատ քայլի. Քերոբյան
Ռազմարդյունաբերական կառույցը լուծարելով՝ կառավարությունը գնում է հուսահատ քայլի. Քերոբյան
Sputnik Արմենիա
Ռազմական արդյունաբերության ինստիտուտը ստեղծվել է 2018թ–ի մայիսի 11-ին ընդունված որոշմամբ, որը Նիկոլ Փաշինյանի ղեկավարությամբ ձևավորված առաջին կառավարության... 05.09.2024, Sputnik Արմենիա
2024-09-05T23:20+0400
2024-09-05T23:20+0400
2024-09-05T23:20+0400
ավետիք քերոբյան
ռազմարդյունաբերություն
հհ կառավարություն
հհ պաշտպանության նախարարություն (պն)
https://cdn.am.sputniknews.ru/img/1403/42/14034282_0:0:1600:901_1920x0_80_0_0_c1a9b74ff6baa8e4b0cf0ad34b56841e.jpg
ԵՐԵՎԱՆ, 5 սեպտեմբերի – Sputnik. Ռազմատեխնիկական գիտահետազոտական ինստիտուտի լուծարումը շոշափելի հետքայլ է ռազմական արդյունաբերության ոլորտում։ Sputnik Արմենիայի հետ զրույցում ասել է Տեխնոլոգիական ոլորտի փորձագետ, Ռազմարդյունաբերության կոմիտեի նախկին նախագահ Ավետիք Քերոբյանը` մեկնաբանելով կառավարության համապատասխան որոշումը։Կառավարության սեպտեմբերի 5-ի նիստում, ի թիվս այլ չզեկուցվող նախագծերի, ընդունվել է նաև «Ռազմատեխնիկական գիտահետազոտական ինստիտուտ» ՊՈԱԿ–ը լուծարելու մասին որոշումը։ ՀՀ-ում 25 ընկերություն ՊՆ-ից ռազմարդյունաբերության ոլորտում պատվեր է ստացել․ ԲՏԱ նախարարՀատկանշական է, որ ինստիտուտը ստեղծվել էր 2018թ–ի մայիսի 11-ին ընդունված որոշմամբ։ Այսինքն` Նիկոլ Փաշինյանի ղեկավարությամբ ձևավորված առաջին կառավարության առաջին որոշումներից մեկն է։ 6 տարի առաջ ստեղծված պետական այդ կազմակերպության հիմնական նպատակը ռազմական արդյունաբերության զարգացումն էր և դրա համար գիտական հիմքերի ստեղծումը:Մինչդեռ այն լուծարելու որոշումը հիմնավորվում է պաշտպանության ոլորտում կատարված կառուցվածքային փոփոխություններով։ Մասնավորապես` նշվում է, որ Գլխավոր շտաբի կազմում արդեն գործում է ռազմատնտեսական վարչություն, որի գործառույթներում ներառվել են ինստիտուտի գործառույթները, և քանի որ դրանք կրկնվում են, միջոցների օպտիմալացման տեսանկյունից կառավարությունը նպատակահարմար է գտնում լուծարել 6 տարի առաջ իր իսկ հիմնած ինստիտուտը։Ռազմարդյունաբերության կոմիտեի նախկին նախագահ Ավետիք Քերոբյանն այս հիմնավորումը սուտ է համարում` նշելով, որ պաշտպանական ոլորտի որևէ պետական կառույցի որևէ ստորաբաժանման կառուցվածքում Ռազմատեխնիկական գիտահետազոտական ինստիտուտի կանոնադրական նպատակներն ամրագրված չեն։Քերոբյանը նաև շեշտում է, որ լուծարված ինստիտուտի պահպանման ծախսերը ներառված են այս տարվա բյուջեով նախատեսված պաշտպանական ոլորտի գիտահետազոտական և փորձակոնստրուկտորական աշխատանքների համար նախատեսված շուրջ 7մլրդ դրամի մեջ։«Սակայն կառավարության պաշտնական կայքի «Ինտերակտիվ բյուջե» հատվածից տեղեկանում ենք, որ այդ 7 մլրդ–ից ոչ մի դրամ չի ծախսվել, և, իմ տեղեկություններով` նույնիսկ նախորդ տարիներին կնքված պայմանագրերը, որոնցով 2024թ–ին նախատեսվում էր աշխատանքներ կատարել, դրանք ևս մնացել են կիսատ»,– նշում է Քերոբյանը` հավելելով, որ այս ամենը փաստում է, որ կառավարությունն անկարող է կամ նպատակ չունի հետամուտ լինել իր ծրագրերի իրականացմանը։ Պապիկյանը պայմանավորվածություններ է ձեռք բերել ռազմարդյունաբերական ընկերությունների հետ«Սա ուղղակի աբսուրդ է, երբ կառավարությունը մի կողմից հայտարարում է պատերազմի սպառնացող վտանգի մասին, մյուս կողմից այսօրինակ քայլերով ցույց է տալիս, որ ոչ միայն անպատրաստ է այդ պատերազմին, այլև ցանկություն չունի դրան պատրաստվելու և բնակչությանն էլ չի պատրաստում հնարավոր պատերազմին»,– ասում է Քերոբյանը։Ավետիք Քերոբյանը ռազմարդյունաբերության կոմիտեի նախագահի պաշտոնից ազատվել է 2020թ–ի փետրվարի 10-ին։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ավետիք քերոբյան, ռազմարդյունաբերություն, հհ կառավարություն, հհ պաշտպանության նախարարություն (պն)
ավետիք քերոբյան, ռազմարդյունաբերություն, հհ կառավարություն, հհ պաշտպանության նախարարություն (պն)
Ռազմարդյունաբերական կառույցը լուծարելով՝ կառավարությունը գնում է հուսահատ քայլի. Քերոբյան
Ռազմական արդյունաբերության ինստիտուտը ստեղծվել է 2018թ–ի մայիսի 11-ին ընդունված որոշմամբ, որը Նիկոլ Փաշինյանի ղեկավարությամբ ձևավորված առաջին կառավարության առաջին որոշումներից մեկն է։
ԵՐԵՎԱՆ, 5 սեպտեմբերի – Sputnik. Ռազմատեխնիկական գիտահետազոտական ինստիտուտի լուծարումը շոշափելի հետքայլ է ռազմական արդյունաբերության ոլորտում։
Sputnik Արմենիայի հետ զրույցում ասել է Տեխնոլոգիական ոլորտի փորձագետ, Ռազմարդյունաբերության կոմիտեի նախկին նախագահ Ավետիք Քերոբյանը` մեկնաբանելով կառավարության համապատասխան որոշումը։
Կառավարության սեպտեմբերի 5-ի նիստում, ի թիվս այլ չզեկուցվող նախագծերի, ընդունվել է նաև «Ռազմատեխնիկական գիտահետազոտական ինստիտուտ» ՊՈԱԿ–ը լուծարելու մասին որոշումը։
Հատկանշական է, որ ինստիտուտը ստեղծվել էր 2018թ–ի մայիսի 11-ին ընդունված որոշմամբ։ Այսինքն` Նիկոլ Փաշինյանի ղեկավարությամբ ձևավորված առաջին կառավարության առաջին որոշումներից մեկն է։ 6 տարի առաջ ստեղծված պետական այդ կազմակերպության հիմնական նպատակը ռազմական արդյունաբերության զարգացումն էր և դրա համար գիտական հիմքերի ստեղծումը:
Մինչդեռ այն լուծարելու որոշումը հիմնավորվում է պաշտպանության ոլորտում կատարված կառուցվածքային փոփոխություններով։ Մասնավորապես` նշվում է, որ Գլխավոր շտաբի կազմում արդեն գործում է ռազմատնտեսական վարչություն, որի գործառույթներում ներառվել են ինստիտուտի գործառույթները, և քանի որ դրանք կրկնվում են, միջոցների օպտիմալացման տեսանկյունից կառավարությունը նպատակահարմար է գտնում լուծարել 6 տարի առաջ իր իսկ հիմնած ինստիտուտը։
Ռազմարդյունաբերության կոմիտեի նախկին նախագահ Ավետիք Քերոբյանն այս հիմնավորումը սուտ է համարում` նշելով, որ պաշտպանական ոլորտի որևէ պետական կառույցի որևէ ստորաբաժանման կառուցվածքում Ռազմատեխնիկական գիտահետազոտական ինստիտուտի կանոնադրական նպատակներն ամրագրված չեն։
«Ինստիտուտը լուծարելով՝ կառավարությունը գնում է հուսահատ քայլի այն իմաստով, որ ՊՆ–ում չկա ո՛չ նպատակադրում, ո՛չ մասնագիտական կարողություն, ո՛չ էլ մանավանդ ցանկություն` ճիշտ ձևով օգտագործելու այն մասնագիտական ներուժը, որը հավաքվել էր ինստիտուտում այս տարիների ընթացքում և ինչ–որ չափով գործում էր»,– նշում է նախկին պաշտոնյան։
Քերոբյանը նաև շեշտում է, որ լուծարված ինստիտուտի պահպանման ծախսերը ներառված են այս տարվա բյուջեով նախատեսված պաշտպանական ոլորտի գիտահետազոտական և փորձակոնստրուկտորական աշխատանքների համար նախատեսված շուրջ 7մլրդ դրամի մեջ։
«Սակայն կառավարության պաշտնական կայքի «Ինտերակտիվ բյուջե» հատվածից տեղեկանում ենք, որ այդ 7 մլրդ–ից ոչ մի դրամ չի ծախսվել, և, իմ տեղեկություններով` նույնիսկ նախորդ տարիներին կնքված պայմանագրերը, որոնցով 2024թ–ին նախատեսվում էր աշխատանքներ կատարել, դրանք ևս մնացել են կիսատ»,– նշում է Քերոբյանը` հավելելով, որ այս ամենը փաստում է, որ կառավարությունն անկարող է կամ նպատակ չունի հետամուտ լինել իր ծրագրերի իրականացմանը։
«Սա ուղղակի աբսուրդ է, երբ կառավարությունը մի կողմից հայտարարում է պատերազմի սպառնացող վտանգի մասին, մյուս կողմից այսօրինակ քայլերով ցույց է տալիս, որ ոչ միայն անպատրաստ է այդ պատերազմին, այլև ցանկություն չունի դրան պատրաստվելու և բնակչությանն էլ չի պատրաստում հնարավոր պատերազմին»,– ասում է Քերոբյանը։
Ավետիք Քերոբյանը ռազմարդյունաբերության կոմիտեի նախագահի պաշտոնից ազատվել է 2020թ–ի փետրվարի 10-ին։
