https://arm.sputniknews.ru/20240905/ngn-pvokhnakharari-vordin-juracrel-e-vostikanutjany-patkanvogh-taratsqy-zlm-80288780.html
ՀՀ ՆԳՆ փոխնախարարի որդին յուրացրել է ոստիկանությանը պատկանող տարածքը. ԶԼՄ
ՀՀ ՆԳՆ փոխնախարարի որդին յուրացրել է ոստիկանությանը պատկանող տարածքը. ԶԼՄ
Sputnik Արմենիա
Լրատվամիջոցի տեղեկություններով` ՀՀ ոստիկանապետի որդին ապօրինի շինությունները կառուցել է նախկին իշխանությունների օրոք, օրինականացրել՝ արդեն նորերի օրոք։ 05.09.2024, Sputnik Արմենիա
2024-09-05T18:11+0400
2024-09-05T18:11+0400
2024-09-05T18:22+0400
հայաստան
արամ հովհաննիսյան
որդի
https://cdn.am.sputniknews.ru/img/07e8/05/0f/75818455_0:0:1600:901_1920x0_80_0_0_d950b2adb25fb8fb5fc76d778a4c6da2.jpg
ԵՐԵՎԱՆ, 5 սեպտեմբերի – Sputnik. ՀՀ ներքին գործերի նախարարի տեղակալ, ոստիկանապետ Արամ Հովհաննիսյանի որդին` Հրաչյա Հովհաննիսյանը, սեփականաշնորհել է ոստիկանության կողմից օգտագործվող կայանատեղիի տարածքը, ապա զավթել է Երևան համայնքի հողամասն ու ապօրինի շինարարություն արել։ Այս մասին գրում է Hetq.am–ը։Կայքը պարզել է ոստիկանապետի որդու կատարած ապօրինությունները, բացահայտել համակարգված գործողությունների շղթան։Հրաչյա Հովհաննիսյանը Արտաշատ համայնքի ՔՊ-ական ղեկավարի խորհրդականն է, դրանից առաջ՝ 2021 թ․-ին, ՔՊ-ի ցուցակով ավագանու թեկնածու էր, «Քաղաքացիական պայմանագիր» կուսակցության անդամ է։«2015 թվականին, երբ նրա հայրը եղել է Շենգավիթի ոստիկանության բաժանմունքի պետ, Երևանի նախկին քաղաքապետ Տարոն Մարգարյանի որոշմամբ կայանատեղիի զբաղեցրած հողամասի մի մասն աճուրդով վաճառվել է Հրաչյա Հովհաննիսյանին։ 81.66 քմ հողամասի մեկնարկային գինն աճուրդում սահմանվել է 2 միլիոն 41 հազար 500 դրամ, որը Հրաչյա Հովհաննիսյանը գնել է 2 միլիոն 143 հազար 575 դրամով։ 2016 թ․-ին Հրաչյա Հովհաննիսյանը ստացել է շինթույլտվություն և ձեռք բերած հողամասի վրա երկհարկանի շինություն է կառուցել»,– գրված է հոդվածում։Ավելի ուշ` նա զավթել է նաև նախկին կայանատեղիի մյուս մասը՝ 70 քմ և 4 քմ հողամասերը, որտեղ նույնպես ապօրինի շենք է կառուցել։2021 և 2022 թթ․-ին (Երևանի քաղաքապետներ Հայկ Մարությանի ու Հրաչյա Սարգսյանի օրոք) Արամ Հովհաննիսյանի որդու ապօրինությունները օրինականացվել են։Ընդհանուր 74 քմ հողամասի համար Հովհաննիսյանը Երևան համայնքի բյուջե է վճարել 2 միլիոն 8 հազար 692 դրամ։Այս տարածքը ձեռք բերելուց հետո Հրաչյա Հովհաննիսյանը կրկին շինթույլտվություն է ստացել և վերակառուցել արդեն գոյություն ունեցող երկհարկանի շինությունը։ Ընդհանուր առմամբ 156 քմ հողամասի վրա այժմ հասարակական նշանակության երկհարկանի շինություն կա, որտեղ տարբեր տնտեսվարողներ տարածք են վարձակալել և գործունեություն են ծավալում։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, արամ հովհաննիսյան, որդի
հայաստան, արամ հովհաննիսյան, որդի
ՀՀ ՆԳՆ փոխնախարարի որդին յուրացրել է ոստիկանությանը պատկանող տարածքը. ԶԼՄ
18:11 05.09.2024 (Թարմացված է: 18:22 05.09.2024) Լրատվամիջոցի տեղեկություններով` ՀՀ ոստիկանապետի որդին ապօրինի շինությունները կառուցել է նախկին իշխանությունների օրոք, օրինականացրել՝ արդեն նորերի օրոք։
ԵՐԵՎԱՆ, 5 սեպտեմբերի – Sputnik. ՀՀ ներքին գործերի նախարարի տեղակալ, ոստիկանապետ Արամ Հովհաննիսյանի որդին` Հրաչյա Հովհաննիսյանը, սեփականաշնորհել է ոստիկանության կողմից օգտագործվող կայանատեղիի տարածքը, ապա զավթել է Երևան համայնքի հողամասն ու ապօրինի շինարարություն արել։ Այս մասին գրում է
Hetq.am–ը։
Կայքը պարզել է ոստիկանապետի որդու կատարած ապօրինությունները, բացահայտել համակարգված գործողությունների շղթան։
Հրաչյա Հովհաննիսյանը Արտաշատ համայնքի ՔՊ-ական ղեկավարի խորհրդականն է, դրանից առաջ՝ 2021 թ․-ին, ՔՊ-ի ցուցակով ավագանու թեկնածու էր, «Քաղաքացիական պայմանագիր» կուսակցության անդամ է։
«2015 թվականին, երբ նրա հայրը եղել է Շենգավիթի ոստիկանության բաժանմունքի պետ, Երևանի նախկին քաղաքապետ Տարոն Մարգարյանի որոշմամբ կայանատեղիի զբաղեցրած հողամասի մի մասն աճուրդով վաճառվել է Հրաչյա Հովհաննիսյանին։ 81.66 քմ հողամասի մեկնարկային գինն աճուրդում սահմանվել է 2 միլիոն 41 հազար 500 դրամ, որը Հրաչյա Հովհաննիսյանը գնել է 2 միլիոն 143 հազար 575 դրամով։ 2016 թ․-ին Հրաչյա Հովհաննիսյանը ստացել է շինթույլտվություն և ձեռք բերած հողամասի վրա երկհարկանի շինություն է կառուցել»,– գրված է հոդվածում։
Ավելի ուշ` նա զավթել է նաև նախկին կայանատեղիի մյուս մասը՝ 70 քմ և 4 քմ հողամասերը, որտեղ նույնպես ապօրինի շենք է կառուցել։
2021 և 2022 թթ․-ին (Երևանի քաղաքապետներ Հայկ Մարությանի ու Հրաչյա Սարգսյանի օրոք) Արամ Հովհաննիսյանի որդու ապօրինությունները օրինականացվել են։
Ընդհանուր 74 քմ հողամասի համար Հովհաննիսյանը Երևան համայնքի բյուջե է վճարել 2 միլիոն 8 հազար 692 դրամ։
Այս տարածքը ձեռք բերելուց հետո Հրաչյա Հովհաննիսյանը կրկին շինթույլտվություն է ստացել և վերակառուցել արդեն գոյություն ունեցող երկհարկանի շինությունը։ Ընդհանուր առմամբ 156 քմ հողամասի վրա այժմ հասարակական նշանակության երկհարկանի շինություն կա, որտեղ տարբեր տնտեսվարողներ տարածք են վարձակալել և գործունեություն են ծավալում։
