https://arm.sputniknews.ru/20240904/nvor-areshum-pajtjunic-tuzhatsnery-dzhgvoh-en-inch-e-arvel-7-amsum-80206536.html

Նոր Արեշում պայթյունից տուժածները դժգոհ են. ի՞նչ է արվել 7 ամսում

Նոր Արեշում պայթյունից տուժածները դժգոհ են. ի՞նչ է արվել 7 ամսում

Sputnik Արմենիա

Նոր Արեշի պայթյունից քիչ տուժած ընտանիքներին որևէ փոխհատուցում չի տրամադրվել, նրանցից ոմանք իրենց միջոցներով են որոշ չափով վերանորոգում արել, ոմանք էլ մինչ օրս... 04.09.2024, Sputnik Արմենիա

2024-09-04T08:55+0400

2024-09-04T08:55+0400

2024-09-04T18:53+0400

նոր արեշ

պայթյուն

երևանի քաղաքապետարան

երևան

հեղինակներ

https://cdn.am.sputniknews.ru/img/07e8/09/03/80207174_0:83:1601:983_1920x0_80_0_0_1ca5dc0d874601311c86206f0fcde9f4.jpg

ԵՐԵՎԱՆ, 4 սեպտեմբերի – Sputnik. Կիսափլուզված, հիմնահատակ փլուզված տներ, առանց տուն մնացած, վարձով ապրող քաղաքացիներ. Երևանի Նոր Արեշ թաղամասի 34–րդ փողոցում տեղի ունեցած պայթյունից շուրջ 7 ամիս անց էլ դեռ շարունակում է այս պատկերը արդիական մնալ։ Կիսով չափ վնասված տներից մի քանիսն էլ պայթյունից հետո վթարային է դարձել։Ավելի վաղ հայտնել էինք, որ փետրվարի 5-ին պայթյուն էր որոտացել Երևանի Էրեբունի վարչական շրջանի Նոր Արեշի 34-րդ փողոցում։Երևանի քաղաքապետարանից և Էրեբունի վարչական շրջանից Sputnik Արմենիային հայտնել են, որ խնդիրը ուսումնասիրվել է, իրականացվել է տուժած ընտանիքների կարիքների գնահատում:Քաղաքապետարանից ընդգծել են, որ պայթյունից վնասված 7 տնից մեկը հիմնահատակ փլուզվել է, մյուսները տարբեր աստիճանի վթարային վիճակում են: Պայթյունից տուժած 7 ընտանիքի կարիքների գնահատում է իրականացվել, բոլոր ընտանիքներին 300․000–ական ՀՀ դրամի աջակցություն է տրամադրվել՝ բնակարանների վարձը վճարելու համար (որտեղ տեղափոխվել են ապրելու, մինչև վնասված տների հարցը լուծվի-խմբ.): Ընտանիքներն ընդգրկվել են նաև Էրեբունու թաղապետարանի կողմից իրականացվող սոցիալական աջակցության ծրագրերում։«Կատարվել է մեկ անձի հուղարկավորության ծախսեր, 2 անձի վիրահատությունն ու բուժումը պետական պատվերի շրջանակներում իրականացնելու համար տրամադրվել է միջնորդագիր, 7 ընտանիքի տրամադրվել են բնաիրային աջակցություններ, 3 դպրոցահասակ երեխայի՝ դպրոցական պայուսակներ գրենական պիտույքներով, ինչպես նաև 4 անձ ընդգրկվել է տարեկան ծրագրով նախատեսված էքսկուրսիա մեկնողների ցանկում: «Բազմազավակ, երիտասարդ և այլ խմբերին պատկանող ընտանիքներին աջակցություն» ծրագրի շրջանակներում 7 ընտանիքի նախատեսվում է տրամադրել կենցաղային տեխնիկա` 2 լվացքի մեքենա, 3 գազօջախ, 1 սառնարան, 1 հեռուստացույց»,– նշում են քաղաքապետարանից։Այս 7 ամսվա ընթացքում Էրեբունի վարչական շրջանը հատուկ տեխնիկա է տրամադրել, ինչի միջոցով կատարվել են տարածքի մաքրման աշխատանքներ:Նոր Արեշ 34-րդ փողոցի բնակիչները, սակայն, պնդում են, որ պետությունը հավուր պատշաճի օգնության ձեռք չի մեկնել իրենց։Հիմնահատակ փլուզված տներից մեկի բնակիչ Երվանդ Սանամյանը, որի 86-ամյա մայրն է մահացել պայթյունի հետևանքով, նշում է` այժմ կնոջ ու դպրոցահասակ երեխայի հետ վարձով են ապրում, մեծ տղան էլ առանձին է ապրում` կնոջ ու երեխայի հետ, կրկին վարձով։Վստահեցնում է` պետությունը ֆինանսապես, եթե աջակցի, ինքն էլ կարող է իր տունը զրոյից կառուցել։Նա շեշտում է նաև, որ չնայած դժգոհություններին, քաղաքապետարանը որոշ քայլեր ձեռնարկել է, օրինակ` իր 8 տարեկան երեխային գրենական պիտույքներ են տվել։Պայթյունից տուժած բնակիչ Նարինեն էլ ընդգծում է` իրենց վթարային տանն ապրում է թոշակառու մոր, ամուսնու և ուսանող 2 դստեր հետ։«Այդ օրն աղջիկներիցս մեկի հետ էի տանը, մի կերպ ենք փրկվել, կտուրը գրեթե ամբողջությամբ փլվել էր, 4 ամիս անձրևները հյուրասենյակում ու ննջասենյակում կաթացել են, պատերն էլ դրանից հետո ճաքեր ունեն։ Պատուհաններն էլ էին կոտրվել, դուռն էլ վնասվել, մեր միջոցներով փոխել ենք դրանք։ Մեզ այս 7 ամսվա մեջ միայն միանվագ 300 000 դրամն են տվել և վերջ։ Մենք 5 ամիս վարձով էինք ապրում, հիմա տանտերերին պարտք ենք։ Ամսական 200 000 դրամ էր մեր վարձը»,– նշում է Նարինեն։Ասում է` գնացել է և՛ քաղաքապետարան, և՛ թաղապետարան, և՛ կառավարություն, բոլոր կառույցները մեկը մյուսի վրա են բարդել գրեթե բոլոր հարցերի լուծումները։Իր վերևի հարևանն էլ հորեղբայրն է եղել, բայց վերջինիս տանն առհասարակ այլևս ապրել հնարավոր չէ։ Նարինեն պատմում է, որ հորեղբոր ընտանիքը մինչ այդ դեպքը վարկ էր վերցրել և այդ գումարով գազի խողովակներ անցկացրել տանը, կաթսա տեղադրել։ Պայթյունից հետո այս ընտանիքին էլ են տրամադրել միանվագ 300 000 դրամը, բայց 7 ամսվա համար դա նրանց նույնպես չի բավականացրել։ Այժմ այդ տան բնակիչներն էլ Զվարթնոցում են ապրում, ամսական 180 000 դրամ վարձ են տալիս ու շարունակում վարկը վճարել, բայց արդեն իրենք էլ չգիտեն` ինչի համար։Նոր Արեշ թաղամասի 34–րդ փողոցի բնակիչները չգիտեն` ինչն է եղել պայթյունի իրական պատճառը, բայց ցանկանում են, որպեսզի արդար քննություն տարվի ու, եթե կան մեղավորներ, ապա անպայման պատժվեն։ Պնդում են` տների փլուզումից բացի, 3 մարդու կյանք է խլել այդ պատահարը, ու գուցե դա եղել է մեկ հոգու սխալի պատճառով։ՀՀ քննչական կոմիտեի մամուլի խոսնակ Գոռ Աբրահամյանն էլ ընդգծում է` այս գործով դեռևս քրեական հետապնդվող որևէ անձ չկա, փորձաքննությունների եզրակացությունները դեռևս չենք ստացել։Հիշեցնենք` փետրվարի 5–ին` ժամը 11։30-ի սահմաններում, պայթյուն է որոտացել Երևանի Էրեբունի վարչական շրջանի Նոր Արեշի 34–րդ փողոցում, պայթյունի հետևանքով ամբողջությամբ փլուզվել են Նոր Արեշի 34-րդ փողոցի թիվ 43 և թիվ 27ա տները, ևս մի քանի տան կառուցատարրեր վնասվել են։Այդ օրը փրկարարները փլատակներից դուրս էին բերել Նոր Արեշի 34-րդ փողոցի տներից մեկում ապրող ամուսինների` 37-ամյա Հայկ Սողոմոնյանի և 54-ամյա Գայանե Եղոյանի դիերը։ Փետրվարի 12-ին էլ հիվանդանոցում մահացել է փլատակներից դուրս բերված 86-ամյա Ռոզա Նազարյանը։ Փլատակներից դուրս բերված 30-ամյա Հրանտ Սարգսյանն էլ մի քանի շաբաթ հիվանդանոցում բժիշկների հսկողության տակ լինելուց հետո դուրս է գրվել։ Պայթյունի դեպքի առթիվ քրեական վարույթ է նախաձեռնվել։

նոր արեշ

երևան

2024

Լուրեր

am_HY

նոր արեշ, պայթյուն, երևանի քաղաքապետարան, երևան, հեղինակներ