https://arm.sputniknews.ru/20240829/petq-e-khusapel-keghts-patmakan-narativneric-chashchikhiny-sjuniqi-masin-79988218.html
Պետք է խուսափել կեղծ պատմական նարատիվներից․ Չաշչիխինը՝ Սյունիքի մասին
Պետք է խուսափել կեղծ պատմական նարատիվներից․ Չաշչիխինը՝ Սյունիքի մասին
Sputnik Արմենիա
Սերգեյ Չաշչիխինըհամոզված է, որ ՀՀ Սյունիքի մարզին վերաբերող քաղաքական և արտաքին քաղաքական գործընթացների թեմատիկան այսօր խիստ արդիական է և պահանջում է հստակ... 29.08.2024, Sputnik Արմենիա
2024-08-29T19:53+0400
2024-08-29T19:53+0400
2024-08-29T20:08+0400
կապան
ռուսաստան
հայաստան
իրանի իսլամական հանրապետություն
«ռոսսոտրուդնիչեստվո»
https://cdn.am.sputniknews.ru/img/07e8/08/1d/79976372_0:31:1280:751_1920x0_80_0_0_e561da37e17f9a80efedee2bcab1642d.jpg
ԵՐԵՎԱՆ, 29 օգոստոսի - Sputnik. Տարածաշրջանի նկատմամբ միջազգային աշխույժ հետաքրքրությունը կարող է հանգեցնել պատմական իրողությունների խեղաթյուրման և կեղծ նարատիվների պարտադրման՝ հօգուտ արտաքին քաղաքական շահերի։Այս մասին սահմանամերձ Կապանում կայացած «ԶԼՄ-ների աշխատանքի առանձնահատկությունները Հայաստանի Սյունիքի մարզում» համաժողովի ժամանակ հայտարարել է առաջատար խմբի ղեկավար Սերգեյ Չաշչիխինը։Համաժողովը կազմակերպել էր «Ռոսսոտրուդնիչեստվոյի» ներկայացուցչությունը՝ Կապանում գլխավոր հյուպատոսություն բացելու առաջատար խմբի հետ համատեղ՝ Ռուսական գրքի տան աջակցությամբ: Միջոցառմանը մասնակցել են Հայաստանում «Ռոսսոտրուդնիչեստվոյի» ներկայացուցչության «Մեդիադպրոցի» մասնակիցները, ինչպես նաև Իրանի Իսլամական Հանրապետության գլխավոր հյուպատոսը:Չաշչիխինն իր ողջույնի խոսքում ընդգծել է նման հանդիպումների կարևորությունը: Նա նշել է, որ Սյունիքի մարզին վերաբերող քաղաքական և արտաքին քաղաքական գործընթացների թեմատիկան այսօր խիստ արդիական է և ինչպես հանրապետությունում, այնպես էլ դրանից դուրս՝ միջազգային ասպարեզում, պահանջում է հստակ իմաստավորում:Նման հանդիպումների խնդիրն է՝ գտնել ճիշտ ուղիներ Սյունիքի պես ինքնատիպ տարածաշրջանի կայուն զարգացման համար։Նա կարծում է, որ կարևոր է հաշվի առնել ոչ միայն մայրաքաղաքի և արտերկրի փորձագետների կարծիքները, այլև տեղի մասնագետների ձայնը, ովքեր լավագույնս հասկանում են, թե ինչ է կատարվում մարզում:Հայաստանում «Ռոսսոտրուդնիչեստվոյի» ներկայացուցչության ղեկավարի տեղակալ Եկատերինա Անդրեևան նշել է, որ խորհրդաժողովն անցկացնելու գաղափարը ծագել է «Մեդիադպրոցի» անցկացման ժամանակ:Անդրեևան ընդգծել է, որ կոնֆերանսին մասնակցել են նաև «Մեդիադպրոցի» շրջանավարտները:Կապանի «Սյունյաց երկիր» թերթի գլխավոր խմբագիր Սամվել Ալեքսանյանն իր զեկույցում անդրադարձել է հայ-ռուսական հարաբերությունների արդիական հարցերին:«Սյունեցիների մեծամասնությունըկողմ չէ երկրի արտաքին քաղաքական կուրսի փոփոխությանը՝ համարելով, որ տարածաշրջանի անվտանգությունն ապահովվում է բացառապես հայ-ռուսական և հայ-իրանական հարաբերությունների ամրապնդմամբ(...) Բայց մենք ուզում ենք իմանալ մեր ռազմավարական գործընկերոջ դիրքորոշումը։ Կան հարցեր, որոնց շրջանցումը հակառուսական քարոզչության հեղինակներին առիթ է տալիս շրջանառության դնել տարբեր թեզեր», - ասել է նա։Միևնույն ժամանակ, «Մեդիադպրոցի» մասնակիցների համար դասախոսությամբ հանդես է եկել «Սյունիք» հեռուստատեսության տնօրեն Արայիկ Մարգարյանը։Նրա գնահատմամբ՝ Սյունիքում լրագրության որևէ օրենք չի գործում։«Մեդիադպրոցի» համակարգող Հայկ Դերզյանն ընդգծել է, որ Հայաստանին, Ռուսաստանին և Իրանին միավորում է ընդհանուր մշակույթը, մշակութային ժառանգության, ազգային ինքնության պահպանումը:
կապան
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
կապան, ռուսաստան, հայաստան, իրանի իսլամական հանրապետություն, «ռոսսոտրուդնիչեստվո»
կապան, ռուսաստան, հայաստան, իրանի իսլամական հանրապետություն, «ռոսսոտրուդնիչեստվո»
Պետք է խուսափել կեղծ պատմական նարատիվներից․ Չաշչիխինը՝ Սյունիքի մասին
19:53 29.08.2024 (Թարմացված է: 20:08 29.08.2024) Սերգեյ Չաշչիխինըհամոզված է, որ ՀՀ Սյունիքի մարզին վերաբերող քաղաքական և արտաքին քաղաքական գործընթացների թեմատիկան այսօր խիստ արդիական է և պահանջում է հստակ իմաստավորում:
ԵՐԵՎԱՆ, 29 օգոստոսի - Sputnik. Տարածաշրջանի նկատմամբ միջազգային աշխույժ հետաքրքրությունը կարող է հանգեցնել պատմական իրողությունների խեղաթյուրման և կեղծ նարատիվների պարտադրման՝ հօգուտ արտաքին քաղաքական շահերի։
Այս մասին սահմանամերձ Կապանում կայացած «ԶԼՄ-ների աշխատանքի առանձնահատկությունները Հայաստանի Սյունիքի մարզում» համաժողովի ժամանակ հայտարարել է առաջատար խմբի ղեկավար Սերգեյ Չաշչիխինը։
Համաժողովը կազմակերպել էր «Ռոսսոտրուդնիչեստվոյի» ներկայացուցչությունը՝ Կապանում գլխավոր հյուպատոսություն բացելու առաջատար խմբի հետ համատեղ՝ Ռուսական գրքի տան աջակցությամբ: Միջոցառմանը մասնակցել են Հայաստանում «Ռոսսոտրուդնիչեստվոյի» ներկայացուցչության «Մեդիադպրոցի» մասնակիցները, ինչպես նաև Իրանի Իսլամական Հանրապետության գլխավոր հյուպատոսը:
Չաշչիխինն իր ողջույնի խոսքում ընդգծել է նման հանդիպումների կարևորությունը: Նա նշել է, որ Սյունիքի մարզին վերաբերող քաղաքական և արտաքին քաղաքական գործընթացների թեմատիկան այսօր խիստ արդիական է և ինչպես հանրապետությունում, այնպես էլ դրանից դուրս՝ միջազգային ասպարեզում, պահանջում է հստակ իմաստավորում:
Նման հանդիպումների խնդիրն է՝ գտնել ճիշտ ուղիներ Սյունիքի պես ինքնատիպ տարածաշրջանի կայուն զարգացման համար։
Նա կարծում է, որ կարևոր է հաշվի առնել ոչ միայն մայրաքաղաքի և արտերկրի փորձագետների կարծիքները, այլև տեղի մասնագետների ձայնը, ովքեր լավագույնս հասկանում են, թե ինչ է կատարվում մարզում:
Հայաստանում «Ռոսսոտրուդնիչեստվոյի» ներկայացուցչության ղեկավարի տեղակալ Եկատերինա Անդրեևան նշել է, որ խորհրդաժողովն անցկացնելու գաղափարը ծագել է «Մեդիադպրոցի» անցկացման ժամանակ:
Անդրեևան ընդգծել է, որ կոնֆերանսին մասնակցել են նաև «Մեդիադպրոցի» շրջանավարտները:
Կապանի «Սյունյաց երկիր» թերթի գլխավոր խմբագիր Սամվել Ալեքսանյանն իր զեկույցում անդրադարձել է հայ-ռուսական հարաբերությունների արդիական հարցերին:
«Սյունեցիների մեծամասնությունըկողմ չէ երկրի արտաքին քաղաքական կուրսի փոփոխությանը՝ համարելով, որ տարածաշրջանի անվտանգությունն ապահովվում է բացառապես հայ-ռուսական և հայ-իրանական հարաբերությունների ամրապնդմամբ(...) Բայց մենք ուզում ենք իմանալ մեր ռազմավարական գործընկերոջ դիրքորոշումը։ Կան հարցեր, որոնց շրջանցումը հակառուսական քարոզչության հեղինակներին առիթ է տալիս շրջանառության դնել տարբեր թեզեր», - ասել է նա։
Միևնույն ժամանակ, «Մեդիադպրոցի» մասնակիցների համար դասախոսությամբ հանդես է եկել «Սյունիք» հեռուստատեսության տնօրեն Արայիկ Մարգարյանը։
Նրա գնահատմամբ՝ Սյունիքում լրագրության որևէ օրենք չի գործում։
«Մեդիադպրոցի» համակարգող Հայկ Դերզյանն ընդգծել է, որ Հայաստանին, Ռուսաստանին և Իրանին միավորում է ընդհանուր մշակույթը, մշակութային ժառանգության, ազգային ինքնության պահպանումը:
