https://arm.sputniknews.ru/20240826/fvorum-evrasiaji-srtum-manzhervok-2024-n-altajum-havaqel-er-lragrvoghneri-ev-blvogerneri-79831609.html

Ֆորում Եվրասիայի սրտում. «Մանժերոկ-2024»-ն Ալթայում հավաքել էր լրագրողների և բլոգերների

Ֆորում Եվրասիայի սրտում. «Մանժերոկ-2024»-ն Ալթայում հավաքել էր լրագրողների և բլոգերների

Sputnik Արմենիա

Մասշտաբային միջոցառմանը մասնակցել են երիտասարդ լրագրողներ և բլոգերներ Եվրասիայի 15 երկրներից: 26.08.2024, Sputnik Արմենիա

2024-08-26T16:15+0400

2024-08-26T16:15+0400

2024-08-26T16:15+0400

ալթայի հանրապետություն

ռուսաստան

լրագրող

քաղաքագետ

«եվրասիա»

https://cdn.am.sputniknews.ru/img/07e8/08/1a/79823049_0:0:1278:719_1920x0_80_0_0_ff6c4d5c453d7c8b05cd1eb89b1b40df.jpg

ԵՐԵՎԱՆ, 26 օգոստոսի - Sputnik. ՌԴ Ալթայի Հանրապետությունում օգոստոսի 19-22-ին «Մանժերոկ-2024» փառատոնը մեկ հարկի տակ էր հավաքել մեդիա ոլորտի 78 ներկայացուցիչների՝ լրագրողներ, բլոգերներ լուսանկարիչներ, տեսագրողներ, ուսանողներ, երիտասարդ գիտնականներ, փորձագետներ Հայաստանից, Ռուսաստանից, Բելառուսից, Ղազախստանից, Ղրղզստանից, ՉԺՀ-ից, Մոլդովայից, Մոնղոլիայից, Սերբիայից և այլ երկրներից: «Ռոսսոտրուդնիչեստվոյի» «Նոր սերունդ» ծրագրով համաժողովին մասնակցել է նաև Sputnik Արմենիայի թղթակիցը։Միջոցառումը կազմակերպել էին Եվրասիական համագործակցության և ինտեգրման հիմնադրամը և «Ռոսսոտրուդնիչեստվո» դաշնային գործակալությունը:Մասշտաբային և ամենամյա դարձած միջոցառման վայրը պատահական չէր ընտրվել։ Ալթայը Եվրասիայի աշխարհագրական կենտրոնն է և առանց չափազանցության մայրցամաքի ամենագեղեցիկ անկյուններից մեկը: Եվ հենց «Մանժերոկ» օրիգինալ անվանմամբ լեռնային հանգստավայրում պետք է քննարկեին Եվրասիական տնտեսական միության երկրների և գործընկեր պետությունների միջև տեղեկատվական համագործակցությունը, վերլուծեին ժամանակակից մեդիայի առջև ծառացած մարտահրավերները:Մասնակիցների ուշադրության կենտրոնում էին ընդհանուր տեղեկատվական տարածքի ձևավորման, թվային գործիքների և սոցիալական ցնցերի արագացված ներդրման հետ կապված հարցերը հասարակական կյանքի բոլոր ոլորտներում:Փառատոնի շրջանակներում տեղի է ունեցել Եվրասիական զարգացման համալսարանի նախագծի հայեցակարգի շնորհանդեսը: Այն ներկայացրել է Պետդումայի պատգամավոր, Պետդումայի ԱՊՀ գործերով եվրասիական ինտեգրման և հայրենակիցների հետ կապերի կոմիտեի ղեկավարի տեղակալ Արտյոմ Տուրովը: Եվրասիական համալսարանը նպատակ է դնելու բարձրացնել մասնագիտական ​​հանրության իրավասությունը տարբեր ոլորտներում։ Նախագծում կներգրավվեն տնտեսության այս կամ այն ոլորտներում աշխատող փորձագետներ, որոնք կներկայացնեն իրենց մասնագիտական աշխատանքները։Դասընթացներից բացի, կազմակերպիչները պատրաստել էին նաև մշակութային-էքսկուրսիոն հագեցած ծրագիր: Մասնակիցներին ծանոթացրին Ալթայի՝ Եվրասիայի սրտի ներուժին, մշակույթին և գեղեցկություններին:«Մանժերոկ» փառատոնի ժամանակակից պատմությունը սկսվել է 2021 թվականին, երբ Ալթայի Հանրապետությունում սիբիրյան երիտասարդության հանդիպման ժամանակ բարձրաձայնվեց միջազգային ֆորումի վերսկսման գաղափարը, որը 57 տարի առաջ միավորել էր ԽՍՀՄ և Մոնղոլիայի երիտասարդներին։ Նախորդ երկու տարիների ընթացքում հյուրընկալ Ալթայը հասցրել է դիմավորել հասարակական կազմակերպությունների ներկայացուցիչների, երիտասարդ քաղաքական գործիչների և դիվանագետների:

ալթայի հանրապետություն

2024

Լուրեր

am_HY

ալթայի հանրապետություն, ռուսաստան, լրագրող, քաղաքագետ, «եվրասիա»