https://arm.sputniknews.ru/20240825/inchu-hh-vorvosh-qaghaqacineri-chen-tvoghnum-mutq-gvortsel-shengenjan-gvotu-erkrner--parzabanum-79805408.html
Ինչո՞ւ ՀՀ որոշ քաղաքացիների չեն թողնում մուտք գործել Շենգենյան գոտու երկրներ. պարզաբանում
Ինչո՞ւ ՀՀ որոշ քաղաքացիների չեն թողնում մուտք գործել Շենգենյան գոտու երկրներ. պարզաբանում
Sputnik Արմենիա
Վերջին շրջանում ՀՀ ԱԳՆ–ն ստանում է դիմումներ այն մասին, որ ՀՀ քաղաքացիները ՀՀ-ում գործող եվրոպական երկրների որոշ դեսպանություններից ստանում են Շենգենյան... 25.08.2024, Sputnik Արմենիա
2024-08-25T19:09+0400
2024-08-25T19:09+0400
2024-08-25T19:19+0400
հհ արտաքին գործերի նախարարություն. ագն
շենգենյան վիզա
քաղաքացի
հայաստան
եվրոպա
https://cdn.am.sputniknews.ru/img/07e4/08/18/24215379_0:0:1601:901_1920x0_80_0_0_2f9b6e87ad19b6e9849e0afbe8652a61.jpg
ԵՐԵՎԱՆ, 25 օգոստոսի – Sputnik․ ՀՀ ԱԳՆ–ն պարզաբանել է, թե ինչու որոշ ՀՀ քաղաքացիների չեն թողնում մուտք գործել Շենգենյան գոտու երկրներ նույնիսկ այն դեպքում, երբ նրանք ունեն Շենգենյան վիզա։Նշվում է, որ պատճառներից մեկն այն է, որ Շենգենյան վիզա ստանալու ժամանակ դիմում-հարցաթերթիկում և հարակից փաստաթղթերով մեր քաղաքացիները հաճախ ներկայացնում են բացառապես տվյալ երկիր մեկնելու նպատակ, սակայն հետագայում՝ վիզան ստանալուց հետո, այցելության նպատակը (ուղղությունը, ծրագիրը) կամ հյուրանոցի ամրագրումը փոփոխում կամ չեղարկում են։«Այցելության նպատակի նմանատիպ փոփոխությունը հիմք է տալիս տվյալ երկրի իրավասու մարմիններին արգելել մուտքը, քանի որ դա գնահատվում է որպես այցելության հայտարարված և իրական նպատակի կամ պայմանների անհամապատասխանություն։ Հարկ է նշել, որ Շենգենյան վիզայի առկայությունն անվերապահ իրավունք չի տալիս օտարերկրացուն մուտք գործել Շենգենյան գոտի»,– ասված է հաղորդագրությունում։ՀՀ ԱԳՆ-ն զգուշացնում է, որ անձնագրային հսկողության ժամանակ կարող են պահանջվել լրացուցիչ փաստաթղթեր, որոնք հիմնավորում են այցի նպատակը, ինչպես նաև կարող են ստուգվել բավարար ֆինանսական միջոցների առկայությունը, հյուրանոցի ամրագրման վճարված և ուժի մեջ լինելու հանգամանքը, դուրս գրված (վճարված) հետ վերադարձի ինքնաթիռի տոմսի, այլ երկրներ ճամփորդելու վերաբերյալ հնարավոր տեղեկությունների առկայությունը և այլն։Արտաքին գերատեսչությունում կոչ են անում դիմել Շենգենյան գոտու այն երկրի դեսպանությանը, որտեղ նախատեսվում է այցելությունը, իսկ մի քանի երկրներ այցելելու դեպքում՝ հիմնական (առավել երկար ժամկետով) այցելության երկրի դեսպանությանը։
եվրոպա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ արտաքին գործերի նախարարություն. ագն, շենգենյան վիզա, քաղաքացի, հայաստան, եվրոպա
հհ արտաքին գործերի նախարարություն. ագն, շենգենյան վիզա, քաղաքացի, հայաստան, եվրոպա
Ինչո՞ւ ՀՀ որոշ քաղաքացիների չեն թողնում մուտք գործել Շենգենյան գոտու երկրներ. պարզաբանում
19:09 25.08.2024 (Թարմացված է: 19:19 25.08.2024) Վերջին շրջանում ՀՀ ԱԳՆ–ն ստանում է դիմումներ այն մասին, որ ՀՀ քաղաքացիները ՀՀ-ում գործող եվրոպական երկրների որոշ դեսպանություններից ստանում են Շենգենյան վիզաներ, սակայն տվյալ երկիր ժամանելիս նրանց մուտքն արգելվում է, և ստիպված են լինում վերադառնալ Հայաստան։
ԵՐԵՎԱՆ, 25 օգոստոսի – Sputnik․ ՀՀ ԱԳՆ–ն
պարզաբանել է, թե ինչու որոշ ՀՀ քաղաքացիների չեն թողնում մուտք գործել Շենգենյան գոտու երկրներ նույնիսկ այն դեպքում, երբ նրանք ունեն Շենգենյան վիզա։
Նշվում է, որ պատճառներից մեկն այն է, որ Շենգենյան վիզա ստանալու ժամանակ դիմում-հարցաթերթիկում և հարակից փաստաթղթերով մեր քաղաքացիները հաճախ ներկայացնում են բացառապես տվյալ երկիր մեկնելու նպատակ, սակայն հետագայում՝ վիզան ստանալուց հետո, այցելության նպատակը (ուղղությունը, ծրագիրը) կամ հյուրանոցի ամրագրումը փոփոխում կամ չեղարկում են։
ԱԳՆ–ն նաև օրինակ է ներկայացրել. ասենք` Շենգենյան վիզա ստանալու դիմում-հարցաթերթիկում նշվել է 10 օրով Բուլղարիա մեկնելու նպատակ՝ ներկայացնելով ինքնաթիռի տոմսի և հյուրանոցի ամրագրում, սակայն հետագայում պարզվել է, որ տվյալ անձը պատրաստվում է Բուլղարիայում գտնվել 3 օր, ապա 7 օրով մեկնել Իտալիա կամ Շենգենյան գոտու այլ երկիր։
«Այցելության նպատակի նմանատիպ փոփոխությունը հիմք է տալիս տվյալ երկրի իրավասու մարմիններին արգելել մուտքը, քանի որ դա գնահատվում է որպես այցելության հայտարարված և իրական նպատակի կամ պայմանների անհամապատասխանություն։ Հարկ է նշել, որ Շենգենյան վիզայի առկայությունն անվերապահ իրավունք չի տալիս օտարերկրացուն մուտք գործել Շենգենյան գոտի»,– ասված է հաղորդագրությունում։
ՀՀ ԱԳՆ-ն զգուշացնում է, որ անձնագրային հսկողության ժամանակ կարող են պահանջվել լրացուցիչ փաստաթղթեր, որոնք հիմնավորում են այցի նպատակը, ինչպես նաև կարող են ստուգվել բավարար ֆինանսական միջոցների առկայությունը, հյուրանոցի ամրագրման վճարված և ուժի մեջ լինելու հանգամանքը, դուրս գրված (վճարված) հետ վերադարձի ինքնաթիռի տոմսի, այլ երկրներ ճամփորդելու վերաբերյալ հնարավոր տեղեկությունների առկայությունը և այլն։
Արտաքին գերատեսչությունում կոչ են անում դիմել Շենգենյան գոտու այն երկրի դեսպանությանը, որտեղ նախատեսվում է այցելությունը, իսկ մի քանի երկրներ այցելելու դեպքում՝ հիմնական (առավել երկար ժամկետով) այցելության երկրի դեսպանությանը։
