https://arm.sputniknews.ru/20240824/sut-e-hh-arvoghjapahutjan-nakhararutjuny-arevmtjan-neghvosi-tendvov-varakvatsneri-tvi-masin--79776069.html
Սուտ է. ՀՀ առողջապահության նախարարությունը` Արևմտյան Նեղոսի տենդով վարակվածների թվի մասին
Սուտ է. ՀՀ առողջապահության նախարարությունը` Արևմտյան Նեղոսի տենդով վարակվածների թվի մասին
Sputnik Արմենիա
Նախարարի խոսնակը կարծում է, որ որոշ շրջանակներ փորձում են խառնաշփոթ տարածել։ 24.08.2024, Sputnik Արմենիա
2024-08-24T11:46+0400
2024-08-24T11:46+0400
2024-08-24T11:51+0400
հայաստան
հհ առողջապահության նախարարություն
արևմտյան նեղոսի տենդ
https://cdn.am.sputniknews.ru/img/2271/95/22719547_0:85:1600:985_1920x0_80_0_0_59f0185c105ccae4672da89baebed9f8.jpg
ԵՐԵՎԱՆ, 24 օգոստոսի – Sputnik․ Արևմտյան Նեղոսի տենդով վարակված 8 պացիենտ է այս պահին բուժում ստանում Ինֆեկցիոն հիվանդությունների ազգային կենտրոնում։ Sputnik Արմենիայի հետ զրույցում տեղեկությունը հայտնեց առողջապահության նախարարի խոսնակ Մարիամ Ծատրյանը։Նրա խոսքով՝ ևս 9 անձ է հոսպիտալացված, որոնց մոտ, սակայն, հիվանդությունը դեռ հաստատված չէ, կասկածվում է։Ծատրյանը հավելեց, որ սա դինամիկ փոփոխվող տվյալ է, թվերն այս պահի դրությամբ են ներկայացվում։Անդրադառնալով տարածվող լուրերին, թե հիվանդների և հիվանդությունից մահացածներից թիվն ավելի մեծ է, քան հաղորդվում է, նախարարի խոսնակը նշեց՝ սուտ է։«Պաշտոնապես հերքում եմ»,- ասաց Ծատրյանը։Նա նշեց, որ նման կեղծ լուրեր տարածելով՝ որոշ շրջանակներ պարզապես փորձում են խառնաշփոթ տարածել, և հավելեց՝ մինչ այս պահը գրանցվել է Արևմտյան Նեղոսի տենդից մահվան միայն մեկ դեպք, ու մահացածն ունեցել է ուղեկցող բազմաթիվ հիվանդություններ։Ծատրյանի խոսքով՝ նախարարությունը մշտապես թարմացնում է տվյալներն ու դրանք ներկայացնում հանրությանը, որևէ բան թաքցնելու միտում չկա։Նշենք, որ «Հրապարակ» թերթը, հղում անելով իր աղբյուրներին, գրել էր, թե Հայաստանում Արևմտյան Նեղոսի տենդից ոչ թե 1, այլ 4 մարդ է մահացել, 22 հոգու վիճակն էլ ծանր է։ Ըստ պարբերականի աղբյուրի՝ ՀՀ առողջապահության նախարարությունը կեղծում է իրականությունն ու թվերը` չնայած մահվան առաջին դեպքը գրանցվել է օգոստոսի սկզբներին, սակայն նախարարության պատասխանատուները հանրությանը վիրուսի մասին իրազեկել են դրանից երկու շաբաթ անց, իսկ մահվան մասին առաջինը լրատվամիջոցներն են գրել։Հիշեցնենք` Հիվանդությունների վերահսկման և կանխարգելման ազգային կենտրոնը երեկ հայտնել էր, որ օգոստոսի 23-ի տվյալներով` Արևմտյան Նեղոսի տենդով վարակվելու լաբորատոր հաստատված 75 դեպք է գրանցվել։Արևմտյան Նեղոսի տենդը մեծամասամբ ընթանում է ասիմպտոմ։ 85% դեպքերում մարդիկ չգիտեն, որ վարակված են այդ հարուցիչով։ Մնացած դեպքերում մարդկանց մոտ կարող են ախտանշաններ լինել ջերմության, գլխացավի, ցանավորման տեսքով։ Հիվանդության ինկուբացիոն շրջանը կարող է տևել 2-3 շաբաթ, բայց ավելի հաճախ տևում է 3-6 օր։ Վարակված մարդու ջերմությունը կարող է բարձրանալ 38-40 աստիճան, դողէրոցք սկսվել։ Հիվանդությանը բնորոշ են ուժեղ գլխացավը, փսխումները։ Վիրուսը բարդացման փուլում կարող է առաջացնել ընդհուպ մենինգոէնցեֆալիտ, որը միաժամանակ ուղեղի թաղանթի և ուղեղի բորբոքումն է։Երկարաթև հագուստ, միջատավանիչ միջոցներ. ի՞նչ անել Արևմտյան Նեղոսի տենդից խուսափելու համար
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, հհ առողջապահության նախարարություն, արևմտյան նեղոսի տենդ
հայաստան, հհ առողջապահության նախարարություն, արևմտյան նեղոսի տենդ
Սուտ է. ՀՀ առողջապահության նախարարությունը` Արևմտյան Նեղոսի տենդով վարակվածների թվի մասին
11:46 24.08.2024 (Թարմացված է: 11:51 24.08.2024) Նախարարի խոսնակը կարծում է, որ որոշ շրջանակներ փորձում են խառնաշփոթ տարածել։
ԵՐԵՎԱՆ, 24 օգոստոսի – Sputnik․ Արևմտյան Նեղոսի տենդով վարակված 8 պացիենտ է այս պահին բուժում ստանում Ինֆեկցիոն հիվանդությունների ազգային կենտրոնում։
Sputnik Արմենիայի հետ զրույցում տեղեկությունը հայտնեց առողջապահության նախարարի խոսնակ Մարիամ Ծատրյանը։
Նրա խոսքով՝ ևս 9 անձ է հոսպիտալացված, որոնց մոտ, սակայն, հիվանդությունը դեռ հաստատված չէ, կասկածվում է։
Ծատրյանը հավելեց, որ սա դինամիկ փոփոխվող տվյալ է, թվերն այս պահի դրությամբ են ներկայացվում։
Անդրադառնալով տարածվող լուրերին, թե հիվանդների և հիվանդությունից մահացածներից թիվն ավելի մեծ է, քան հաղորդվում է, նախարարի խոսնակը նշեց՝ սուտ է։
«Պաշտոնապես հերքում եմ»,- ասաց Ծատրյանը։
Նա նշեց, որ նման կեղծ լուրեր տարածելով՝ որոշ շրջանակներ պարզապես փորձում են խառնաշփոթ տարածել, և հավելեց՝ մինչ այս պահը գրանցվել է Արևմտյան Նեղոսի տենդից մահվան միայն մեկ դեպք, ու մահացածն ունեցել է ուղեկցող բազմաթիվ հիվանդություններ։
Ծատրյանի խոսքով՝ նախարարությունը մշտապես թարմացնում է տվյալներն ու դրանք ներկայացնում հանրությանը, որևէ բան թաքցնելու միտում չկա։
Նշենք, որ «Հրապարակ» թերթը, հղում անելով իր աղբյուրներին, գրել էր, թե Հայաստանում Արևմտյան Նեղոսի տենդից ոչ թե 1, այլ 4 մարդ է մահացել, 22 հոգու վիճակն էլ ծանր է։ Ըստ պարբերականի աղբյուրի՝ ՀՀ առողջապահության նախարարությունը կեղծում է իրականությունն ու թվերը` չնայած մահվան առաջին դեպքը գրանցվել է օգոստոսի սկզբներին, սակայն նախարարության պատասխանատուները հանրությանը վիրուսի մասին իրազեկել են դրանից երկու շաբաթ անց, իսկ մահվան մասին առաջինը լրատվամիջոցներն են գրել։
Հիշեցնենք` Հիվանդությունների վերահսկման և կանխարգելման ազգային կենտրոնը երեկ
հայտնել էր, որ օգոստոսի 23-ի տվյալներով` Արևմտյան Նեղոսի տենդով վարակվելու լաբորատոր հաստատված 75 դեպք է գրանցվել։
Արևմտյան Նեղոսի տենդը մեծամասամբ ընթանում է ասիմպտոմ։ 85% դեպքերում մարդիկ չգիտեն, որ վարակված են այդ հարուցիչով։ Մնացած դեպքերում մարդկանց մոտ կարող են ախտանշաններ լինել ջերմության, գլխացավի, ցանավորման տեսքով։ Հիվանդության ինկուբացիոն շրջանը կարող է տևել 2-3 շաբաթ, բայց ավելի հաճախ տևում է 3-6 օր։ Վարակված մարդու ջերմությունը կարող է բարձրանալ 38-40 աստիճան, դողէրոցք սկսվել։ Հիվանդությանը բնորոշ են ուժեղ գլխացավը, փսխումները։ Վիրուսը բարդացման փուլում կարող է առաջացնել ընդհուպ մենինգոէնցեֆալիտ, որը միաժամանակ ուղեղի թաղանթի և ուղեղի բորբոքումն է։
