https://arm.sputniknews.ru/20240820/tsirani-tsary-karvogh-e-shrjik-paratvon-darnal-inch-tsragrer-unen-kazmakerpichnery-79659370.html
«Ծիրանի ծառը» կարող է շրջիկ փառատոն դառնալ. ի՞նչ ծրագրեր ունեն կազմակերպիչները
«Ծիրանի ծառը» կարող է շրջիկ փառատոն դառնալ. ի՞նչ ծրագրեր ունեն կազմակերպիչները
Sputnik Արմենիա
Փառատոնի արտամրցութային հատվածում Սերգեյ Փարաջանովի կարճամետրաժ ֆիլմերի հատուկ ցուցադրություն է լինելու։ 20.08.2024, Sputnik Արմենիա
2024-08-20T13:56+0400
2024-08-20T13:56+0400
2024-08-20T13:59+0400
հայաստան
ֆիլմ
փառատոն
«ծիրանի ծառ» փառատոն
գարեգին զաքոյան
https://cdn.am.sputniknews.ru/img/07e8/08/14/79656286_0:0:1601:901_1920x0_80_0_0_af20a5e6fc18fdf0d89cc5fbdeed015b.jpg
ԵՐԵՎԱՆ, 20 օգոստոսի – Sputnik. «Ծիրանի ծառ» վավերագրական ֆիլմերի միջազգային փառատոնը տարեցտարի նոր թափ է ստանում, ու այս տարի 40 ֆիլմ է ցուցադրվելու 22 երկրից։ Sputnik Արմենիա մուլտիմեդիոն մամուլի կենտրոնում հրավիրված ասուլիսի ժամանակ տեղեկությունը հայտնեց փառատոնի տնօրեն Արթուր Վարդիկյանը։10-րդ հոբելյանական փառատոնն այս տարի կանցկացվի Լոռու մարզի Դեբետ գյուղում օգոստոսի 24-31-ը։Բոլոր մասնակիցները շուրջ մեկ շաբաթ կկարողանան ապրել Լոռու մարզում, շփվել տեղի բնակչության հետ, բացահայտել տեղի կենցաղն ու մշակույթը։Նա նշեց, որ ժյուրիի 3 անդամներից մեկը ֆրանսահայ կինոգործիչ Ժակ Քեբադյանն է, որի «20 տարի անց» ֆիլմը (Հայաստանի մասին է պատմում ու սկսել է նկարվել 1983 թվականից) նույնպես կցուցադրվի փառատոնի շրջանակում, երկրորդ անդամն իրանցի Մեհդի Ֆարդ Ղադերին է, երրորդը` հայաստանցի Սոնա Կարապողոսյանը։Խոսելով փառատոնի արտամրցութային հատվածի մասին` փառատոնի տնօրենը նշեց, որ Սերգեյ Փարաջանովի 100-ամյակի կապակցությամբ կինոռեժիսորի կարճամետրաժ ֆիլմերի հատուկ ցուցադրություն կլինի Դսեղում` գրող, բանաստեղծ Հովհաննես Թումանյանի տուն–թանգարանում։Վարդիկյանի խոսքով` այժմ գաղափար կա, որ փառատոնը հետզհետե շրջիկ դառնա, այսինքն`2-3 տարի մի բնակավայրում անցկացվի, հետո տեղափոխվի այլ վայր։ Արդեն որոշակի մտքեր կան, թե մյուս տարի երբ և որտեղ պետք է անցկացվի, բայց փառատոնի տնօրենը փակագծեր չբացեց։«Մենք չենք ասել, Քսենոֆոնն է ասել դեռևս մ.թ.ա. 401 թ.». Երևանում գարեջրի փառատոն կանցկացվիԻսկ ինչո՞ւ են որոշել կինոտոնը Դեբետում անցկացնել։ Փառատոնի կազմակերպիչների խոսքով` ընտրել են Երևանից հեռու վայր, որպեսզի ամբողջ գյուղական շունչը զգացվի։ Երևանցիների համար էլ այս փառատոնը կարող է խթան հանդիսանալ, որպեսզի ներքին զբոսաշրջությամբ զբաղվեն, իսկ գյուղի բնակիչների համար միշտ չէ, որ կինոթատրոնում ֆիլմեր նայելը հասանելի է։«Ֆիլմադարան» ՀԿ–ի նախագահ Գարեգին Զաքոյանն էլ ընդգծեց, որ ինչպես ամեն տարի, այս տարի նույնպես երեխաների հետ են աշխատելու, ինքնուրույն ֆիլմ նկարելու համար տարրական հմտություններ են սովորեցնելու։Փառատոնի շրջանակում գլխավոր մրցանակներն ավանդաբար հայկական ձեռագործ գորգեր են լինում, իսկ մյուս մրցանակները` կերամիկական աշխատանքներ։Հիշեցնենք, որ փառատոնը 2014 թվականին է հիմնադրվել։ Սկզբում միայն Երևանում է անցկացվել, 2017 թվականից` Արագածոտնի մարզի Ուջան գյուղում, իսկ 2023 թվականին առաջին անգամ կազմակերպվել է Դեբետում։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ֆիլմ, փառատոն, «ծիրանի ծառ» փառատոն, գարեգին զաքոյան
հայաստան, ֆիլմ, փառատոն, «ծիրանի ծառ» փառատոն, գարեգին զաքոյան
«Ծիրանի ծառը» կարող է շրջիկ փառատոն դառնալ. ի՞նչ ծրագրեր ունեն կազմակերպիչները
13:56 20.08.2024 (Թարմացված է: 13:59 20.08.2024) Փառատոնի արտամրցութային հատվածում Սերգեյ Փարաջանովի կարճամետրաժ ֆիլմերի հատուկ ցուցադրություն է լինելու։
ԵՐԵՎԱՆ, 20 օգոստոսի – Sputnik. «Ծիրանի ծառ» վավերագրական ֆիլմերի միջազգային փառատոնը տարեցտարի նոր թափ է ստանում, ու այս տարի 40 ֆիլմ է ցուցադրվելու 22 երկրից։
Sputnik Արմենիա մուլտիմեդիոն մամուլի կենտրոնում հրավիրված ասուլիսի ժամանակ տեղեկությունը հայտնեց փառատոնի տնօրեն Արթուր Վարդիկյանը։
10-րդ հոբելյանական փառատոնն այս տարի կանցկացվի Լոռու մարզի Դեբետ գյուղում օգոստոսի 24-31-ը։
Բոլոր մասնակիցները շուրջ մեկ շաբաթ կկարողանան ապրել Լոռու մարզում, շփվել տեղի բնակչության հետ, բացահայտել տեղի կենցաղն ու մշակույթը։
«Լիամետրաժ ծրագիրը շատ լավն է, մեկը մեկից հոյակապ ֆիլմեր են աշխարհի տարբեր ծայրերից։ Պորտուգալական, իրանական, ֆրանսիական և այլ երկրների լավ ֆիլմեր են։ Փառատոնի շրջանակում երեխաների համար էլ են ֆիլմեր ցուցադրվելու։ Բոլորն արդեն թարգմանված են»,– ասաց Վարդիկյանը։
Նա նշեց, որ ժյուրիի 3 անդամներից մեկը ֆրանսահայ կինոգործիչ Ժակ Քեբադյանն է, որի «20 տարի անց» ֆիլմը (Հայաստանի մասին է պատմում ու սկսել է նկարվել 1983 թվականից) նույնպես կցուցադրվի փառատոնի շրջանակում, երկրորդ անդամն իրանցի Մեհդի Ֆարդ Ղադերին է, երրորդը` հայաստանցի Սոնա Կարապողոսյանը։
Խոսելով փառատոնի արտամրցութային հատվածի մասին` փառատոնի տնօրենը նշեց, որ Սերգեյ Փարաջանովի 100-ամյակի կապակցությամբ կինոռեժիսորի կարճամետրաժ ֆիլմերի հատուկ ցուցադրություն կլինի Դսեղում` գրող, բանաստեղծ Հովհաննես Թումանյանի տուն–թանգարանում։
Վարդիկյանի խոսքով` այժմ գաղափար կա, որ փառատոնը հետզհետե շրջիկ դառնա, այսինքն`2-3 տարի մի բնակավայրում անցկացվի, հետո տեղափոխվի այլ վայր։ Արդեն որոշակի մտքեր կան, թե մյուս տարի երբ և որտեղ պետք է անցկացվի, բայց փառատոնի տնօրենը փակագծեր չբացեց։
Իսկ ինչո՞ւ են որոշել կինոտոնը Դեբետում անցկացնել։ Փառատոնի կազմակերպիչների խոսքով` ընտրել են Երևանից հեռու վայր, որպեսզի ամբողջ գյուղական շունչը զգացվի։ Երևանցիների համար էլ այս փառատոնը կարող է խթան հանդիսանալ, որպեսզի ներքին զբոսաշրջությամբ զբաղվեն, իսկ գյուղի բնակիչների համար միշտ չէ, որ կինոթատրոնում ֆիլմեր նայելը հասանելի է։
«Ֆիլմադարան» ՀԿ–ի նախագահ Գարեգին Զաքոյանն էլ ընդգծեց, որ ինչպես ամեն տարի, այս տարի նույնպես երեխաների հետ են աշխատելու, ինքնուրույն ֆիլմ նկարելու համար տարրական հմտություններ են սովորեցնելու։
«Նպատակն է ծրագրի միջոցով այնպես անել, որ ամեն գյուղ կարողանա ստեղծել իր առօրյայի պատմությունը։ Դրանով հնարավոր կլինի տարիներ անց սերունդներին ցույց տալ, թե ինչպես են մարդիկ ապրել, հագնվել, սովորել այս կամ այն բնակավայրում»,– նշեց Զաքոյանը։
Փառատոնի շրջանակում գլխավոր մրցանակներն ավանդաբար հայկական ձեռագործ գորգեր են լինում, իսկ մյուս մրցանակները` կերամիկական աշխատանքներ։
Հիշեցնենք, որ փառատոնը 2014 թվականին է հիմնադրվել։ Սկզբում միայն Երևանում է անցկացվել, 2017 թվականից` Արագածոտնի մարզի Ուջան գյուղում, իսկ 2023 թվականին առաջին անգամ կազմակերպվել է Դեբետում։
