https://arm.sputniknews.ru/20240815/hhum-ajsuhet-hajreri-or-klini-ajn-knshvi-hunisi-17in-79484142.html
ՀՀ–ում այսուհետ Հայրերի օր կլինի. այն կնշվի հունիսի 17–ին
ՀՀ–ում այսուհետ Հայրերի օր կլինի. այն կնշվի հունիսի 17–ին
Sputnik Արմենիա
Օրենքի փոփոխություններն ուժի մեջ են մտնում պաշտոնական հրապարակման օրվան հաջորդող 10–րդ օրը: 15.08.2024, Sputnik Արմենիա
2024-08-15T11:01+0400
2024-08-15T11:01+0400
2024-08-15T12:34+0400
հայր
տոն
հայաստան
հհ կառավարություն
https://cdn.am.sputniknews.ru/img/07e4/07/18/23864375_0:0:1600:901_1920x0_80_0_0_25463f404202a932f28a56e6258fb47e.jpg
ԵՐԵՎԱՆ, 15 օգոստոսի – Sputnik. Հունիսի 17–ը ՀՀ–ում կնշվի որպես Հայրերի օր։ Օրենսդրական նման նախաձեռնությամբ է հանդես եկել ԱԺ «Քաղաքացիական պայմանագիր» խմբակցության պատգամավոր Զարուհի Բաթոյանը։Պատգամավորն առաջարկել է փոփոխություններ կատարել «Հայաստանի Հանրապետության տոների և հիշատակի օրերի մասին» ՀՀ օրենքում։«Աշխարհի մի շարք երկրներում Հայրերի օրը նշվում է` նպատակ ունենալով մեծարելու և երախտագիտություն հայտնելու հայրերին, արժանին մատուցելու նրանց կողմից կատարած զոհաբերությունների, ունեցած ավանդի և ներդրումների համար` հանուն իրենց երեխաների և ընտանիքի ապագայի և բարեկեցության»,– ասված է որոշման մեջ:Նշվում է նաև, որ Հայրերի օրը ԱՄՆ–ում, Մեքսիկայում, Հնդկաստանում, Ճապոնիայում նշվում է հունիսի 3–րդ կիրակի օրը:«Հայրերի օրն օգնում է ընդգծելու հայրության կարևորությունը երեխաների դաստիարակության և զարգացման, ընտանիքի կայացման հարցում: Ըստ գիտական հետազոտությունների` դաստիրակության մեջ ներգրավված հայրերի երեխաները մեծանում են զարգացած ճանաչողական կարողություններով, ունենում են ավելի բարձր ինքնագնահատական, կարողանում են առանց բարդության լուծել կոնֆլիկտները և ավելի քիչ վարքագծային խնդիրներ են ունենում: Իսկ իրենց երեխաների կյանքում ակտիվ ներգրավվածություն ունեցող հայրերն ավելի գոհ են, երջանիկ և առողջ: Նրանք ավելի քիչ վնասակար սովորություններ ունեն և ավելի երկար են ապրում: Բացի այդ, ավելի ամուր են կապված իրենց զուգընկերներին և ընտանիքի բոլոր անդամներին»,– գրել է Բաթոյանը:Կառավարության կողմից հավանության արժանացած այս նախագիծը ներկայացվեց ԱԺ քննարկման։ Օրենքի փոփոխություններն ուժի մեջ կմտնեն պաշտոնական հրապարակման օրվան հաջորդող 10–րդ օրը:Հայրերի ամենամյա տոնը շատ երկրներում նշվում է հունիսի երրորդ կիրակի օրը։ Հայրերի տոնը առաջին անգամ նշվել է ԱՄՆ-ում 1910 թվականի հունիսի 19-ին։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայր, տոն, հայաստան, հհ կառավարություն
հայր, տոն, հայաստան, հհ կառավարություն
ՀՀ–ում այսուհետ Հայրերի օր կլինի. այն կնշվի հունիսի 17–ին
11:01 15.08.2024 (Թարմացված է: 12:34 15.08.2024) Օրենքի փոփոխություններն ուժի մեջ են մտնում պաշտոնական հրապարակման օրվան հաջորդող 10–րդ օրը:
ԵՐԵՎԱՆ, 15 օգոստոսի – Sputnik. Հունիսի 17–ը ՀՀ–ում կնշվի որպես Հայրերի օր։ Օրենսդրական նման նախաձեռնությամբ է հանդես եկել ԱԺ «Քաղաքացիական պայմանագիր» խմբակցության պատգամավոր Զարուհի Բաթոյանը։
Պատգամավորն առաջարկել է փոփոխություններ կատարել «Հայաստանի Հանրապետության տոների և հիշատակի օրերի մասին» ՀՀ օրենքում։
Որոշման հիմնավորման մեջ նշված է, որ ՀՀ Սահմանադրության 16-րդ հոդվածն ամրագրում է պետության պատասխանատվությունն ընտանիքի պաշտպանության դերի կարևորման հարցում: «Հայաստանի Հանրապետության տոների և հիշատակների մասին» ՀՀ օրենքով սահմանված է Մայրության և գեղեցկության տոնը, որը նշվում է ապրիլի 7–ին, սակայն գործող կարգավորումները չեն սահմանում Հայրերի օրը:
«Աշխարհի մի շարք երկրներում Հայրերի օրը նշվում է` նպատակ ունենալով մեծարելու և երախտագիտություն հայտնելու հայրերին, արժանին մատուցելու նրանց կողմից կատարած զոհաբերությունների, ունեցած ավանդի և ներդրումների համար` հանուն իրենց երեխաների և ընտանիքի ապագայի և բարեկեցության»,– ասված է որոշման մեջ:
Նշվում է նաև, որ Հայրերի օրը ԱՄՆ–ում, Մեքսիկայում, Հնդկաստանում, Ճապոնիայում նշվում է հունիսի 3–րդ կիրակի օրը:
«Հայրերի օրն օգնում է ընդգծելու հայրության կարևորությունը երեխաների դաստիարակության և զարգացման, ընտանիքի կայացման հարցում: Ըստ գիտական հետազոտությունների` դաստիրակության մեջ ներգրավված հայրերի երեխաները մեծանում են զարգացած ճանաչողական կարողություններով, ունենում են ավելի բարձր ինքնագնահատական, կարողանում են առանց բարդության լուծել կոնֆլիկտները և ավելի քիչ վարքագծային խնդիրներ են ունենում: Իսկ իրենց երեխաների կյանքում ակտիվ ներգրավվածություն ունեցող հայրերն ավելի գոհ են, երջանիկ և առողջ: Նրանք ավելի քիչ վնասակար սովորություններ ունեն և ավելի երկար են ապրում: Բացի այդ, ավելի ամուր են կապված իրենց զուգընկերներին և ընտանիքի բոլոր անդամներին»,– գրել է Բաթոյանը:
Կառավարության կողմից հավանության արժանացած այս նախագիծը ներկայացվեց ԱԺ քննարկման։ Օրենքի փոփոխություններն ուժի մեջ կմտնեն պաշտոնական հրապարակման օրվան հաջորդող 10–րդ օրը:
Հայրերի ամենամյա տոնը շատ երկրներում նշվում է հունիսի երրորդ կիրակի օրը։ Հայրերի տոնը առաջին անգամ նշվել է ԱՄՆ-ում 1910 թվականի հունիսի 19-ին։
