https://arm.sputniknews.ru/20240801/hhum-nvor-atvomajin-energablvoki-karucman-hamar-pak-bazhnetirakan-ynkerutjun-ksteghtsvi-78989956.html
ՀՀ–ում նոր ատոմային էներգաբլոկի կառուցման համար փակ բաժնետիրական ընկերություն կստեղծվի
ՀՀ–ում նոր ատոմային էներգաբլոկի կառուցման համար փակ բաժնետիրական ընկերություն կստեղծվի
Sputnik Արմենիա
Ատոմային նոր էներգաբլոկի կառուցման ծրագրի կառավարման ընկերության կառուցվածքը (հաստիքային միավորներ) և բյուջեն, ըստ նախնական գնահատականի, 2024թ. համար կկազմի... 01.08.2024, Sputnik Արմենիա
2024-08-01T11:02+0400
2024-08-01T11:02+0400
2024-08-01T11:02+0400
հայաստան
ատոմակայան
հհ կառավարություն
https://cdn.am.sputniknews.ru/img/1589/68/15896819_0:85:1600:985_1920x0_80_0_0_d5aa20b360d0d4ea93fc68b43a8fdc8b.jpg
ԵՐԵՎԱՆ, 1 օգոստոսի – Sputnik. ՀՀ–ում նոր ատոմային էներգաբլոկի (էներգաբլոկների) կառուցման ծրագրի կառավարման նպատակով կստեղծվի փակ բաժնետիրական ընկերություն։ Համապատասխան որոշումն ընդունվեց ՀՀ կառավարության այսօրվա նիստի ժամանակ։Նշվում է, որ նախատեսվում է ՀԱԷԿ–ի 2–րդ էներգաբլոկի շահագործման ժամկետի (ներառյալ դրա երկարաձգումները) ավարտից հետո գործող կայանի հարթակում փոխարինող հզորության էներգաբլոկ կառուցել՝ տնտեսական նպատակահարմարության դեպքում դիտարկելով նաև փոքր մոդուլյար ռեակտոր(ներ):«Նոր ընկերությունը կստեղծվի Ատոմային էներգիայի միջազգային գործակալության կողմից հրապարակված Milestones in the Development of a National Infrastructure for Nuclear Power. No. NG-G-3.1 (Rev. 1) ուղեցույցի համաձայն»,– նշված է որոշման հիմնավորման մեջ։Կազմակերպության կազմակերպական–իրավական ձևը և կադրերի հավաքագրումը կֆինանսավորվի ՀՀ պետական բյուջեի միջոցների հաշվին, իսկ ընկերության ընդհանուր կառավարումը կիրականացնի լիազոր մարմինը՝ ՀՀ տարածքային կառավարման և ենթակառուցվածքների նախարարությունը:Այնուհետև Ազգային ժողովի կողմից նոր միջուկային էներգաբլոկի կառուցման մասին օրենքը ուժի մեջ մտնելուց հետո կազմակերպությունը պետք է սկսի համալրվել համապատասխան կադրերով` հետագայում նոր կայանի կառուցումից հետո դառնալով կայանի շահագործողը: Անհրաժեշտ կլինի տարբեր ոլորտների` էլեկտրաէներգետիկա, միջուկային ֆիզիկա, բնապահպանություն, կրթություն, քաղաքաշինություն և այլն, բարձր որակավորում ունեցող 50-60 մասնագետներով համալրված անձնակազմ:Տեխնոլոգիայի ընտրության և կայանի կառուցման նախապատրաստական փուլում կազմակերպությանը մոտավոր գնահատմամբ անհրաժեշտ կլինի շուրջ 800 միլիոն դրամ տարեկան բյուջե։ Ակնկալվում է, որ համապատասխան անձնակազմի համալրումից հետո 1,5–2 տարվա ընթացքում նոր կազմակերպությունը կկարողանա կառավարությանը տալ հիմնավորված առաջարկ տեխնոլոգիայի ընտրության վերաբերյալ:Ատոմային նոր էներգաբլոկի կառուցման ծրագրի կառավարման ընկերության կառուցվածքը (հաստիքային միավորներ) և բյուջեն, ըստ նախնական գնահատականի` 2024թ. համար կկազմի 200 մլն դրամ։Որոշման հիմնավորման մեջ նաև նշվում է, որ այս ճանապարհով են անցել բոլոր այն երկրները, որոնք կառուցում են նոր միջուկային էներգաբլոկներ` Ռումինիա, Եգիպտոս, Թուրքիա, Բանգլադեշ և այլն։Հիշեցնենք` ռուսաստանյան «Ռոսատոմ սերվիս» ընկերությունն այժմ Մեծամորի ԱԷԿ-ի միակ գործող`2-րդ էներգաբլոկի շահագործման ժամկետը ևս 10 տարով (մինչև 2036 թ․) երկարացնելուն ուղղված աշխատանքներ է իրականացնում։Դրանց ընթացքում նախատեսվում է գնահատել ռեակտորի մետաղի հատկությունների փոփոխությունները։ Այդ նպատակով «Ռոսատոմ Սերվիսը» դիտարկող նմուշներ է տեղադրել ռեակտորի կորպուսում, որոնցից ստացված տվյալները 2025 թվականից սկսած յուրաքանչյուր տարի ենթարկվելու են լաբորատոր փորձաքննության։Դրական արդյունքների դեպքում 1979թ–ին շահագործման հանձնված Մեծամորի ԱԷԿ–ը կարող է ծառայել առավելագույնը մինչև 2036թ–ը։ Մինչ այդ Հայաստանը պետք է հասցնի նոր ատոմակայան կառուցել երկրի էներգետիկ անվտանգությունը չվտանգելու համար։ԱՄՆ–ն ՀՀ–ում հետազոտություն է իրականացնում փոքր մոդուլային ատոմակայան կառուցելու հարցով
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ատոմակայան, հհ կառավարություն
հայաստան, ատոմակայան, հհ կառավարություն
ՀՀ–ում նոր ատոմային էներգաբլոկի կառուցման համար փակ բաժնետիրական ընկերություն կստեղծվի
Ատոմային նոր էներգաբլոկի կառուցման ծրագրի կառավարման ընկերության կառուցվածքը (հաստիքային միավորներ) և բյուջեն, ըստ նախնական գնահատականի, 2024թ. համար կկազմի 200 մլն դրամ։
ԵՐԵՎԱՆ, 1 օգոստոսի – Sputnik. ՀՀ–ում նոր ատոմային էներգաբլոկի (էներգաբլոկների) կառուցման ծրագրի կառավարման նպատակով կստեղծվի փակ բաժնետիրական ընկերություն։ Համապատասխան որոշումն ընդունվեց ՀՀ կառավարության այսօրվա նիստի ժամանակ։
Նշվում է, որ նախատեսվում է ՀԱԷԿ–ի 2–րդ էներգաբլոկի շահագործման ժամկետի (ներառյալ դրա երկարաձգումները) ավարտից հետո գործող կայանի հարթակում փոխարինող հզորության էներգաբլոկ կառուցել՝ տնտեսական նպատակահարմարության դեպքում դիտարկելով նաև փոքր մոդուլյար ռեակտոր(ներ):
«Նոր ընկերությունը կստեղծվի Ատոմային էներգիայի միջազգային գործակալության կողմից հրապարակված Milestones in the Development of a National Infrastructure for Nuclear Power. No. NG-G-3.1 (Rev. 1) ուղեցույցի համաձայն»,– նշված է որոշման հիմնավորման մեջ։
Կազմակերպության կազմակերպական–իրավական ձևը և կադրերի հավաքագրումը կֆինանսավորվի ՀՀ պետական բյուջեի միջոցների հաշվին, իսկ ընկերության ընդհանուր կառավարումը կիրականացնի լիազոր մարմինը՝ ՀՀ տարածքային կառավարման և ենթակառուցվածքների նախարարությունը:
Կառավարության որոշմամբ` նոր կազմակերպությունը պետք է համեմատական ուսումնասիրություն անցկացնի բոլոր առաջարկվող տեխնոլոգիաների և տեխնիկատնտեսական հիմնավորումների միջև, որի հիման վրա կներկայացնի տեխնոլոգիայի ընտրության վերաբերյալ իր մասնագիտական առաջարկը։ Կազմակերպությունը պետք է բանակցի և նախապատրաստի նոր միջուկային էներգաբլոկ/ների կառուցման, ֆինանսավորման, տիրապետման և շահագործման հետ կապված փաստաթղթերը:
Այնուհետև Ազգային ժողովի կողմից նոր միջուկային էներգաբլոկի կառուցման մասին օրենքը ուժի մեջ մտնելուց հետո կազմակերպությունը պետք է սկսի համալրվել համապատասխան կադրերով` հետագայում նոր կայանի կառուցումից հետո դառնալով կայանի շահագործողը: Անհրաժեշտ կլինի տարբեր ոլորտների` էլեկտրաէներգետիկա, միջուկային ֆիզիկա, բնապահպանություն, կրթություն, քաղաքաշինություն և այլն, բարձր որակավորում ունեցող 50-60 մասնագետներով համալրված անձնակազմ:
Տեխնոլոգիայի ընտրության և կայանի կառուցման նախապատրաստական փուլում կազմակերպությանը մոտավոր գնահատմամբ անհրաժեշտ կլինի շուրջ 800 միլիոն դրամ տարեկան բյուջե։ Ակնկալվում է, որ համապատասխան անձնակազմի համալրումից հետո 1,5–2 տարվա ընթացքում նոր կազմակերպությունը կկարողանա կառավարությանը տալ հիմնավորված առաջարկ տեխնոլոգիայի ընտրության վերաբերյալ:
Ատոմային նոր էներգաբլոկի կառուցման ծրագրի կառավարման ընկերության կառուցվածքը (հաստիքային միավորներ) և բյուջեն, ըստ նախնական գնահատականի` 2024թ. համար կկազմի 200 մլն դրամ։
Որոշման հիմնավորման մեջ նաև նշվում է, որ այս ճանապարհով են անցել բոլոր այն երկրները, որոնք կառուցում են նոր միջուկային էներգաբլոկներ` Ռումինիա, Եգիպտոս, Թուրքիա, Բանգլադեշ և այլն։
Հիշեցնենք` ռուսաստանյան «Ռոսատոմ սերվիս» ընկերությունն այժմ Մեծամորի ԱԷԿ-ի միակ գործող`2-րդ էներգաբլոկի շահագործման ժամկետը ևս 10 տարով (մինչև 2036 թ․) երկարացնելուն ուղղված
աշխատանքներ է իրականացնում։
Դրանց ընթացքում նախատեսվում է գնահատել ռեակտորի մետաղի հատկությունների փոփոխությունները։ Այդ նպատակով «Ռոսատոմ Սերվիսը» դիտարկող նմուշներ է տեղադրել ռեակտորի կորպուսում, որոնցից ստացված տվյալները 2025 թվականից սկսած յուրաքանչյուր տարի ենթարկվելու են լաբորատոր փորձաքննության։
Դրական արդյունքների դեպքում 1979թ–ին շահագործման հանձնված Մեծամորի ԱԷԿ–ը կարող է ծառայել առավելագույնը մինչև 2036թ–ը։ Մինչ այդ Հայաստանը պետք է հասցնի նոր ատոմակայան կառուցել երկրի էներգետիկ անվտանգությունը չվտանգելու համար։
