https://arm.sputniknews.ru/20240731/pakughi-erevan-baqu-banakcutjunnerum-mishely-pvordzum-e-teghic-sharzhel-gvortsyntacy-zlm-78951205.html
Փակուղի Երևան-Բաքու բանակցություններում, Միշելը փորձում է տեղից շարժել գործընթացը. ԶԼՄ
Փակուղի Երևան-Բաքու բանակցություններում, Միշելը փորձում է տեղից շարժել գործընթացը. ԶԼՄ
Sputnik Արմենիա
Պաշտոնյաները «Politico»–ին հայտնել են, որ կողմերն այս ամսվա ընթացքում բանակցություններ են անցկացրել, որոնց մասին նախկինում չի խոսվել: 31.07.2024, Sputnik Արմենիա
2024-07-31T14:26+0400
2024-07-31T14:26+0400
2024-07-31T14:36+0400
հայաստան
ադրբեջան
շառլ միշել
խաղաղության պայմանագիր
https://cdn.am.sputniknews.ru/img/07e7/07/0f/62795601_0:321:3070:2048_1920x0_80_0_0_8fe99a6f134cfdd4278a4f24eb6ebb9e.jpg
ԵՐԵՎԱՆ, 31 հուլիսի – Sputnik. Եվրոպական խորհրդի նախագահ Շառլ Միշելը վերսկսում է Հարավային Կովկասում կայուն խաղաղության հաստատմանն ուղղված ջանքերը, քանի որ պատերազմով համակված տարածաշրջանում աճում է լարվածությունը։ Այս մասին գրում է ամերիկյան «Politico»–ն։Պարբերականի հետ զրույցում երկու բարձրաստիճան դիվանագետներ հաստատել են, որ Բելգիայի նախկին վարչապետը երկկողմ հանդիպումներ է ունեցել Հայաստանի և Ադրբեջանի ղեկավարների հետ այս ամսվա ընթացքում Միացյալ Թագավորությունում Եվրոպական քաղաքական համայնքի գագաթնաժողովի շրջանակներում:Միշելը նաև ուղերձներ է հղել երկու կողմերին՝ կոչ անելով նրանց վերադառնալ բանակցությունների սեղանի շուրջ և ավարտին հասցնել խաղաղության պայմանագիրը՝ առաջընթաց գրանցելով այնպիսի չլուծված հարցերի շուրջ, ինչպիսին է սահմանազատումը։Հոդվածագիրը նշում է, որ Բրյուսելում աճում է հիասթափությունը բանակցությունների ձգձգման և դիվանագիտական փակուղու կապակցությամբ, որոնց պատճառով երկար սպասված պայմանագիրն այդպես էլ չի կնքվել։ Չնայած Միշելի հետ հանդիպումներին` Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը չեն կարողացել բանակցությունների սեղանի շուրջ նստելու հնարավորություն գտնել, ընդ որում` երկու կողմերն էլ միմյանց են մեղադրում բանակցությունները փակուղի տանելու մեջ:Ամերիկյան պարբերականը նաև նշում է, որ Շառլ Միշելը Երևանին և Բաքվին է դիմել 9 ամիս անց այն բանից հետո, երբ Ադրբեջանը ռազմական հարձակում սկսեց Լեռնային Ղարաբաղն իրեն ենթարկեցնելու նպատակով, ինչը 100 000 էթնիկ հայերի արտագաղթ առաջացրեց: Միաժամանակ հոդվածում շեշտվում է այն հանգամանքը, որ Ադրբեջանի կողմից բռնությունները տեղի են ունեցել Միշելի կազմակերպած բանակցություններից հետո:«Politico»-ն նկատում է, որ Բաքվի և Երևանի միջև լարվածությունը շարունակում է աճել, անցյալ շաբաթ Ադրբեջանի պաշտպանության նախարարությունը Հայաստանին մեղադրեց երկու երկրների ընդհանուր սահմանի երկայնքով սադրանքներ իրականացնելու մեջ և սպառնաց անհրաժեշտ պատասխան միջոցներ ձեռնարկել ՝ օգտագործելով իրենց տրամադրության տակ եղած բոլոր միջոցները ինքնապաշտպանության նպատակով: Ադրբեջանը նաև քննադատել է ԵՄ երկրների, օրինակ` Ֆրանսիայի կողմից Երևանին ցուցաբերվող ռազմական աջակցությունը՝ փորձելով ուժերի հավասարակշռություն ստեղծել երկու պատմական թշնամիների միջև։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ադրբեջան, շառլ միշել, խաղաղության պայմանագիր
հայաստան, ադրբեջան, շառլ միշել, խաղաղության պայմանագիր
Փակուղի Երևան-Բաքու բանակցություններում, Միշելը փորձում է տեղից շարժել գործընթացը. ԶԼՄ
14:26 31.07.2024 (Թարմացված է: 14:36 31.07.2024) Պաշտոնյաները «Politico»–ին հայտնել են, որ կողմերն այս ամսվա ընթացքում բանակցություններ են անցկացրել, որոնց մասին նախկինում չի խոսվել:
ԵՐԵՎԱՆ, 31 հուլիսի – Sputnik. Եվրոպական խորհրդի նախագահ Շառլ Միշելը վերսկսում է Հարավային Կովկասում կայուն խաղաղության հաստատմանն ուղղված ջանքերը, քանի որ պատերազմով համակված տարածաշրջանում աճում է լարվածությունը։ Այս մասին գրում է ամերիկյան
«Politico»–ն։
Պարբերականի հետ զրույցում երկու բարձրաստիճան դիվանագետներ հաստատել են, որ Բելգիայի նախկին վարչապետը երկկողմ հանդիպումներ է ունեցել Հայաստանի և Ադրբեջանի ղեկավարների հետ այս ամսվա ընթացքում Միացյալ Թագավորությունում Եվրոպական քաղաքական համայնքի գագաթնաժողովի շրջանակներում:
Միշելը նաև ուղերձներ է հղել երկու կողմերին՝ կոչ անելով նրանց վերադառնալ բանակցությունների սեղանի շուրջ և ավարտին հասցնել խաղաղության պայմանագիրը՝ առաջընթաց գրանցելով այնպիսի չլուծված հարցերի շուրջ, ինչպիսին է սահմանազատումը։
Հոդվածագիրը նշում է, որ Բրյուսելում աճում է հիասթափությունը բանակցությունների ձգձգման և դիվանագիտական փակուղու կապակցությամբ, որոնց պատճառով երկար սպասված պայմանագիրն այդպես էլ չի կնքվել։ Չնայած Միշելի հետ հանդիպումներին` Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը չեն կարողացել բանակցությունների սեղանի շուրջ նստելու հնարավորություն գտնել, ընդ որում` երկու կողմերն էլ միմյանց են մեղադրում բանակցությունները փակուղի տանելու մեջ:
«Ի վերջո, երկու կողմերն էլ պետք է դադարեցնեն խաղերը և գործարք կնքեն, քանի որ նախագահ Միշելն ամեն ինչ արել է խաղաղության համաձայնագրի հասնելու համար», – հայտարարել է ԵՄ բարձրաստիճան դիվանագետը:
Ամերիկյան պարբերականը նաև նշում է, որ Շառլ Միշելը Երևանին և Բաքվին է դիմել 9 ամիս անց այն բանից հետո, երբ Ադրբեջանը ռազմական հարձակում սկսեց Լեռնային Ղարաբաղն իրեն ենթարկեցնելու նպատակով, ինչը 100 000 էթնիկ հայերի արտագաղթ առաջացրեց: Միաժամանակ հոդվածում շեշտվում է այն հանգամանքը, որ Ադրբեջանի կողմից բռնությունները տեղի են ունեցել Միշելի կազմակերպած բանակցություններից հետո:
«Politico»-ն նկատում է, որ Բաքվի և Երևանի միջև լարվածությունը շարունակում է աճել, անցյալ շաբաթ Ադրբեջանի պաշտպանության նախարարությունը Հայաստանին մեղադրեց երկու երկրների ընդհանուր սահմանի երկայնքով սադրանքներ իրականացնելու մեջ և սպառնաց անհրաժեշտ պատասխան միջոցներ ձեռնարկել ՝ օգտագործելով իրենց տրամադրության տակ եղած բոլոր միջոցները ինքնապաշտպանության նպատակով: Ադրբեջանը նաև քննադատել է ԵՄ երկրների, օրինակ` Ֆրանսիայի կողմից Երևանին ցուցաբերվող ռազմական աջակցությունը՝ փորձելով ուժերի հավասարակշռություն ստեղծել երկու պատմական թշնամիների միջև։
