https://arm.sputniknews.ru/20240730/inch-khndirneri-araj-karvogh-e-kangnel-hajastani-tt-volvorty-kb-i-gnahatakannery-78924604.html
Ի՞նչ խնդիրների առաջ կարող է կանգնել Հայաստանի ՏՏ ոլորտը. ԿԲ-ի գնահատականները
Ի՞նչ խնդիրների առաջ կարող է կանգնել Հայաստանի ՏՏ ոլորտը. ԿԲ-ի գնահատականները
Sputnik Արմենիա
Հայաստանում ՏՏ ոլորտի շրջանառությունը 2024 թ. հունվար–մայիս ամիսներին կրճատվել է մոտ 10%–ով։ 30.07.2024, Sputnik Արմենիա
2024-07-30T19:18+0400
2024-07-30T19:18+0400
2024-07-30T19:19+0400
հայաստան
տտ
կենտրոնական բանկ (կբ)
https://cdn.am.sputniknews.ru/img/07e7/0a/1e/67950701_0:0:1600:901_1920x0_80_0_0_dcf17dbd0ed438be452c05f35e1ca706.jpg
ԵՐԵՎԱՆ, 30 հուլիսի – Sputnik․ Հայկական ՏՏ ընկերությունների կառավարիչների հետ շփումը հիմք է տալիս ենթադրելու, որ ԱՄՆ–ում նրանց մատուցած ծառայությունների պահանջարկը ինչ–որ չափով նվազում է։ Այս մասին լրագրողների հետ հանդիպման ժամանակ այսօր ասաց ՀՀ կենտրոնական բանկի նախագահ Մարտին Գալստյանը։Վերջին ամիսներին Հայաստանի ՏՏ ոլորտը փոքր–ինչ անկում է գրանցում. հունվար–մայիս ամիսներին ոլորտի շրջանառությունը 2023 թ. նույն ամիսների համեմատ կրճատվել է մոտ 10%–ով։2022–23 թթ. ՏՏ ոլորտի աճը Հայաստանում արագացրել են ռուս ռելոկանտների ծրագրերը։ Այդ առումով, Գալստյանի խոսքով, ուշադրության է արժանի «German Economic Team»–ի հրապարակումը, որը վերաբերում է Հայաստանում ռուս ռելոկանտների շրջանում իրականացված հարցմանը։ Ավելի քան մեկ տարի առաջ 500 ռելոկանտների շրջանում անցկացված այս հարցման համաձայն` նրանց 45 %–ը հայտարարել է, որ կցանկանար մեկ տարուց ավել մնալ Հայաստանում, իսկ 27 %–ը նշել է, որ կցանկանար մնալ անժամկետ:ԿԲ նախագահը հիշեցրեց, որ այլ հետազոտություններ ցույց են տալիս, որ ռելոկանտներին առաջին հերթին հետաքրքրում են երկարաժամկետ բնակության հարցերը (առողջապահական ծառայություններ, երեխաների համար կրթություն, տրանսպորտի մատչելիություն): Ի դեպ, հայկական դրամի նկատմամբ ԱՄՆ դոլարի փոխարժեքի տատանումների հարցերը նրանց համար երկրորդական են։Ինչպես պարզաբանեց Գալստյանը, ԿԲ–ն այս բոլոր հարցերով հետաքրքրված է այնքանով, որքանով երկրի տնտեսության մեջ ՏՏ ոլորտի երկարաժամկետ ներդրումների գնահատում է անում։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, տտ, կենտրոնական բանկ (կբ)
հայաստան, տտ, կենտրոնական բանկ (կբ)
Ի՞նչ խնդիրների առաջ կարող է կանգնել Հայաստանի ՏՏ ոլորտը. ԿԲ-ի գնահատականները
19:18 30.07.2024 (Թարմացված է: 19:19 30.07.2024) Հայաստանում ՏՏ ոլորտի շրջանառությունը 2024 թ. հունվար–մայիս ամիսներին կրճատվել է մոտ 10%–ով։
ԵՐԵՎԱՆ, 30 հուլիսի – Sputnik․ Հայկական ՏՏ ընկերությունների կառավարիչների հետ շփումը հիմք է տալիս ենթադրելու, որ ԱՄՆ–ում նրանց մատուցած ծառայությունների պահանջարկը ինչ–որ չափով նվազում է։ Այս մասին լրագրողների հետ հանդիպման ժամանակ այսօր ասաց ՀՀ կենտրոնական բանկի նախագահ Մարտին Գալստյանը։
Նա հստակեցրեց, որ այս ոլորտում կենտրոնական բանկի համար դժվար է հիմնվել հաստատուն փաստերի վրա, և ենթադրությունները հիմնված են բացառապես բանավոր հաղորդագրությունների վրա: Իհարկե, կան ՏՏ ընկերություններ, որոնց պահանջարկն անընդհատ աճում է։ Դրան զուգահեռ, ըստ Գալստյանի, կան նաև ընկերություններ, որոնք ռիսկերի են բախվում։
Վերջին ամիսներին Հայաստանի ՏՏ ոլորտը փոքր–ինչ անկում է գրանցում. հունվար–մայիս ամիսներին ոլորտի շրջանառությունը 2023 թ. նույն ամիսների համեմատ կրճատվել է մոտ 10%–ով։
2022–23 թթ. ՏՏ ոլորտի աճը
Հայաստանում արագացրել են ռուս ռելոկանտների ծրագրերը։ Այդ առումով, Գալստյանի խոսքով, ուշադրության է արժանի «German Economic Team»–ի հրապարակումը, որը վերաբերում է
Հայաստանում ռուս ռելոկանտների շրջանում իրականացված հարցմանը։ Ավելի քան մեկ տարի առաջ 500 ռելոկանտների շրջանում անցկացված այս հարցման համաձայն` նրանց 45 %–ը հայտարարել է, որ կցանկանար մեկ տարուց ավել մնալ Հայաստանում, իսկ 27 %–ը նշել է, որ կցանկանար մնալ անժամկետ:
ԿԲ նախագահը հիշեցրեց, որ այլ հետազոտություններ ցույց են տալիս, որ ռելոկանտներին առաջին հերթին հետաքրքրում են երկարաժամկետ բնակության հարցերը (առողջապահական ծառայություններ, երեխաների համար կրթություն, տրանսպորտի մատչելիություն): Ի դեպ, հայկական դրամի նկատմամբ ԱՄՆ դոլարի փոխարժեքի տատանումների հարցերը նրանց համար երկրորդական են։
Ինչպես պարզաբանեց Գալստյանը, ԿԲ–ն այս բոլոր հարցերով հետաքրքրված է այնքանով, որքանով երկրի տնտեսության մեջ ՏՏ ոլորտի երկարաժամկետ ներդրումների գնահատում է անում։
