ԼՂ հայերը վերադառնալու իրավունք ունեն. Ֆրանսիայի և Ադրբեջանի դեսպանների բանավեճը
11:14 29.07.2024 (Թարմացված է: 11:15 29.07.2024)
Արցախցի
© Sputnik / Aram Nersesyan
Բաժանորդագրվել
Հայաստանում Ֆրանսիայի դեսպանի` Լեռնային Ղարաբաղի մասին գրառումը զայրացրել է Նիդեռլանդներում Ադրբեջանի դեսպանին։
ԵՐԵՎԱՆ, 29 հուլիսի – Sputnik. Լեռնային Ղարաբաղի հայերն իրենց հայրենի տներ վերադառնալու իրավունք ունեն. Հայաստանում Ֆրանսիայի դեսպան Օլիվիե Դըկոտինյին այսպես է պատասխանել Նիդերլանդներում Ադրբեջանի դիվանագիտական առաքելության ղեկավարին:
X սոցիալական ցանցում հեռակա բանավեճի առիթ է դարձել ֆրանսիացի դիվանագետի գրառումը. Օլիվիե Դըկոտինյին մեջբերել էր օլիմպիական խաղերի բացման ժամանակ «France 2»-ի հաղորդավարի` Լեռնային Ղարաբաղի մասին ասածը։
Նիդեռլանդներում Ադրբեջանի դեսպանին դուր չէր եկել Դըկոտինյիի գրառումը, և նա «նախատել» էր Ֆրանսիայի դեսպանին։
Les Arméniens bien sûr sont vos amis. Mais ce n’est pas la « chute » du Karabakh, ce sont son renouveau et sa renaissance qui commencent et ce sont ses belles perspectives qui s’ouvrent. Et si les Arméniens seront « bons garçons », ils pourrons bien profiter de ces perspectives https://t.co/FPt1CRQrpO
— Rahman Mustafayev (@rahman2609m) July 27, 2024
Վերջինս չի ցանկացել լռել և Ռահման Մութաֆաևին հիշեցրել է Լեռնային Ղարաբաղի հայերի օրինական իրավունքների մասին, որոնք ամրագրված են միջազգային դատարանի կողմից։
Ֆրանսիայի դեսպանը գործընկերոջը նաև հիշեցրել է, որ միջազգային իրավունքի մեջ «լավ տղաներ» հասկացություն չկա` անդրադառնալով Ադրբեջանի դեսպանի այն արտահայտությանը, թե եթե հայերը «լավ տղաներ» լինեն, ապա կկարողանան օգտվել «տարածաշրջանի խաղաղության հեռանկարներից»:
Հիշեցնենք` Փարիզում օլիմպիական խաղերի բացման ժամանակ «France 2» հեռուստաալիքի հաղորդավար Լորան Դելաուսն ասել էր, որ
Հայաստանը պատմականորեն ֆրանսիացիների սրտին մոտ երկիր է, անցյալ տարին հայ ժողովրդի համար սգո և Ադրբեջանի ձեռքերում հայտնված Լեռնային Ղարաբաղի անկման տարի դարձավ։ Հուլիսի 27-ին հայտնի դարձավ, որ Ադրբեջանի ղեկավարությունը մտադիր է Դելաուսի հայտարարության համար բողոք ներկայացնել Միջազգային օլիմպիական կոմիտե (ՄՕԿ):
