https://arm.sputniknews.ru/20240728/tavushi-anarik-berdy-verakangnman-nakhagits-ka-verakangnvogh-voch-78741134.html

Տավուշի անառիկ բերդը․ վերականգնման նախագիծ կա, վերականգնող՝ ոչ

Տավուշի անառիկ բերդը․ վերականգնման նախագիծ կա, վերականգնող՝ ոչ

Sputnik Արմենիա

Նախորդ 3 տարիներին 2 փուլով պեղումներ են արվել՝ վերականգնման նախագիծը կազմելու համար։ Տավուշ բերդը միջնադարյան Հայաստանի ամենաչուսումնասիրված, հետաքրքիր... 28.07.2024, Sputnik Արմենիա

2024-07-28T16:51+0400

2024-07-28T16:51+0400

2024-07-28T16:51+0400

տավուշ

բերդ

ամրոց

https://cdn.am.sputniknews.ru/img/07e8/07/18/78682117_0:188:1560:1065_1920x0_80_0_0_74a0470541103b3291e7202422df522c.jpg

Բերդ քաղաքից ոչ հեռու բարձունքին թառած է Տավուշի բերդը։ Այն միջնադարյան Հայաստանի գրեթե չուսումնասիրված հուշարձաններից է։ Ըստ հայոց կաթողիկոս և պատմիչ Հովհաննես Դրասխանակերտցու՝ այն կառուցել է Բագրատունյաց Սմբատ Առաջին արքան։ Գրավոր մի քանի աղբյուրներում առաջին անգամ հիշատակվում է 10-րդ դարի սկզբին՝ որպես Աշոտ Երկաթի նստավայր, այսինքն՝ արքայանիստ: Բերդը 10-11-րդ դարերում պատկանել է Բագրատունիների Կյուրիկյան ճյուղին, 12-13-րդ դարերում` Զաքարյանների Վահրամյան ճյուղին:Բերդն աստիճանաբար լքվել ու ավերվել է 14-րդ դարից։Մուրացանն իր «Գևորգ Մարզպետունի» վեպում Տավուշի բերդը կապում է Ցլիկ Ամրամի հետ։ Դրա համար էլ տեղացիների շրջանում բերդն անվանում են Ցլիկ Ամրամի բերդ, մինչդեռ ըստ պատմական հիշատակումների՝ այն Ցլիկ Ամրամին չի էլ պատկանել։ Փոխարենն Աշոտ Երկաթ արքայի դեմ ապստամբության ժամանակ Ամրամը փորձել է գրավել այս բերդը։Այսօր մասնակի պահպանված են միջնաբերդի պատերը, ստորին բերդի պարսպի մնացորդներ, միանավ դահլիճի տիպի եկեղեցու պատեր, կացարանների և տնտեսական շինությունների հետքեր: Ամրոցի ստորոտում 12-րդ դարում կառուցված եկեղեցու մնացորդներն են: Միջնաբերդն ունեցել է նաև գաղտնուղի։1980-ականներին այստեղ որոշակի պեղումներ են իրականացվել, որոնք, սակայն, անավարտ են մնացել։ԿԳՄՍՆ-ի ֆինանսավորմամբ տարածքում և շրջակայքում նախորդող 3 տարիներին 2 փուլով պեղումներ են արվել։ Կրկին նախարարության ֆինանսավորմամբ՝ Պատմամշակութային ժառանգության գիտահետազոտական կենտրոնը նաև ամրոցի վերականգնման նախագիծ է կազմել։ Այս տարի արդեն 2 անգամ մրցույթ է հայտարարվել, որը մասնակից չլինելու պատճառով չի կայացել։ Հիմա երրորդն է հայտարարված, բացումն օգոստոսի կեսերին է։ Ինչպե՞ս և ովքե՞ր են վերականգնում պեղումների ժամանակ գտնված հազարամյա իրերը«Երևի բարդ օբյեկտ է, վերականգնողները խուսափում են»,- նշում է կրթության, մշակույթի հարցերի և սպորտի նախարարության պատմության և մշակույթի հուշարձանների պահպանության վարչության պետ Հարություն Վանյանը։Հույս ունի՝ այս անգամ մասնակից կգտնվի։ Հաղթող լինելու դեպքում ամրոցի վերականգնման աշխատանքները նախատեսված է սկսել այս տարի։

բերդ

2024

Լուրեր

am_HY

տավուշ, բերդ, ամրոց