https://arm.sputniknews.ru/20240725/gjumru-bnakchuhu-spanutjan-hamar-kalanavvorvel-e-nra-zugynkery-qk-78722324.html
Գյումրու բնակչուհու սպանության համար կալանավորվել է նրա զուգընկերը. ՔԿ
Գյումրու բնակչուհու սպանության համար կալանավորվել է նրա զուգընկերը. ՔԿ
Sputnik Արմենիա
49-ամյա տղամարդը հարվածներ է հասցրել կնոջ գլխին՝ բարկանալով իր երեխաների մասին նրա արած արտահայտություններից։ 25.07.2024, Sputnik Արմենիա
2024-07-25T10:44+0400
2024-07-25T10:44+0400
2024-07-25T11:52+0400
գյումրի
հհ քննչական կոմիտե
կին
տղամարդ
կալանք
սպանություն
https://cdn.am.sputniknews.ru/img/07e8/07/19/78725706_0:0:2560:1440_1920x0_80_0_0_5aa089a5d4b8816dd064fccb016e3207.jpg
ԵՐԵՎԱՆ, 25 հուլիսի – Sputnik․ Գյումրի քաղաքի բնակչուհու՝ ավելի քան մեկ տարվա վաղեմության սպանության համար կալանավորվել է նրա զուգընկերը։ ՀՀ քննչական կոմիտեն մանրամասներ է ներկայացրել սպանության հանգամանքների, նաև շարժառիթի վերաբերյալ։Ավելի վաղ հայտնել էինք, որ հուլիսի 21-ին քաղաքացուց հաղորդում էր ստացվել այն մասին, որ երկար ժամանակ քրոջից՝ Գյումրի քաղաքի Ջափարիձե փողոցի տներից մեկում ապրող Վարդուհի Հակոբյանից տեղեկություն չունենալով` վերադարձել է, տան դուռը կոտրելով ներս մտել և տանը հայտնաբերել քրոջ դին։2024թ․ հուլիսի 22-ին սպանությունը կատարելու կասկածանքով ձերբակալվել էր Գյումրի քաղաքում հաշվառված, սակայն Կոտայքի մարզում բնակվող 49-ամյա մի տղամարդ։ Նա մի քանի ամիս տուժողի հետ բնակվել էր վերջինիս՝ Գյումրի քաղաքում գտնվող տանը։Դրանից հետո ինչպես կնոջ, նաև այլ հեռախոսահամարներով 49–ամյա տղամարդը «sms» հաղորդագրություններ է գրել վերջինիս քրոջը, որպեսզի չկասկածեն, որ կինը մահացել է։Նախաքննության ընթացքում պարզվել է, որ 49–ամյա տղամարդը հաշվառված է Գյումրու հոգեկան առողջության կենտրոնում։ Որոշում է կայացվել Գյումրի համայնքի խնամակալության և հոգեբարձության հանձնաժողովի նախագահին նրա օրինական ներկայացուցիչ ճանաչելու մասին։49–ամյա տղամարդուն մեղադրանք է ներկայացվել՝ ՀՀ քրեական օրենսգրքի 155-րդ հոդվածի 2-րդ մասի 9-րդ կետով (սպանությունը՝ կատարված մերձավոր ազգականի, զուգընկերոջ կամ նախկին զուգընկերոջ կողմից)։Գյումրիում գտնված դիակը 6 ամսվա է, բայց կնոջ հեռախոսից սմս–ներ եկել են մինչև 2024թ հունիսը
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
գյումրի, հհ քննչական կոմիտե, կին, տղամարդ, կալանք, սպանություն
գյումրի, հհ քննչական կոմիտե, կին, տղամարդ, կալանք, սպանություն
Գյումրու բնակչուհու սպանության համար կալանավորվել է նրա զուգընկերը. ՔԿ
10:44 25.07.2024 (Թարմացված է: 11:52 25.07.2024) 49-ամյա տղամարդը հարվածներ է հասցրել կնոջ գլխին՝ բարկանալով իր երեխաների մասին նրա արած արտահայտություններից։
ԵՐԵՎԱՆ, 25 հուլիսի – Sputnik․ Գյումրի քաղաքի բնակչուհու՝ ավելի քան մեկ տարվա վաղեմության սպանության համար կալանավորվել է նրա զուգընկերը։ ՀՀ քննչական կոմիտեն մանրամասներ է
ներկայացրել սպանության հանգամանքների, նաև շարժառիթի վերաբերյալ։
Ավելի վաղ
հայտնել էինք, որ հուլիսի 21-ին քաղաքացուց հաղորդում էր ստացվել այն մասին, որ երկար ժամանակ քրոջից՝ Գյումրի քաղաքի Ջափարիձե փողոցի տներից մեկում ապրող Վարդուհի Հակոբյանից տեղեկություն չունենալով` վերադարձել է, տան դուռը կոտրելով ներս մտել և տանը հայտնաբերել քրոջ դին։
2024թ․ հուլիսի 22-ին սպանությունը կատարելու կասկածանքով ձերբակալվել էր Գյումրի քաղաքում հաշվառված, սակայն Կոտայքի մարզում բնակվող 49-ամյա մի տղամարդ։ Նա մի քանի ամիս տուժողի հետ բնակվել էր վերջինիս՝ Գյումրի քաղաքում գտնվող տանը։
ՔԿ-ից հայտնում են, որ 2023 թվականի ապրիլ-մայիս ամիսներին, քննությամբ դեռևս չպարզված օրը, տան հյուրասենյակում իր երեխաների մասին կնոջ արած արտահայտությունների պատճառով առաջացած վիճաբանության ժամանակ 49-ամյա տղամարդը ձեռքերով մի քանի անգամ հարվածներ է հասցրել բազմոցին նստած կնոջ գլխին՝ պատճառելով կյանքի հետ անհամատեղելի վնասվածքներ։ Այնուհետև կնոջ դին փորձել է տեղավորել ճամպրուկի մեջ՝ տեղափոխելու համար, սակայն մարմինը կիսով չափ է տեղավորվել՝ գլխից մինչև գոտկատեղը։ Այդկերպ չկարողանալով տեղափոխել՝ դին ծածկել է վերմակով, վերցրել կնոջ բջջային հեռախոսը, տան բանալիները, փակել տան դուռը, կողպել դարպասները և հեռացել։
Դրանից հետո ինչպես կնոջ, նաև այլ հեռախոսահամարներով 49–ամյա տղամարդը «sms» հաղորդագրություններ է գրել վերջինիս քրոջը, որպեսզի չկասկածեն, որ կինը մահացել է։
Նախաքննության ընթացքում պարզվել է, որ 49–ամյա տղամարդը հաշվառված է Գյումրու հոգեկան առողջության կենտրոնում։ Որոշում է կայացվել Գյումրի համայնքի խնամակալության և հոգեբարձության հանձնաժողովի նախագահին նրա օրինական ներկայացուցիչ ճանաչելու մասին։
49–ամյա տղամարդուն մեղադրանք է ներկայացվել՝ ՀՀ քրեական օրենսգրքի 155-րդ հոդվածի 2-րդ մասի 9-րդ կետով (սպանությունը՝ կատարված մերձավոր ազգականի, զուգընկերոջ կամ նախկին զուգընկերոջ կողմից)։
