https://arm.sputniknews.ru/20240722/mets-britanian-italian-ev-tshapvonian-nvor-serndi-martakan-inqnatiri-kvoncept-en--nerkajacrel-78629354.html
Մեծ Բրիտանիան, Իտալիան և Ճապոնիան նոր սերնդի մարտական ինքնաթիռի կոնցեպտ են ներկայացրել
Մեծ Բրիտանիան, Իտալիան և Ճապոնիան նոր սերնդի մարտական ինքնաթիռի կոնցեպտ են ներկայացրել
Sputnik Արմենիա
Կործանիչի բրիտանական տարբերակը կկոչվի «Tempest»։ 22.07.2024, Sputnik Արմենիա
2024-07-22T23:39+0400
2024-07-22T23:39+0400
2024-07-22T23:48+0400
մեծ բրիտանիա
իտալիա
ճապոնիա
https://cdn.am.sputniknews.ru/img/1143/72/11437246_0:18:1601:918_1920x0_80_0_0_e4a59956f69cadac5d7e124cc0c2d380.jpg
ԵՐԵՎԱՆ, 22 հուլիսի – Sputnik. Մեծ Բրիտանիան, Իտալիան և Ճապոնիան Ֆարնբորոյի ավիասալոնում նոր սերնդի կործանիչի կոնցեպտուալ մոդել են ներկայացրել, որը նախատեսվում է շահագործման հանձնել մինչև 2035 թվականը: Տեղեկությունը հայտնում է ՌԻԱ Նովոստին՝ հղում անելով իտալական «Leonardo» մեքենաշինական խմբի մամուլի հաղորդագրությանը։Նոր մոդելն առանձնանում է թևերի բացվածքով, ինչը մեծացնում է աերոդինամիկան։ Այն նաև հագեցած կլինի սպառազինության ինտելեկտուալ համակարգով, ինտերակտիվ խցիկով, ինտեգրված սենսորներով և նոր սերնդի հզոր ռադարով, որը 10 հազար անգամ շատ տվյալներ է տրամադրում, քան ներկայիս համակարգերը: Կործանիչի բրիտանական տարբերակը կկոչվի «Tempest»։2022 թվականի դեկտեմբերին Ճապոնիայի, Իտալիայի և Մեծ Բրիտանիայի ղեկավարները պայմանավորվել են համատեղ մշակել կործանիչ, որը պետք է փոխարինի F2-ին Ճապոնիայում և «Eurofighter Typhoon»-ին Իտալիայում և Բրիտանիայում։ 2023 թվականի դեկտեմբերին երեք երկրների պաշտպանության նախարարները Տոկիոյում պայմանագիր են ստորագրել նախագիծը համակարգելու նպատակով կազմակերպություն ստեղծելու մասին։ Կենտրոնակայանը կգտնվի Բրիտանիայում, և այն կգլխավորի Ճապոնիայի ներկայացուցիչը, իսկ արտադրական մասի ղեկավարը կլինի Իտալիայից:Ծրագրի հիմնական կապալառուներն են «Mitsubishi Heavy Industries»-ը (Ճապոնիայի համար), «BAE Systems»-ը (Մեծ Բրիտանիայի համար) և «Leonardo SpA»-ն (Իտալիայի համար):2024 թվականին երկրները ձեռնամուխ կլինեն կործանիչի անմիջական մշակմանը։ Այս տարվա մարտին Ճապոնիայի նախարարների կաբինետը հավանություն էր տվել պաշտպանական սարքավորումների արտահանման նորմերի մեղմացմանը, ինչը թույլ կտա նոր սերնդի կործանիչներ մատակարարել երրորդ երկրներ:ԱՄՆ-ն միջուկային ռմբակոծիչներ է տեղակայել Ռումինիայում՝ Ուկրաինայի սահմանի մոտ
մեծ բրիտանիա
իտալիա
ճապոնիա
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մեծ բրիտանիա, իտալիա, ճապոնիա
մեծ բրիտանիա, իտալիա, ճապոնիա
Մեծ Բրիտանիան, Իտալիան և Ճապոնիան նոր սերնդի մարտական ինքնաթիռի կոնցեպտ են ներկայացրել
23:39 22.07.2024 (Թարմացված է: 23:48 22.07.2024) Կործանիչի բրիտանական տարբերակը կկոչվի «Tempest»։
ԵՐԵՎԱՆ, 22 հուլիսի – Sputnik. Մեծ Բրիտանիան, Իտալիան և Ճապոնիան Ֆարնբորոյի ավիասալոնում նոր սերնդի կործանիչի կոնցեպտուալ մոդել են ներկայացրել, որը նախատեսվում է շահագործման հանձնել մինչև 2035 թվականը: Տեղեկությունը հայտնում է
ՌԻԱ Նովոստին՝ հղում անելով իտալական «Leonardo» մեքենաշինական խմբի մամուլի հաղորդագրությանը։
Նոր մոդելն առանձնանում է թևերի բացվածքով, ինչը մեծացնում է աերոդինամիկան։ Այն նաև հագեցած կլինի սպառազինության ինտելեկտուալ համակարգով, ինտերակտիվ խցիկով, ինտեգրված սենսորներով և նոր սերնդի հզոր ռադարով, որը 10 հազար անգամ շատ տվյալներ է տրամադրում, քան ներկայիս համակարգերը: Կործանիչի բրիտանական տարբերակը կկոչվի «Tempest»։
2022 թվականի դեկտեմբերին Ճապոնիայի, Իտալիայի և Մեծ Բրիտանիայի ղեկավարները պայմանավորվել են համատեղ մշակել կործանիչ, որը պետք է փոխարինի F2-ին Ճապոնիայում և «Eurofighter Typhoon»-ին Իտալիայում և Բրիտանիայում։ 2023 թվականի դեկտեմբերին երեք երկրների պաշտպանության նախարարները Տոկիոյում պայմանագիր են ստորագրել նախագիծը համակարգելու նպատակով կազմակերպություն ստեղծելու մասին։ Կենտրոնակայանը կգտնվի Բրիտանիայում, և այն կգլխավորի Ճապոնիայի ներկայացուցիչը, իսկ արտադրական մասի ղեկավարը կլինի Իտալիայից:
Ծրագրի հիմնական կապալառուներն են «Mitsubishi Heavy Industries»-ը (Ճապոնիայի համար), «BAE Systems»-ը (Մեծ Բրիտանիայի համար) և «Leonardo SpA»-ն (Իտալիայի համար):
2024 թվականին երկրները ձեռնամուխ կլինեն կործանիչի անմիջական մշակմանը։ Այս տարվա մարտին Ճապոնիայի նախարարների կաբինետը հավանություն էր տվել պաշտպանական սարքավորումների արտահանման նորմերի մեղմացմանը, ինչը թույլ կտա նոր սերնդի կործանիչներ մատակարարել երրորդ երկրներ:
