Լոռու մարզում աղետից վնասված միջպետական ճանապարհի 28 հատվածից 27–ում ավարտվել է հողի լիցքը
© Sputnik / Marianna GalstyanՔ. Ալավերդի
![Ք. Ալավերդի Ք. Ալավերդի - Sputnik Արմենիա, 1920, 20.07.2024](https://cdn.am.sputniknews.ru/img/07e8/05/1d/76402733_0:51:1601:951_1920x0_80_0_0_3907556bbec40d11a7a048e78b122b82.jpg)
© Sputnik / Marianna Galstyan
Բաժանորդագրվել
Մարզային ենթակայության ճանապարհների վնասված ճանապարհահատվածներից Շնող-Թեղուտ հատվածում ավարտվել է լիցքը, և այն երկկողմանի երթևեկելի է:
ԵՐԵՎԱՆ, 20 հուլիսի – Sputnik. Հեղեղի հետևանքով Լոռու մարզի Մ 6 միջպետական ճանապարհի վնասված 28 հատվածներից 27–ում ավարտվել է հողի լիցքի տեղադրումը և մեկնարկել են խճապատման աշխատանքները, որոնք կշարունակվեն շուրջ 3 օր: Այս մասին ասել է «Թումանյանի ՃՇՇՁ» տնօրեն Մուկուչ Տիտանյանը Ալավերդու համայնքապետարանում Լոռու մարզպետ Արամ Ղազարյանի գլխավորությամբ տեղի ունեցած խորհրդակցության ժամանակ։ Տեղեկությունը հայտնում են Լոռու մարզպետի աշխատակազմից։
© Photo : official site of Lori municipality Ալավերդու համայնքապետարանում Լոռու մարզպետ Արամ Ղազարյանի գլխավորությամբ տեղի ունեցած խորհրդակցությունը
![Губернатор Лорийской области Арам Казарян провел совещание с целью обсуждения хода работ, проводимых в зоне бедствия (20 июля 2024). Алаверди Губернатор Лорийской области Арам Казарян провел совещание с целью обсуждения хода работ, проводимых в зоне бедствия (20 июля 2024). Алаверди - Sputnik Արմենիա, 1920, 20.07.2024](https://cdn.am.sputniknews.ru/img/07e8/07/14/78552949_0:0:1600:984_1920x0_80_0_0_e21eec1fdd835243f0b392d5b863f520.jpg)
Ալավերդու համայնքապետարանում Լոռու մարզպետ Արամ Ղազարյանի գլխավորությամբ տեղի ունեցած խորհրդակցությունը
© Photo : official site of Lori municipality
Աշխատակազմից հայտնում են նաև, որ 10 օր անց կիրականացվի ասֆալտապատումը:
«Ճանապարհի միայն մեկ հատվածում աշխատանքները հետաձգվել են ջրատար խողովակի մակերեսային տեղակայման պատճառով: Առաջիկայում լուծում կստանա նաև այդ խնդիրը, և հնարավոր կլինի վերականգնման աշխատանքներ իրականացնել նաև այդ հատվածում»,– ասված է հաղորդագրության մեջ:
Տիտանյանը տեղեկացրել է նաև, մարզային ենթակայության ճանապարհների վնասված ճանապարհահատվածներից Շնող-Թեղուտ հատվածում ավարտվել է լիցքը, և այն երկկողմանի երթևեկելի է:
Բացի այդ, Ախթալայի կամրջից մինչև Ախթալայի երկաթուղային գծանց ընկած հատվածում ևս իրականացվում է լիցք. աշխատանքները կավարտվեն հաջորդ շաբաթվա ընթացքում:
Ներհամայնքային ճանապարհների վնասված հատվածներում ևս աշխատանքները մեկնարկել են:
Հիշեցնենք` մայիսի 26–ի տեղատարափ անձրևներից հետո Լոռու և Տավուշի մարզերում Դեբեդ, Աղստև և Տաշիր գետերի վարարման հետևանքով 4 մարդ է մահացել։