Փարիզի օլիմպիական խաղերին մեկնող հայ մարզիկները ծիրանի տեսքով կրծքանշաններ են ստացել
19:54 19.07.2024 (Թարմացված է: 20:49 19.07.2024)
© Photo : official site of MESCS of RA ԿԳՄՍՆ–ում ընդունել են Հայաստանի օլիմպիական հավաքականի անդամներին։
![ԿԳՄՍՆ–ում ընդունել են Հայաստանի օլիմպիական հավաքականի անդամներին։ ԿԳՄՍՆ–ում ընդունել են Հայաստանի օլիմպիական հավաքականի անդամներին։ - Sputnik Արմենիա, 1920, 19.07.2024](https://cdn.am.sputniknews.ru/img/07e8/07/13/78534208_0:0:1801:1014_1920x0_80_0_0_976e79fa7ae8d6af8e4f4bf8e837accc.jpg)
ԿԳՄՍՆ–ում ընդունել են Հայաստանի օլիմպիական հավաքականի անդամներին։
© Photo : official site of MESCS of RA
Բաժանորդագրվել
Փարիզի ՀԲԸՄ շենքում այս օրերին կբացվի «Հայաստանի օլիմիական տունը»։
ԵՐԵՎԱՆ, 19 հուլիսի – Sputnik. ՀՀ ԿԳՄՍՆ–ում այսօր ընդունել են Հայաստանի օլիմպիական հավաքականի անդամներին։ Այս մասին հայտնում է ՀՀ ԿԳՄՍ նախարարության մամուլի ծառայությունը։
Նախարար Ժաննա Անդրեասյանը մարզիկներին նվիրել է հատուկ Փարիզ-2024-ի համար պատրաստված կրծքանշաններ՝ հայկական ծիրանի տեսքով, որոնք, նախարարի բնորոշմամբ, կարելի է համարել Օլիմպիական խաղերին հայկական մասնակցության կրծքանշանը:
© Photo : official site of MESCS of RAՀհայկական ծիրանի տեսքով կրծքանշան
![Олимпийские значки в форме армянского абрикоса Олимпийские значки в форме армянского абрикоса - Sputnik Արմենիա, 1920, 19.07.2024](https://cdn.am.sputniknews.ru/img/07e8/07/13/78539707_0:0:1503:1002_1920x0_80_0_0_08118e3f6ed6ed14d2f30434662ca4c1.jpg)
Հհայկական ծիրանի տեսքով կրծքանշան
© Photo : official site of MESCS of RA
«Օլիմպիական խաղերից մեր ակնկալիքները բավական բարձր պետք է լինեն, թեև կանխատեսումներ պետք չէ անել: Ամեն դեպքում այն պնդումները, որ շատ ուժեղ մասնակցություն պետք է ունենանք, կարծում եմ՝ բոլորիս է ոգևորում: Այն, որ մեկնում եք մասնակցելու խաղերին, ցույց է տալիս, թե որքան մեծ աշխատանք եք կատարել և որքան մեծ դժվարություններ եք հաղթահարել»,– ասել է նախարարը։
Ժաննա Անդրեասյանը նաև տեղեկացրել է, որ Օլիմպիական խաղերի ընթացքում Ֆրանսիայի մայրաքաղաքում կգործի «Հայաստանի տունը», որտեղ կկազմակերպվեն տարատեսակ միջոցառումներ, երկրպագուների հետ հանդիպումներ։ Պաշտոնական բացումը տեղի կունենա հուլիսի 25-ին Փարիզի կենտրոնում գործող ՀԲԸՄ շենքում:
Նշենք, որ 33-րդ Օլիմպիական խաղերը տեղի կունենան հուլիսի 26-ից օգոստոսի 12-ը Փարիզում։
Հայաստանը ներկայացնող օլիմպիական խաղերի հաղթողները պետությունից կստանան 25 մլն դրամ (մոտ 64 հազար դոլար), իսկ Ազգային օլիմպիական կոմիտեն և մասնավոր ընկերություններից մեկը կկրկնապատկեն այդ գումարը:
© Photo : official site of MESCS of RA ԿԳՄՍՆ–ում ընդունել են Հայաստանի օլիմպիական հավաքականի անդամներին։
![Министр и замминистра ОНКС Жанна Андреасян и Карен Гилоян приняли членов олимпийской сборной Армении (19 июля 2024). Еревaн Министр и замминистра ОНКС Жанна Андреасян и Карен Гилоян приняли членов олимпийской сборной Армении (19 июля 2024). Еревaн - Sputnik Արմենիա, 1920, 19.07.2024](https://cdn.am.sputniknews.ru/img/07e8/07/13/78534186_0:0:1800:1200_1920x0_80_0_0_c19e92609bea267b95950144404f3bde.jpg)
ԿԳՄՍՆ–ում ընդունել են Հայաստանի օլիմպիական հավաքականի անդամներին։
© Photo : official site of MESCS of RA
Հայաստանն Օլիմպիական խաղերում կներկայացնեն հրաձիգ Էլմիրա Կարապետյանը, մարմնամարզիկներ Արթուր Դավթյանն ու Վահագն Դավթյանը, հունահռոմեական ոճի ըմբիշներ Արթուր Ալեքսանյանը, Մալխաս Ամոյանը, Սլավիկ Գալստյանը, ազատ ոճի ըմբիշներ Արսեն Հարությունյանն ու Վազգեն Թևանյանը, ծանրորդներ Անդրանիկ Կարապետյանը, Գարիկ Կարապետյանը և Վարազդատ Լալայանը, բռնցքամարտիկ Դավիթ Չալոյանը, լողորդներ Վարսենիկ Մանուչարյանն ու Արթուր Բարսեղյանը, վազորդ Երվանդ Մկրտչյանը: