https://arm.sputniknews.ru/20240719/ashkharhi-hajtni-hajagetnery-erevanum-masnakcum-en-kvongresi-nrancic-ereqy-kpargevatrven-78520026.html
Աշխարհի հայտնի հայագետները Երևանում մասնակցում են կոնգրեսի. նրանցից երեքը կպարգևատրվեն
Աշխարհի հայտնի հայագետները Երևանում մասնակցում են կոնգրեսի. նրանցից երեքը կպարգևատրվեն
Sputnik Արմենիա
Կոնգրեսի շրջանակում քննարկվելու է գիտության զարգացման հեռանկարը և հայագիտական ցանցային համալսարանի հայեցակարգը: 19.07.2024, Sputnik Արմենիա
2024-07-19T13:48+0400
2024-07-19T13:48+0400
2024-07-19T13:48+0400
մատենադարան
կրթության, գիտության, մշակույթի և սպորտի նախարարություն (կգմս)
արա խզմալյան
ժաննա անդրեասյան
https://cdn.am.sputniknews.ru/img/07e8/07/13/78515948_0:84:1600:984_1920x0_80_0_0_e81c3135ae717c4a8e493374d5b12d94.jpg
ԵՐԵՎԱՆ, 19 հուլիսի — Sputnik. Հայաստանում մեկնարկել է հայագետների կոնգրեսը, որի ընթացքում աշխարհի առաջատար բուհերի մասնագետները երեք օրվա ընթացքում՝ հուլիսի 19-22-ը, կքննարկեն տվյալ գիտական առարկայի զարգացման հեռանկարները:«Սա կարևոր հարթակ է, որտեղ հետազոտողները կարող են քննարկել հայագիտության զարգացման հեռանկարները։ Չի բացառվում, որ այս երեք օրերի արդյունքներով մենք քննարկենք ամենամյա համագումարի անցկացման հնարավորությունը», - Sputnik Արմենիայի թղթակցին ասաց կրթության, գիտության, մշակույթի և սպորտի նախարար Ժաննա Անդրեասյանը։Նա նշեց նաև, որ կոնգրեսի շրջանակում քննարկվելու է հայագիտական ցանցային համալսարանի ստեղծման հայեցակարգը: Այս կառույցը պետք է համախմբի տարբեր երկրներում գործող հայագիտության կենտրոնները և հարթակ դառնա առարկայի ավելի խոր ուսումնասիրության համար: Անդրեասյանը հավելեց, որ նման համալսարանի ստեղծման մասով նախարարությունն առանձին զեկույց է պատրաստել, որը կներկայացվի կոնգրեսի մասնակիցներին:«Մեր նպատակն է համախմբել հայագիտական ներուժը, ինչը թույլ կտա նոր հնարավորություններ բացել ինչպես կրթության, այնպես էլ նոր հետազոտությունների իրականացման առումով», - ընդգծեց նախարարը:Մաշտոցի անվան հին ձեռագրերի մատենադարան-ինստիտուտի տնօրեն Արա Խզմալյանը կոնգրեսն աննախադեպ իրադարձություն որակեց: Նա ընդգծեց, որ այն կարող է խթանել հայագիտության ոլորտում հետազոտությունները, բարձրացնել Հայաստանի ճանաչելիության աստիճանը: Խզմալյանը կարևորեց տեղեկատվության փոխանակումը գիտական շրջանակների և պետական մարմինների ներկայացուցիչների, ինչպես նաև գիտական հանրության միջև: Նրա համոզմամբ՝ դա կօգնի միջազգային փորձագետներին ներգրավել կրթական բարեփոխումներին։«Կոնգրեսը հնարավորություն է տալիս բարձրացնել դրամաշնորհային ծրագրերի իրականացման արդյունավետությունը, ավելացնել դրանց մասնակիցների թիվը, իրականացնել նոր հետազոտություններ, իրականացնել համատեղ ծրագրեր և աշխատանքներ», – նշեց նա:Խզմալյանի կարծիքով՝ կոնգրեսի մասնակիցների և պետության համատեղ ջանքերով հնարավոր է բարձրացնել հայագիտության նկատմամբ հետաքրքրությունը արտերկրում, այդ թվում՝ երիտասարդ մասնագետների: Այս համատեքստում նա ընդգծեց, որ կոնգրեսին մասնակցել են հայագիտության ոլորտի տասնյակ մասնագետներ տարբեր երկրներից։Մատենադարանի տնօրենը հայտնեց, որ Երուսաղեմի Հրեական համալսարանի հայագիտության բաժնի նախկին ղեկավար Մայքլ Սթոունը պարգևատրվելու է «Երախտագիտության», իսկ Հարվարդի համալսարանի Մաշտոցի անվան հայագիտության ամբիոնի պրոֆեսոր Քրիստինա Մարանչին և Ժնևի համալսարանի հայագիտության ամբիոնի պրոֆեսոր և վարիչ Վալենտինա Կալցոլարին՝ «Մովսես Խորենացի» մեդալով:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մատենադարան, կրթության, գիտության, մշակույթի և սպորտի նախարարություն (կգմս), արա խզմալյան, ժաննա անդրեասյան
մատենադարան, կրթության, գիտության, մշակույթի և սպորտի նախարարություն (կգմս), արա խզմալյան, ժաննա անդրեասյան
Աշխարհի հայտնի հայագետները Երևանում մասնակցում են կոնգրեսի. նրանցից երեքը կպարգևատրվեն
Կոնգրեսի շրջանակում քննարկվելու է գիտության զարգացման հեռանկարը և հայագիտական ցանցային համալսարանի հայեցակարգը:
ԵՐԵՎԱՆ, 19 հուլիսի — Sputnik. Հայաստանում մեկնարկել է հայագետների կոնգրեսը, որի ընթացքում աշխարհի առաջատար բուհերի մասնագետները երեք օրվա ընթացքում՝ հուլիսի 19-22-ը, կքննարկեն տվյալ գիտական առարկայի զարգացման հեռանկարները:
«Սա կարևոր հարթակ է, որտեղ հետազոտողները կարող են քննարկել հայագիտության զարգացման հեռանկարները։ Չի բացառվում, որ այս երեք օրերի արդյունքներով մենք քննարկենք ամենամյա համագումարի անցկացման հնարավորությունը», -
Sputnik Արմենիայի թղթակցին ասաց կրթության, գիտության, մշակույթի և սպորտի նախարար Ժաննա Անդրեասյանը։
Նա նշեց նաև, որ կոնգրեսի շրջանակում քննարկվելու է հայագիտական ցանցային համալսարանի ստեղծման հայեցակարգը: Այս կառույցը պետք է համախմբի տարբեր երկրներում գործող հայագիտության կենտրոնները և հարթակ դառնա առարկայի ավելի խոր ուսումնասիրության համար: Անդրեասյանը հավելեց, որ նման համալսարանի ստեղծման մասով նախարարությունն առանձին զեկույց է պատրաստել, որը կներկայացվի կոնգրեսի մասնակիցներին:
«Մեր նպատակն է համախմբել հայագիտական ներուժը, ինչը թույլ կտա նոր հնարավորություններ բացել ինչպես կրթության, այնպես էլ նոր հետազոտությունների իրականացման առումով», - ընդգծեց նախարարը:
Մաշտոցի անվան հին ձեռագրերի մատենադարան-ինստիտուտի տնօրեն Արա Խզմալյանը կոնգրեսն աննախադեպ իրադարձություն որակեց: Նա ընդգծեց, որ այն կարող է խթանել հայագիտության ոլորտում հետազոտությունները, բարձրացնել Հայաստանի ճանաչելիության աստիճանը: Խզմալյանը կարևորեց տեղեկատվության փոխանակումը գիտական շրջանակների և պետական մարմինների ներկայացուցիչների, ինչպես նաև գիտական հանրության միջև: Նրա համոզմամբ՝ դա կօգնի միջազգային փորձագետներին ներգրավել կրթական բարեփոխումներին։
«Կոնգրեսը հնարավորություն է տալիս բարձրացնել դրամաշնորհային ծրագրերի իրականացման արդյունավետությունը, ավելացնել դրանց մասնակիցների թիվը, իրականացնել նոր հետազոտություններ, իրականացնել համատեղ ծրագրեր և աշխատանքներ», – նշեց նա:
Խզմալյանի կարծիքով՝ կոնգրեսի մասնակիցների և պետության համատեղ ջանքերով հնարավոր է բարձրացնել հայագիտության նկատմամբ հետաքրքրությունը արտերկրում, այդ թվում՝ երիտասարդ մասնագետների: Այս համատեքստում նա ընդգծեց, որ կոնգրեսին մասնակցել են հայագիտության ոլորտի տասնյակ մասնագետներ տարբեր երկրներից։
Մատենադարանի տնօրենը հայտնեց, որ Երուսաղեմի Հրեական համալսարանի հայագիտության բաժնի նախկին ղեկավար Մայքլ Սթոունը պարգևատրվելու է «Երախտագիտության», իսկ Հարվարդի համալսարանի Մաշտոցի անվան հայագիտության ամբիոնի պրոֆեսոր Քրիստինա Մարանչին և Ժնևի համալսարանի հայագիտության ամբիոնի պրոֆեսոր և վարիչ Վալենտինա Կալցոլարին՝ «Մովսես Խորենացի» մեդալով:
