https://arm.sputniknews.ru/20240717/pvoshi-aghmuk-ev-qami-inchpes-e-zangvatsajin-karucapatumy-khlum-erevancineri-ttvatsiny-78438976.html

Փոշի, աղմուկ և քամի․ ինչպես է զանգվածային կառուցապատումը խլում երևանցիների թթվածինը

Փոշի, աղմուկ և քամի․ ինչպես է զանգվածային կառուցապատումը խլում երևանցիների թթվածինը

Sputnik Արմենիա

Այն, որ Երևանը Հայաստանի ամենաաղտոտված քաղաքն է, հաստատում են նաև պաշտոնական տվյալները։ 17.07.2024, Sputnik Արմենիա

2024-07-17T22:50+0400

2024-07-17T22:50+0400

2024-07-17T22:52+0400

շինարարություն

փոշի

օդ

երևան

հեղինակներ

https://cdn.am.sputniknews.ru/img/07e8/07/10/78401533_0:85:1600:985_1920x0_80_0_0_2d1668752b38af8df16e7449097a68d3.jpg

Երևանը միշտ համարվել է Հայաստանի ամենաաղտոտված քաղաքը, սակայն վերջին տարիներին իրավիճակն ակնհայտորեն ավելի է վատացել։ Մայրաքաղաքում օդը աղտոտում են ոչ միայն արդյունաբերական ձեռնարկությունները, այլև տրանսպորտը, ինչպես նաև շինարարության աճող ծավալները։ Այս խնդիրն ուսումնասիրել է Sputnik Արմենիան։Երևանում շինարարական եռուզեռը չնայած շոգին՝ շարունակվում է։ Այո, շահավետ բիզնես է, բայց շատ թաղամասերի բնակիչներ հոգնել են գիշեր-ցերեկ փոշի շնչելուց։ Հատկապես տուժում են տնային տնտեսուհիները, որոնք ստիպված են լինում օրական մի քանի անգամ սրբել տան փոշիները։Այն, որ Երևանը Հայաստանի ամենաաղտոտված քաղաքն է, հաստատում են նաև պաշտոնական տվյալները։ Խնդիրը խորացնում են չոր կլիման, խիտ կառուցապատումն ու կանաչ գոտիների պակասը, տրանսպորտային միջոցների թվի ավելացումը։Մասնագետները նշում են, որ իրավիճակի վրա ազդում են նաև շինհրապարակներում առկա խախտումները։ Ամենատարածվածներից են շինհրապարակների անբավարար խոնավացումը, առանց ծածկոցի սորուն նյութերի տեղափոխումը և բեռնատարների չլվացված անիվները:Փոշուց տուժում են նաև շինհրապարակներում աշխատողները։ Անվտանգության աշխատակիցների խոսքով՝ նրանք ստիպված են օրական մի քանի անգամ սրբել գույքը։ Շինարարները նշում են, որ ամռանը շինհրապարակները խոնավացնելը շատ ավելի դժվար է։Նշենք, որ շինարարության ընթացքում մթնոլորտային օդի պահպանության պահանջները չկատարելը հանգեցնում է տուգանքի՝ 100.000 դրամի չափով (մոտ 250 դոլար): Շինարարական աղբահանության նորմերի խախտումը պատժվում է տուգանքով՝ 50 000 դրամի չափով (մոտ 120 դոլար):ԱՀԿ-ի տվյալներով՝ օդի աղտոտվածությունը տարեկան մոտ 8 միլիոն մարդու մահվան պատճառ է դառնում։

երևան

2024

Լուրեր

am_HY

շինարարություն, փոշի, օդ, երևան, հեղինակներ