https://arm.sputniknews.ru/20240712/amn-n-erandvov-e-kpel-hajastanin-zakharvovan-amerikacineri-erevanjan-ajceri-masin-78283389.html
ԱՄՆ-ն եռանդով է «կպել» Հայաստանին. Զախարովան՝ ամերիկացիների երևանյան այցերի մասին
ԱՄՆ-ն եռանդով է «կպել» Հայաստանին. Զախարովան՝ ամերիկացիների երևանյան այցերի մասին
Sputnik Արմենիա
ՌԴ ԱԳՆ պաշտոնական ներկայացուցիչը կարծում է, որ Հայաստանը ստիպված կլինի վճարել ամերիկյան «շռայլության» համար։ 12.07.2024, Sputnik Արմենիա
2024-07-12T18:26+0400
2024-07-12T18:26+0400
2024-07-12T18:27+0400
հայաստան
ամն
արևմուտք
ռուսաստան
մարիա զախարովա
https://cdn.am.sputniknews.ru/img/07e8/07/0c/78277333_0:82:2222:1332_1920x0_80_0_0_69f73445b19f5f197600c219d8a821ce.jpg
ԵՐԵՎԱՆ, 12 հուլիսի – Sputnik. ԱՄՆ-ն աննախադեպ եռանդով է «կպել» Հայաստանին, իսկ ամերիկացի պաշտոնյաները սկսել են Երևան այցելել էստաֆետային ռեժիմով: Այսօրվա ճեպազրույցի ժամանակ այս հայտարարությունն է արել ՌԴ ԱԳՆ պաշտոնական ներկայացուցիչ Մարիա Զախարովան:Դիվանագետն ուշադրություն է հրավիրել այն հանգամանքի վրա, որ նախկինում ամերիկացիների կողմից նման ակտիվություն չէր նկատվում, թեև Հայաստանը մինչ այդ շատ դժվար պահեր է ունեցել, և հասկանալի չէ, թե ինչու ԱՄՆ-ն այդ ժամանակ նման շռայլություն չէր ցուցաբերում։Ի տարբերություն ԱՄՆ-ի՝ Ռուսաստանը երբեք իր դաշնակիցներին, բարեկամներին ու գործընկերներին չի դրել «մեզ հետ կամ մեր դեմ» ընտրության առաջ։ Մոսկվան նման խնդիր չունի, քանի որ դա հակասում է հիմնարար կանոններին։ Արևմտականների այս անպատկառ ոճը ցույց է տալիս, որ լիովին անտեսվում են նրանց շահերը, ում հետ նրանք ռազմավարական երկխոսություն են հաստատում։ ԱԳՆ ներկայացուցչի խոսքով՝ հարց է առաջանում` արդյոք հայ ժողովուրդը գիտակցում է, որ նման գործընկերությունն ամենևին էլ չի ենթադրում հայտարարված չափերով պաշտպանության, հոգածության, օգնության, աջակցության տրամադրում:Իրականում նպատակը այս կամ այն երկրին ԱՄՆ արտաքին կառավարման ներքո տեղափոխելն է։«Որոշումների կայացման հարցում ձեզ կօգնեն, բայց կօգտագործեն ձեր տարածքը, ռեսուրսներն ու հնարավորությունները՝ առանց հաշվի առնելու ձեր իսկ շահերը», - հավելել է Զախարովան։Հիշեցնենք` հուլիսի սկզբին Երևանում էր սենատոր Ռոջեր Ուիքերի գլխավորած պատվիրակությունը, որին հաջորդեց ԱՄՆ ՄԶԳ նախագահ Սամանտա Փաուերի այցը Հայաստան, ինչից հետո հայտնի դարձավ, որ հուլիսի 13-16-ին Հայաստանում է գտնվելու պետքարտուղարի տեղակալ Ուզրա Զեան: Դիվանագետի օրակարգը խոստանում է բավականին հագեցած լինել։ Պետքարտուղարության հաղորդագրության համաձայն` Զեան հանդիպումներ կունենա կառավարության բարձրաստիճան պաշտոնյաների հետ, կքննարկի հայ-ամերիկյան համագործակցության ամրապնդման և ժողովրդավարության, օրենքի գերակայության, կոռուպցիայի դեմ պայքարի ու դատական բարեփոխումների ոլորտներում Հայաստանի ձեռքբերումների առաջմղման հարցերը: Նա նաև կայցելի Հաղպատի միջնադարյան վանք, որպեսզի դրանով նպաստի կրոնի ազատության հարգմանը և աջակցի մշակույթի պահպանմանը:
ամն
արևմուտք
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ամն, արևմուտք, ռուսաստան, մարիա զախարովա
հայաստան, ամն, արևմուտք, ռուսաստան, մարիա զախարովա
ԱՄՆ-ն եռանդով է «կպել» Հայաստանին. Զախարովան՝ ամերիկացիների երևանյան այցերի մասին
18:26 12.07.2024 (Թարմացված է: 18:27 12.07.2024) ՌԴ ԱԳՆ պաշտոնական ներկայացուցիչը կարծում է, որ Հայաստանը ստիպված կլինի վճարել ամերիկյան «շռայլության» համար։
ԵՐԵՎԱՆ, 12 հուլիսի – Sputnik. ԱՄՆ-ն աննախադեպ եռանդով է «կպել»
Հայաստանին, իսկ ամերիկացի պաշտոնյաները սկսել են Երևան այցելել էստաֆետային ռեժիմով: Այսօրվա ճեպազրույցի ժամանակ այս հայտարարությունն է արել ՌԴ ԱԳՆ պաշտոնական ներկայացուցիչ Մարիա Զախարովան:
Դիվանագետն ուշադրություն է հրավիրել այն հանգամանքի վրա, որ նախկինում ամերիկացիների կողմից նման ակտիվություն չէր նկատվում, թեև Հայաստանը մինչ այդ շատ դժվար պահեր է ունեցել, և հասկանալի չէ, թե ինչու ԱՄՆ-ն այդ ժամանակ նման շռայլություն չէր ցուցաբերում։
«Փոխայցերը դրվել են էստաֆետային ռեժիմի, և օրերս Հայաստանի Հանրապետություն է այցելել ԱՄՆ Միջազգային զարգացման գործակալության ղեկավար Սամանտա Փաուերը։ Որտեղ նա է, այնտեղ հաջողությունն է: Նա կրկին հայտարարել է օգնության մասին: Հարցն այն է, թե դրանից ինչն է տրվելու։ Ամերիկացիները շատերին են նման օգնություն խոստացել, օրինակ՝ Սերբիային։ Բայց Սերբիան ոչինչ չի ստացել։ Հնարավոր է՝ ոչ Հայաստանի ներկայիս իշխանությունները, բայց օգնության համար, միևնույնն է, ստիպված կլինեն վճարել», - ասել է Զախարովան։
Ի տարբերություն ԱՄՆ-ի՝ Ռուսաստանը երբեք իր դաշնակիցներին, բարեկամներին ու գործընկերներին չի դրել «մեզ հետ կամ մեր դեմ» ընտրության առաջ։ Մոսկվան նման խնդիր չունի, քանի որ դա հակասում է հիմնարար կանոններին։ Արևմտականների այս անպատկառ ոճը ցույց է տալիս, որ լիովին անտեսվում են նրանց շահերը, ում հետ նրանք ռազմավարական երկխոսություն են հաստատում։ ԱԳՆ ներկայացուցչի խոսքով՝ հարց է առաջանում` արդյոք հայ ժողովուրդը գիտակցում է, որ նման գործընկերությունն ամենևին էլ չի ենթադրում հայտարարված չափերով պաշտպանության, հոգածության, օգնության, աջակցության տրամադրում:
Իրականում նպատակը այս կամ այն երկրին ԱՄՆ արտաքին կառավարման ներքո տեղափոխելն է։
«Որոշումների կայացման հարցում ձեզ կօգնեն, բայց կօգտագործեն ձեր տարածքը, ռեսուրսներն ու հնարավորությունները՝ առանց հաշվի առնելու ձեր իսկ շահերը», - հավելել է Զախարովան։
Հիշեցնենք` հուլիսի սկզբին Երևանում էր սենատոր Ռոջեր Ուիքերի գլխավորած պատվիրակությունը, որին հաջորդեց ԱՄՆ ՄԶԳ նախագահ Սամանտա Փաուերի այցը
Հայաստան, ինչից հետո հայտնի դարձավ, որ հուլիսի 13-16-ին
Հայաստանում է գտնվելու պետքարտուղարի տեղակալ Ուզրա Զեան: Դիվանագետի օրակարգը խոստանում է բավականին հագեցած լինել։ Պետքարտուղարության հաղորդագրության համաձայն` Զեան հանդիպումներ կունենա կառավարության բարձրաստիճան պաշտոնյաների հետ, կքննարկի հայ-ամերիկյան համագործակցության ամրապնդման և ժողովրդավարության, օրենքի գերակայության, կոռուպցիայի դեմ պայքարի ու դատական բարեփոխումների ոլորտներում Հայաստանի ձեռքբերումների առաջմղման հարցերը: Նա նաև կայցելի Հաղպատի միջնադարյան վանք, որպեսզի դրանով նպաստի կրոնի ազատության հարգմանը և աջակցի մշակույթի պահպանմանը:
