Միրզոյանը մասնակցել է ՆԱՏՕ–ի «Կանայք, խաղաղություն և անվտանգություն» միջոցառմանը
10:31 10.07.2024 (Թարմացված է: 10:32 10.07.2024)
© Photo : press office of MFA of RA Միրզոյանը մասնակցել է ՆԱՏՕ–ի «Կանայք, խաղաղություն և անվտանգություն» միջոցառմանը
![Միրզոյանը մասնակցել է ՆԱՏՕ–ի «Կանայք, խաղաղություն և անվտանգություն» միջոցառմանը Միրզոյանը մասնակցել է ՆԱՏՕ–ի «Կանայք, խաղաղություն և անվտանգություն» միջոցառմանը - Sputnik Արմենիա, 1920, 10.07.2024](https://cdn.am.sputniknews.ru/img/07e8/07/0a/78194274_0:186:2048:1338_1920x0_80_0_0_b6a6a187c7470ed21d7ac1603e66f8c3.jpg)
© Photo : press office of MFA of RA
Բաժանորդագրվել
Միջոցառումը հասցեագրված է նաև ԼՂ-ից բռնի տեղահանված կանանց իրավունքների պաշտպանության հարցերին։
ԵՐԵՎԱՆ, 10 հուլիսի – Sputnik. ՀՀ ԱԳ նախարար Արարատ Միրզոյանը Վաշինգտոնում մասնակցել է ՆԱՏՕ-ի գագաթաժողովին հարակից կազմակերպվող «Կանայք, խաղաղություն և անվտանգություն» միջոցառմանը: Տեղեկությունը հայտնում է ՀՀ արտաքին գործերի նախարարության մամուլի ծառայությունը։
«Հայաստանը հանձնառու է խաղաղության և անվտանգության կառուցման հարցերում կանանց դերի առաջմղմանը։ «Կանայք, խաղաղություն և անվտանգություն» հարցերով ՀՀ երկրորդ ազգային «գործողությունների ծրագիրը» գտնվում է իրականացման փուլում»,– ասված է հաղորդագրության մեջ։
Նշվում է, որ միջացառումը հասցեագրում է ռազմական ուժերում և ոստիկանական համակարգում, կիբեռանվտանգության ծրագրերում և խաղաղապահ առաքելություններում կանանց ներգրավածության ավելացման, կանանց ու աղջիկների սոցիալական ու տնտեսական իրավունքների պաշտպանության, ինչպես նաև ԼՂ-ից բռնի տեղահանված կանանց իրավունքների պաշտպանության հարցեր։
Միջոցառման շրջանակներում նախարար Միրզոյանը շփումներ է ունեցել ԱՄՆ, Շվեդիայի, Հունաստանի, Բելգիայի, Սլովակիայի, Նիդերլանդների, Չեխիայի, Կանադայի, Չեռնոգորիայի, Բահրեյնի, Վրաստանի և այլ երկրների գործընկերների հետ:
© Photo : press office of MFA of RA Արարատ Միրզոյանը շփումներ է ունեցել գործնկերների հետ
![Глава МИД Арарат Мирзоян на саммите НАТО (9 июля 2024). Вашингтон Глава МИД Арарат Мирзоян на саммите НАТО (9 июля 2024). Вашингтон - Sputnik Արմենիա, 1920, 10.07.2024](https://cdn.am.sputniknews.ru/img/07e8/07/0a/78191836_0:0:2048:1366_1920x0_80_0_0_30e4e57801dbe21bd4bb96470bad7a7c.jpg)
Արարատ Միրզոյանը շփումներ է ունեցել գործնկերների հետ
© Photo : press office of MFA of RA
Հիշեցնենք, որ Արարատ Միրզոյանը հուլիսի 9-10-ը աշխատանքային այցով Վաշինգտոնում էր, մասնակցել է ՆԱՏՕ-ի գագաթաժողովի՝ գործընկերների ձևաչափով միջոցառմանը և կազմակերպության 75-ամյակին նվիրված հարակից միջոցառումներին, ծրագրված են երկկողմ հանդիպումներ։
Այսօր նախատեսված է նաև Միրզոյան-Բայրամով-Բլինկեն եռակողմ հանդիպումը։