https://arm.sputniknews.ru/20240709/kajunacman-ev-zargacman-evrasiakan-himnadramy-hajastani-hna-i-63-tvokvos-atsh-e-kankhatesum-78146560.html
Կայունացման և զարգացման եվրասիական հիմնադրամը Հայաստանի ՀՆԱ-ի 6,3 տոկոս աճ է կանխատեսում
Կայունացման և զարգացման եվրասիական հիմնադրամը Հայաստանի ՀՆԱ-ի 6,3 տոկոս աճ է կանխատեսում
Sputnik Արմենիա
Հիմնադրամի վերլուծաբաններն ակնկալում են, որ 2024 թվականի երկրորդ կեսից ապրանքների և ծառայությունների արտահանման աճը կդանդաղի, իսկ որպես հիմնական շարժիչներ... 09.07.2024, Sputnik Արմենիա
2024-07-09T12:50+0400
2024-07-09T12:50+0400
2024-07-09T13:35+0400
եվրասիական զարգացման բանկ (եազբ)
տնտեսություն
հայաստան
հնա (համախառը ներքին արդյունք)
https://cdn.am.sputniknews.ru/img/07e8/05/07/75332322_0:88:1280:808_1920x0_80_0_0_0ac1f1ea431d2ac113ee0e2dba00d78b.jpg
ԵՐԵՎԱՆ, 9 հուլիսի - Sputnik. Կայունացման և զարգացման եվրասիական հիմնադրամը (ԿԶԵՀ) 2024 թվականին Հայաստանի տնտեսության 6,3 տոկոս աճ է կանխատեսում, այս մասին ասվում է 2024 թվականի ամառվա համար ԿԶԵՀ տարածաշրջանային տնտեսական հետազոտության մեջ:Վերլուծության մեջ նշվում է, որ չնայած 2024 թվականի առաջին եռամսյակում արձանագրված բարձր տնտեսական աճին, 2024 թվականի ՀՆԱ-ի կանխատեսումը անփոփոխ է մնացել կառուցվածքային զգալի փոփոխությունների պատճառով։Ըստ ԿԶԵՀ-ի փորձագետների վերլուծությունների՝ աճի շարժիչ ուժ կմնա սպառողական և ներդրումային պահանջարկը: Սպառողական պահանջարկը կպահպանվի սպառողական վարկավորման և աշխատավարձերի շարունակական աճի շնորհիվ: Ընդ որում, իրական աշխատավարձի աճի տեմպը փոքր-ինչ կդանդաղի։Ներդրումային պահանջարկի բարձրացումը պայմանավորված կլինի պետական ներդրումների և բնակարանաշինության հետագա աճով։ Միջնաժամկետ ժամանակահատվածում տնտեսական աճի տեմպերը կհամապատասխանեն պոտենցիալ մակարդակին և 2025-2026 թվականներին կկազմեն մոտ 5,6 տոկոս, կարծում են հիմնադրամի վերլուծաբանները։Նշենք, որ Եվրասիական զարգացման բանկը (նախկինում դրա կառուցվածքում էր նաև ԿԶԵՀ-ը- խմբ.) կանխատեսել էր, որ Հայաստանում տնտեսական աճը 2024 թվականի արդյունքներով կարող է կազմել 7,5 տոկոս։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
եվրասիական զարգացման բանկ (եազբ), տնտեսություն, հայաստան, հնա (համախառը ներքին արդյունք)
եվրասիական զարգացման բանկ (եազբ), տնտեսություն, հայաստան, հնա (համախառը ներքին արդյունք)
Կայունացման և զարգացման եվրասիական հիմնադրամը Հայաստանի ՀՆԱ-ի 6,3 տոկոս աճ է կանխատեսում
12:50 09.07.2024 (Թարմացված է: 13:35 09.07.2024) Հիմնադրամի վերլուծաբաններն ակնկալում են, որ 2024 թվականի երկրորդ կեսից ապրանքների և ծառայությունների արտահանման աճը կդանդաղի, իսկ որպես հիմնական շարժիչներ կմնան սպառողական և ներդրումային պահանջարկը։
ԵՐԵՎԱՆ, 9 հուլիսի - Sputnik. Կայունացման և զարգացման եվրասիական հիմնադրամը (ԿԶԵՀ) 2024 թվականին Հայաստանի տնտեսության 6,3 տոկոս աճ է կանխատեսում, այս մասին ասվում է 2024 թվականի ամառվա համար ԿԶԵՀ տարածաշրջանային տնտեսական հետազոտության մեջ:
Վերլուծության մեջ նշվում է, որ չնայած 2024 թվականի առաջին եռամսյակում արձանագրված բարձր տնտեսական աճին, 2024 թվականի ՀՆԱ-ի կանխատեսումը անփոփոխ է մնացել կառուցվածքային զգալի փոփոխությունների պատճառով։
Աճի հիմնական շարժիչները զգալիորեն դանդաղել են, բացառությամբ զուտ արտահանման (ոսկու վերաարտահանում)։ Մասնավորապես, ԿԶԵՀ-ն ուշադրություն է հրավիրել այն փաստին, որ 2024 թվականի առաջին եռամսյակի արդյունքներով ոսկերչական իրերի արտադրությունն աճել է 12 անգամ, և դա ապահովել է ՀՆԱ-ի լրացուցիչ 3% աճ (9,2%-ից):
Ըստ ԿԶԵՀ-ի փորձագետների վերլուծությունների՝ աճի շարժիչ ուժ կմնա սպառողական և ներդրումային պահանջարկը: Սպառողական պահանջարկը կպահպանվի սպառողական վարկավորման և աշխատավարձերի շարունակական աճի շնորհիվ: Ընդ որում, իրական աշխատավարձի աճի տեմպը փոքր-ինչ կդանդաղի։
Ներդրումային պահանջարկի բարձրացումը պայմանավորված կլինի պետական ներդրումների և բնակարանաշինության հետագա աճով։ Միջնաժամկետ ժամանակահատվածում տնտեսական աճի տեմպերը կհամապատասխանեն պոտենցիալ մակարդակին և 2025-2026 թվականներին կկազմեն մոտ 5,6 տոկոս, կարծում են հիմնադրամի վերլուծաբանները։
Նշենք, որ Եվրասիական զարգացման բանկը (նախկինում դրա կառուցվածքում էր նաև ԿԶԵՀ-ը- խմբ.) կանխատեսել էր, որ Հայաստանում տնտեսական աճը 2024 թվականի արդյունքներով կարող է կազմել 7,5 տոկոս։
