https://arm.sputniknews.ru/20240708/bvoghvoqi-akcia-erevanum-bnakichnery-dzhgvoh-en-vor-bakum-uzum-en-klinika-karucel-78098263.html
Բողոքի ակցիա Երևանում. բնակիչները դժգոհ են, որ բակում ուզում են կլինիկա կառուցել
Բողոքի ակցիա Երևանում. բնակիչները դժգոհ են, որ բակում ուզում են կլինիկա կառուցել
Sputnik Արմենիա
Բնակիչները բողոքի ակցիա են իրականացրել, քանի որ, ըստ նրանց, շինթույլտվությունն ապօրինի կերպով է ստացվել։ 08.07.2024, Sputnik Արմենիա
2024-07-08T12:57+0400
2024-07-08T12:57+0400
2024-07-08T13:14+0400
տեսանյութ
տեսանյութեր
բողոքի ակցիա
https://cdn.am.sputniknews.ru/img/07e8/07/08/78097865_0:0:1920:1080_1920x0_80_0_0_b1c07ff834f95227bbe54786548d11e2.jpg
Երևանի Ազատության պողոտայի 12 շենքի բակում կառուցված կաթսայատունը ինչ–որ անձ է գնել, փոխարենն ուզում է բժշկական կենտրոն կառուցել։Այդ պատճառով այսօր հարակից շենքերի բնակիչները բողոքի ակցիա են իրականացրել` պահանջելով կասեցնել աշխատանքները։Շենքի բակում բացի քաղաքացիներից նաև բազմաթիվ ոստիկաններ էին, որոնք բնակիչներից մի քանիսի նկատմամբ բռնի ուժ կիրառելով՝ բերման ենթարկեցին։Ոստիկանների և բողոքի ակցիա իրականացնողների քաշքշուկից հետո Ազատության պողոտայի 12 /2 շենքի բնակիչներից մեկը` Արթուր Գրիգորյանը, լրագրողների հետ զրույցում նշեց, որ վաղ առավոտից շինարարները եկել են, իրենց հետ էլ շուրջ 100-120 ոստիկան է եղել։ Նրա խոսքով` ոստիկանները բերման ենթարկելուց բացի ծեծել են քաղաքացիներից մեկին` գլխին են հարվածել։ Շեշտեց` տեսանյութեր ունեն, կարող են ապացուցել։Գրիգորյանը նաև պարզաբանեց` բողոքի ակցիա են իրականացնում, քանի որ իրենց շենքի կաթսայատան տեղում նախատեսվում է 3-4 հարկանի բժշկական կենտրոն կառուցել։Կաթսայատան հարակից շենքերի բոլոր բնակիչների փոխարեն թաղապետարանում կեղծ ստորագրություններ են դրվել, իբրև թե իրենք համաձայն են ԲԿ–ի կառուցմանը և ուղարկել են քաղաքապետարան։ Բնակիչները կասկածներ ունեն, որ այդ ամենը կոռուպցիոն սխեմաներով է արվել։Արթուր Գրիգորյանը նշեց, որ տրված շինթույլտվության ժամկետը լրանում է ուղիղ 20 օրից, մինչ այդ շինարարություն չսկսելու դեպքում էլ երկրորդ անգամ թույլտվություն չի տրվելու։ Դրա համար էլ կառուցապատողն ուժով է ցանկանում գործողություն իրականացնել։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
տեսանյութ, տեսանյութեր, բողոքի ակցիա, видео
տեսանյութ, տեսանյութեր, բողոքի ակցիա, видео
Բողոքի ակցիա Երևանում. բնակիչները դժգոհ են, որ բակում ուզում են կլինիկա կառուցել
12:57 08.07.2024 (Թարմացված է: 13:14 08.07.2024) Բնակիչները բողոքի ակցիա են իրականացրել, քանի որ, ըստ նրանց, շինթույլտվությունն ապօրինի կերպով է ստացվել։
Երևանի Ազատության պողոտայի 12 շենքի բակում կառուցված կաթսայատունը ինչ–որ անձ է գնել, փոխարենն ուզում է բժշկական կենտրոն կառուցել։
Այդ պատճառով այսօր հարակից շենքերի բնակիչները բողոքի ակցիա են իրականացրել` պահանջելով կասեցնել աշխատանքները։
Շենքի բակում բացի քաղաքացիներից նաև բազմաթիվ ոստիկաններ էին, որոնք բնակիչներից մի քանիսի նկատմամբ բռնի ուժ կիրառելով՝ բերման ենթարկեցին։
Ոստիկանների և բողոքի ակցիա իրականացնողների քաշքշուկից հետո Ազատության պողոտայի 12 /2 շենքի բնակիչներից մեկը` Արթուր Գրիգորյանը, լրագրողների հետ զրույցում նշեց, որ վաղ առավոտից շինարարները եկել են, իրենց հետ էլ շուրջ 100-120 ոստիկան է եղել։ Նրա խոսքով` ոստիկանները բերման ենթարկելուց բացի ծեծել են քաղաքացիներից մեկին` գլխին են հարվածել։ Շեշտեց` տեսանյութեր ունեն, կարող են ապացուցել։
Գրիգորյանը նաև պարզաբանեց` բողոքի ակցիա են իրականացնում, քանի որ իրենց շենքի կաթսայատան տեղում նախատեսվում է 3-4 հարկանի բժշկական կենտրոն կառուցել։
«Կարող է վաղն էլ 8-10 հարկանի դառնա, իրենք են 3-4 հարկանի ասում, չգիտեմ։ Այդ շենքը քաղաքաշինական, գեոլոգիական, սեյսմիկ, բնապահպանական, կոմունիկացիոն լուրջ խախտումներով են ուզում կառուցել։ Դիմել ենք քաղաքապետարան, դատախազություն, քաղաքաշինության կոմիտե, ամեն տեղ ահազանգել ենք և՛ օնլայն, և՛ գրավոր ձևով։ Մենք ուզում ենք, որ առայժմ կասեցվի շինարարությունը, որևէ գործողություն չկատարվի մինչև փաստաթղթերի օրինականությունը համապատասխանեցվի։ Շինթույլտվությունն էլ ապօրինաբար է տրվել»,– ասաց բնակիչը։
Կաթսայատան հարակից շենքերի բոլոր բնակիչների փոխարեն թաղապետարանում կեղծ ստորագրություններ են դրվել, իբրև թե իրենք համաձայն են ԲԿ–ի կառուցմանը և ուղարկել են քաղաքապետարան։ Բնակիչները կասկածներ ունեն, որ այդ ամենը կոռուպցիոն սխեմաներով է արվել։
Արթուր Գրիգորյանը նշեց, որ տրված շինթույլտվության ժամկետը լրանում է ուղիղ 20 օրից, մինչ այդ շինարարություն չսկսելու դեպքում էլ երկրորդ անգամ թույլտվություն չի տրվելու։ Դրա համար էլ կառուցապատողն ուժով է ցանկանում գործողություն իրականացնել։
