https://arm.sputniknews.ru/20240705/mer-erkrin-harkavvor-e-nvor-sahmanadrutjun-pashinjany-shnvorhavvorakan-ugherdz-e-hghel-77995457.html
Մեր երկրին հարկավոր է նոր Սահմանադրություն. Փաշինյանը շնորհավորական ուղերձ է հղել
Մեր երկրին հարկավոր է նոր Սահմանադրություն. Փաշինյանը շնորհավորական ուղերձ է հղել
Sputnik Արմենիա
ՀՀ վարչապետի պատկերացմամբ` ՀՀ սահմանադրությունը փոխելը դժվար, բայց պատվաբեր ճանապարհ է։ 05.07.2024, Sputnik Արմենիա
2024-07-05T09:28+0400
2024-07-05T09:28+0400
2024-07-05T09:57+0400
նիկոլ փաշինյան
սահմանադրություն
շնորհավորանք
https://cdn.am.sputniknews.ru/img/07e8/06/05/76696153_0:77:1600:977_1920x0_80_0_0_254be16c24bcf04be61760724c6dc47a.jpg
ԵՐԵՎԱՆ, 5 հուլիսի – Sputnik. ՀՀ վարչապետ Նիկոլ Փաշինյանը Սահմանադրության օրվա առթիվ շնորհավորական ուղերձ է հղել և վերահաստատել` երկրում մայր օրենքը պետք է փոփոխել։ Տեղեկությունը հայտնում է ՀՀ վարչապետի մամուլի ծառայությունը։Նա ընդգծել է` Սահմանադրությունը, քաղաքացիների հավաքական պայմանավորվածությունն է սեփական երկրում ապրելու կանոնների, իրավունքների և պարտականությունների մասին:«Ոչ պակաս կարևոր հանգամանքն այն է, որ քաղաքացիները Սահմանադրության տեքստում պիտի արձանագրեն իրենց հիմնադրած և կառուցած պետության մեջ իրենց ապրելու կանոնները՝ քաղաքացի-պետություն հարաբեությունների, քաղաքացի-օրենք հարաբերությունների, քաղաքացի-քաղաքացի հարաբերությունների, մարդ-մարդ հարաբերությունների, մարդ-բնություն հարաբերությունների կանոնները»,–ասված է ուղերձում:Նրա խոսքով` Սահմանադրությունը քաղաքացիների հավաքական պայմանավորվածությունն է սեփական երկրում ապրելու կանոնների, իրավունքների և պարտականությունների մասին: Նրա համոզմունքով` սա եղել և մնում է հիմնարար պրոբլեմ է մեր երկրի համար, և մեր երկրին հարկավոր է նոր Սահմանադրություն։ «Մեզ պետք է նոր Սահմանադրություն, որը ժողովուրդը համարի իր ստեղծածը, իր ընդունածը, համարի, որ այն, ինչ նրանում գրված է՝ իր պատկերացումն է իր ստեղծած պետության և այդ պետության մեջ մարդկանց, քաղաքացիների հարաբերությունների մասին»,–կարծում է ՀՀ վարչապետը:Նշում է` մեզ պետք է Սահմանադրություն, որն օրգանական կապով կապված է սահմանադիրի՝ ժողովրդի հետ:«Այս թեման հիմա շատ է շահարկվում թե՛ ներքին, և թե՛ արտաքին դաշտում: Բայց մենք անշեղորեն պիտի շարունակենք մեր պետությունը՝ Հայաստանի Հանրապետությունը, ուժեղացնելու, ինստիտուցիոնալ, հոգեբանական ու ֆիզիկական առումով նրան անխոցելի դարձնելու մեր ճանապարհը: Սա դժվար, բայց պատվաբեր ճանապարհ է ու մենք ընթանում ենք ճիշտ ճանապարհով, բայց այդ ճանապարհն անցնելու համար մեզ պետք է կենտրոնանալ մի կոնկրետ խնդրի՝ Հայաստանի Հանրապետության պետական շահը սպասարկելու վրա, որովհետև Հայաստանի Հանրապետության պետական շահը ինքնիշխանի, այսինքն՝ Հայաստանի Հանրապետության ժողովրդի շահն է, իրական Հայաստանում ապրող իրական մարդկանց շահը, որոնք Հայաստանի Հանրապետությունը ստեղծել են որպես գործիք իր միջազգայնորեն ճանաչված տարածքում իրենց ազատությունը, բարեկեցությունը, երջանկությունը, անվտանգությունն ապահովելու համար, արդար միջավայր ձևավորելու համար և մենք չպետք է շեղվենք այս նպատակից»,–կարծում է վարչապետը:Նշենք, որ Փաշինյանը բազմիցս հայտարարել է գործող Սահմանադրությունը փոխելու անհրաժեշտության մասին։ Հավելենք, որ Հայաստանի Հանրապետության Սահմանադրությունն ընդունվել է 1995թ. հուլիսի 5-ի ՀՀ հանրաքվեով: ՀՀ Սահմանադրության փոփոխությունները կատարվել են 2005թ. նոյեմբերի 27-ի և 2015թ. դեկտեմբերի 6-ի հանրաքվեով:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
նիկոլ փաշինյան, սահմանադրություն, շնորհավորանք
նիկոլ փաշինյան, սահմանադրություն, շնորհավորանք
Մեր երկրին հարկավոր է նոր Սահմանադրություն. Փաշինյանը շնորհավորական ուղերձ է հղել
09:28 05.07.2024 (Թարմացված է: 09:57 05.07.2024) ՀՀ վարչապետի պատկերացմամբ` ՀՀ սահմանադրությունը փոխելը դժվար, բայց պատվաբեր ճանապարհ է։
ԵՐԵՎԱՆ, 5 հուլիսի – Sputnik. ՀՀ վարչապետ Նիկոլ Փաշինյանը Սահմանադրության օրվա առթիվ շնորհավորական ուղերձ է հղել և վերահաստատել` երկրում մայր օրենքը պետք է փոփոխել։ Տեղեկությունը
հայտնում է ՀՀ վարչապետի մամուլի ծառայությունը։
Նա ընդգծել է` Սահմանադրությունը, քաղաքացիների հավաքական պայմանավորվածությունն է սեփական երկրում ապրելու կանոնների, իրավունքների և պարտականությունների մասին:
«Ոչ պակաս կարևոր հանգամանքն այն է, որ քաղաքացիները Սահմանադրության տեքստում պիտի արձանագրեն իրենց հիմնադրած և կառուցած պետության մեջ իրենց ապրելու կանոնները՝ քաղաքացի-պետություն հարաբեությունների, քաղաքացի-օրենք հարաբերությունների, քաղաքացի-քաղաքացի հարաբերությունների, մարդ-մարդ հարաբերությունների, մարդ-բնություն հարաբերությունների կանոնները»,–ասված է ուղերձում:
Նրա խոսքով` Սահմանադրությունը քաղաքացիների հավաքական պայմանավորվածությունն է սեփական երկրում ապրելու կանոնների, իրավունքների և պարտականությունների մասին:
«Բոլորիս հայտնի հանգամանքների բերումով ՀՀ քաղաքացին այսօր չի համարում, որ Սահմանադրությունն իր ու իր հարևանի, իր ու իր համայնքի, իր ու իր պետության մյուս բնակիչների հետ ապրելու կանոնների մասին իր պատկերացումն ու պայմանավորվածությունն է արտահայտում: Քաղաքացին համարում է, որ իշխող վերնախավն է այդ տեքստը ստեղծել, հայտարարել դրա ընդունման մասին և, ըստ էության, ներդրել այն Հայաստանում»,–գրել է նա:
Նրա համոզմունքով` սա եղել և մնում է հիմնարար պրոբլեմ է մեր երկրի համար, և մեր երկրին հարկավոր է նոր Սահմանադրություն։ «Մեզ պետք է նոր Սահմանադրություն, որը ժողովուրդը համարի իր ստեղծածը, իր ընդունածը, համարի, որ այն, ինչ նրանում գրված է՝ իր պատկերացումն է իր ստեղծած պետության և այդ պետության մեջ մարդկանց, քաղաքացիների հարաբերությունների մասին»,–կարծում է ՀՀ վարչապետը:
Նշում է` մեզ պետք է Սահմանադրություն, որն օրգանական կապով կապված է սահմանադիրի՝ ժողովրդի հետ:
«Այս թեման հիմա շատ է շահարկվում թե՛ ներքին, և թե՛ արտաքին դաշտում: Բայց մենք անշեղորեն պիտի շարունակենք մեր պետությունը՝ Հայաստանի Հանրապետությունը, ուժեղացնելու, ինստիտուցիոնալ, հոգեբանական ու ֆիզիկական առումով նրան անխոցելի դարձնելու մեր ճանապարհը: Սա դժվար, բայց պատվաբեր ճանապարհ է ու մենք ընթանում ենք ճիշտ ճանապարհով, բայց այդ ճանապարհն անցնելու համար մեզ պետք է կենտրոնանալ մի կոնկրետ խնդրի՝ Հայաստանի Հանրապետության պետական շահը սպասարկելու վրա, որովհետև Հայաստանի Հանրապետության պետական շահը ինքնիշխանի, այսինքն՝ Հայաստանի Հանրապետության ժողովրդի շահն է, իրական Հայաստանում ապրող իրական մարդկանց շահը, որոնք Հայաստանի Հանրապետությունը ստեղծել են որպես գործիք իր միջազգայնորեն ճանաչված տարածքում իրենց ազատությունը, բարեկեցությունը, երջանկությունը, անվտանգությունն ապահովելու համար, արդար միջավայր ձևավորելու համար և մենք չպետք է շեղվենք այս նպատակից»,–կարծում է վարչապետը:
Նշենք, որ Փաշինյանը բազմիցս հայտարարել է գործող Սահմանադրությունը փոխելու անհրաժեշտության մասին։
Հավելենք, որ Հայաստանի Հանրապետության Սահմանադրությունն ընդունվել է 1995թ. հուլիսի 5-ի ՀՀ հանրաքվեով: ՀՀ Սահմանադրության փոփոխությունները կատարվել են 2005թ. նոյեմբերի 27-ի և 2015թ. դեկտեմբերի 6-ի հանրաքվեով:
