Փարաջանովի ծննդյան 100-ամյակին նվիրված 2 նամականիշ է թողարկվել
18:15 20.06.2024 (Թարմացված է: 18:26 20.06.2024)
© Photo : official site of the Government of RA «Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային նվիրված 2 նամականիշի մարման արարողությունը
![«Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային նվիրված 2 նամականիշի մարման արարողությունը «Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային նվիրված 2 նամականիշի մարման արարողությունը - Sputnik Արմենիա, 1920, 20.06.2024](https://cdn.am.sputniknews.ru/img/07e8/06/14/77394459_0:59:700:453_1920x0_80_0_0_505a0489646578a128b307c3dcef0899.jpg)
© Photo : official site of the Government of RA
Բաժանորդագրվել
Նամականիշերի վրա տեղադրված է ՅՈւՆԵՍԿՕ-ի տաբերանշանը, քանի որ Սերգեյ Փարաջանովի ծննդյան 100-ամյակն ընդգրկված է ՅՈւՆԵՍԿՕ-ի՝ հռչակավոր մարդկանց և կարևոր իրադարձությունների հոբելյանների 2024-2025 թթ օրացույցում:
ԵՐԵՎԱՆ, 20 հունիսի – Sputnik. ՀԽՍՀ ժողովրդական արտիստ, անվանի կինոռեժիսոր Սերգեյ Փարաջանովի թանգարանում տեղի է ունեցել «Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային նվիրված 2 նամականիշի մարման արարողությունը։ Տեղեկությունը հայտնում է ՀՀ կառավարության մամուլի ծառայությունը։
Նշվում է, որ միջոցառմանը ներկա է եղել փոխվարչապետ Արայիկ Հարությունյանը, որը շնորհավորել է Փարաջանովի արվեստի սիրահարներին՝ նրան հոբելյանի և նամականիշի մարման առիթով։
«320 ՀՀ դրամ անվանական արժեքով նամականիշի վրա պատկերված է հայ հռչակավոր կինոռեժիսոր, սցենարիստ, կոլաժի վարպետ, ՀԽՍՀ և ՈւԽՍՀ ժողովրդական արտիստ Սերգեյ Փարաջանովը։ 380 ՀՀ դրամ անվանական արժեքով նամականիշը ներկայացնում է իր «Վարիացիա Պինտուրիկիոյի ու Ռաֆայելի թեմաներով» կոլաժը: Նամականիշերի վրա նաև առկա են «Սերգեյ Փարաջանով» և «հայ կինոռեժիսոր» գրառումները՝ հայերեն և անգլերեն լեզուներով»,– ասված է հաղորդագրությունում:
Նամականիշերի վրա տեղադրված է ՅՈւՆԵՍԿՕ-ի լոգոտիպը, քանի որ Սերգեյ Փարաջանովի ծննդյան 100-ամյակն ընդգրկված է ՅՈւՆԵՍԿՕ-ի՝ հռչակավոր մարդկանց և կարևոր իրադարձությունների հոբելյանների 2024-2025 թթ օրացույցում: Նամականիշերը տպագրվել են Ֆրանսիայի Կարտոր տպագրատանը՝ 30 000 օրինակով։ Դիզայնի հեղինակը Վահագն Մկրտչյանն է:
© Photo : official site of the Government of RA «Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային նվիրված 2 նամականիշի մարման արարողությունը
![Марка Всемирно известные армяне. 100-летие со дня рождения Сергея Параджанова Марка Всемирно известные армяне. 100-летие со дня рождения Сергея Параджанова - Sputnik Արմենիա, 1920, 20.06.2024](https://cdn.am.sputniknews.ru/img/07e8/06/14/77398835_0:0:700:467_1920x0_80_0_0_6d38c24100c3f47467ebdb8fa36e3f89.jpg)
«Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային նվիրված 2 նամականիշի մարման արարողությունը
© Photo : official site of the Government of RA