https://arm.sputniknews.ru/20240618/erevanum-ir-ashkhatanqn-e-sksel-evrasia-hk-n-77306103.html
Երևանում իր աշխատանքն է սկսել «Եվրասիա» ՀԿ-ն
Երևանում իր աշխատանքն է սկսել «Եվրասիա» ՀԿ-ն
Sputnik Արմենիա
Կազմակերպության գլխավոր գրասենյակը գտնվում է Մոսկվայում, շուտով ներկայացուցչություններ կբացվեն նաև Մոլդովայում, Բելառուսում, Ուզբեկստանում, Տաջիկստանում և... 18.06.2024, Sputnik Արմենիա
2024-06-18T19:08+0400
2024-06-18T19:08+0400
2024-06-18T19:29+0400
միքայել (միկա) բադալյան
«եվրասիա»
հիմնադրամ
հայաստան
ռուսաստան
https://cdn.am.sputniknews.ru/img/07e8/06/12/77294851_0:0:1600:901_1920x0_80_0_0_53d608ad9edde85c7d7f92a38fb9ae32.jpg
ԵՐԵՎԱՆ, 18 հունիսի - Sputnik. Միջազգային համագործակցության զարգացմանն ուղղված «Եվրասիա» կազմակերպության ներկայացուցչությունը սկսել է աշխատանքը Երևանում: ՀԿ-ի նպատակն է ցույց տալ, որ երկրների միջև քաղաքական տարաձայնությունները չպետք է ազդեն ժողովուրդների միջև փոխհարաբերությունների վրա: Այս մասին Հայ-ռուսական համալսարանում կայացած շնորհանդեսի ժամանակ հայտարարել է «Եվրասիա»-ի խորհրդի անդամ Միկա Բադալյանը:Կազմակերպության գլխավոր գրասենյակը գտնվում է Մոսկվայում, շուտով ներկայացուցչություններ կբացվեն նաև Մոլդովայում, Բելառուսում, Ուզբեկստանում, Տաջիկստանում և Ղրղզստանում:Բադալյանի խոսքով` որոշ երկրների, այդ թվում` Հայաստանի և Մոլդովայի իշխանությունները գործում են իրենց քաղաքացիների շահերի դեմ: Կազմակերպությունը ձգտում է ցույց տալ հայ ժողովրդի իրական վերաբերմունքը Եվրասիայի մյուս ժողովուրդների նկատմամբ և Ռուսաստանին ցույց տալ, որ մարդկանց միջև թշնամանք չկա:Նա հույս է հայտնել, որ ՀԿ-ի աշխարհագրությունը կընդլայնվի և հայտնել է մի շարք երկրների, այդ թվում` եվրոպական երկրների հետ շփումների մասին: Բադալյանը վստահ է, որ նախագիծը կընդլայնվի և կդառնա նոր բազմաբևեռ աշխարհակարգի կարևոր մասը:Բադալյանը տեղեկացրել է, որ ՀԿ-ի կողմից իրականացվող «Ճանաչիր Ռուսաստանը» խորագրով ծրագրերից մեկի շրջանակում մինչև 2024 թվականի ավարտը ՌԴ կայցելի 10 հազար մարդ: Նախատեսվում է նաև հատկացնել 2500 դրամաշնորհ` յուրաքանչյուրը մինչև 1 միլիոն ռուբլի, 11 տարբեր ուղղություններով, ներառյալ լրագրությունը, բլոգերային ծրագրերը, մշակութային ժառանգության պահպանումը և զբոսաշրջությունը:Արդեն կան հաջողված նախագծերի օրինակներ, ինչպիսիք են Բելառուսում զբոսաշրջիկների համար նախատեսված հավելվածը և կարևոր պատմական իրադարձությունների մասին անիմացիոն տեսանյութերը:Հայաստանում «Ռոսսոտրուդնիչեստվոյի» ներկայացուցչության ղեկավարի ժամանակավոր պաշտոնակատար Վիկտորյա Դերիպասկոն «Եվրասիա» ՀԿ-ն կարևոր հարթակ է անվանել։«Եվրասիա» ՀԿ-ն իրականացնում է հումանիտար նախագծեր, որոնք ուղղված են ազգամիջյան հաղորդակցության զարգացմանը և հետխորհրդային տարածքում ինտեգրացիոն գործընթացների ամրապնդմանը` պահպանելով ժողովուրդների ազգային ինքնությունը:Նախագծերի թվում են դպրոցականներին, ուսանողներին, երիտասարդ մասնագետներին աջակցելը, կրթական ծրագրերը, խոշոր ընկերություններում փոխանակումներն ու պրակտիկաները, մեդիադպրոցները, ուսուցիչների մասնագիտական հարթակները, մարզիկների մասնակցությունը միջազգային մրցումներին, լրագրողների և բլոգերների համար դրամաշնորհները, բիզնես առաքելությունները ձեռնարկատերերի համար և պատմության և մշակույթի պահպանման նախագծերին մասնակցությունը:
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միքայել (միկա) բադալյան , «եվրասիա», հիմնադրամ, հայաստան, ռուսաստան
միքայել (միկա) բադալյան , «եվրասիա», հիմնադրամ, հայաստան, ռուսաստան
Երևանում իր աշխատանքն է սկսել «Եվրասիա» ՀԿ-ն
19:08 18.06.2024 (Թարմացված է: 19:29 18.06.2024) Կազմակերպության գլխավոր գրասենյակը գտնվում է Մոսկվայում, շուտով ներկայացուցչություններ կբացվեն նաև Մոլդովայում, Բելառուսում, Ուզբեկստանում, Տաջիկստանում և Ղրղզստանում:
ԵՐԵՎԱՆ, 18 հունիսի - Sputnik. Միջազգային համագործակցության զարգացմանն ուղղված «Եվրասիա» կազմակերպության ներկայացուցչությունը սկսել է աշխատանքը Երևանում: ՀԿ-ի նպատակն է ցույց տալ, որ երկրների միջև քաղաքական տարաձայնությունները չպետք է ազդեն ժողովուրդների միջև փոխհարաբերությունների վրա: Այս մասին Հայ-ռուսական համալսարանում կայացած շնորհանդեսի ժամանակ հայտարարել է «Եվրասիա»-ի խորհրդի անդամ Միկա Բադալյանը:
Կազմակերպության գլխավոր գրասենյակը գտնվում է Մոսկվայում, շուտով ներկայացուցչություններ կբացվեն նաև Մոլդովայում, Բելառուսում, Ուզբեկստանում, Տաջիկստանում և Ղրղզստանում:
Բադալյանի խոսքով` որոշ երկրների, այդ թվում` Հայաստանի և Մոլդովայի իշխանությունները գործում են իրենց քաղաքացիների շահերի դեմ: Կազմակերպությունը ձգտում է ցույց տալ հայ ժողովրդի իրական վերաբերմունքը Եվրասիայի մյուս ժողովուրդների նկատմամբ և Ռուսաստանին ցույց տալ, որ մարդկանց միջև թշնամանք չկա:
«Երկրների կառավարությունների միջև բազմաթիվ տարաձայնություններ կան, որոնք չպետք է արտացոլվեն ժողովուրդների վրա։ Մեր խնդիրն է ամրապնդել Եվրասիայի ժողովուրդների միջև հարաբերությունները, պատմել ավանդույթների և սովորույթների մասին և նպաստել փոխադարձ հարգանքի մթնոլորտի ստեղծմանը»,-նշել է Բադալյանը։
Նա հույս է հայտնել, որ ՀԿ-ի աշխարհագրությունը կընդլայնվի և հայտնել է մի շարք երկրների, այդ թվում` եվրոպական երկրների հետ շփումների մասին: Բադալյանը վստահ է, որ նախագիծը կընդլայնվի և կդառնա նոր բազմաբևեռ աշխարհակարգի կարևոր մասը:
Բադալյանը տեղեկացրել է, որ ՀԿ-ի կողմից իրականացվող «Ճանաչիր Ռուսաստանը» խորագրով ծրագրերից մեկի շրջանակում մինչև 2024 թվականի ավարտը ՌԴ կայցելի 10 հազար մարդ: Նախատեսվում է նաև հատկացնել 2500 դրամաշնորհ` յուրաքանչյուրը մինչև 1 միլիոն ռուբլի, 11 տարբեր ուղղություններով, ներառյալ լրագրությունը, բլոգերային ծրագրերը, մշակութային ժառանգության պահպանումը և զբոսաշրջությունը:
Արդեն կան հաջողված նախագծերի օրինակներ, ինչպիսիք են Բելառուսում զբոսաշրջիկների համար նախատեսված հավելվածը և կարևոր պատմական իրադարձությունների մասին անիմացիոն տեսանյութերը:
Հայաստանում «Ռոսսոտրուդնիչեստվոյի» ներկայացուցչության ղեկավարի ժամանակավոր պաշտոնակատար Վիկտորյա Դերիպասկոն «Եվրասիա» ՀԿ-ն կարևոր հարթակ է անվանել։
«Մեր երիտասարդները պետք է ընտրություն ունենան, նրանք պետք է իրենց սրտով համայնք գտնեն»,-ընդգծել է Դերիպասկոն:
«Եվրասիա» ՀԿ-ն իրականացնում է հումանիտար նախագծեր, որոնք ուղղված են ազգամիջյան հաղորդակցության զարգացմանը և հետխորհրդային տարածքում ինտեգրացիոն գործընթացների ամրապնդմանը` պահպանելով ժողովուրդների ազգային ինքնությունը:
Նախագծերի թվում են դպրոցականներին, ուսանողներին, երիտասարդ մասնագետներին աջակցելը, կրթական ծրագրերը, խոշոր ընկերություններում փոխանակումներն ու պրակտիկաները, մեդիադպրոցները, ուսուցիչների մասնագիտական հարթակները, մարզիկների մասնակցությունը միջազգային մրցումներին, լրագրողների և բլոգերների համար դրամաշնորհները, բիզնես առաքելությունները ձեռնարկատերերի համար և պատմության և մշակույթի պահպանման նախագծերին մասնակցությունը:
