https://arm.sputniknews.ru/20240612/hhum-shrjanarutjan-harki-drujqachapy-krknaki-kbardzracvi-76954428.html
ՀՀ–ում շրջանառության հարկի դրույքաչափը կրկնակի կբարձրացվի
ՀՀ–ում շրջանառության հարկի դրույքաչափը կրկնակի կբարձրացվի
Sputnik Արմենիա
Որոշակի արտոնությունն են նախատեսված մարզերում կազմակերպվող հանրային սննդի գործունեության և տեղեկատվական տեխնոլոգիաների ոլորտի մասով։ 12.06.2024, Sputnik Արմենիա
2024-06-12T10:34+0400
2024-06-12T10:34+0400
2024-06-12T10:34+0400
հայաստան
շրջանառության հարկ
աժ (ազգային ժողով)
տնտեսություն
https://cdn.am.sputniknews.ru/img/07e7/0b/1c/69306488_0:947:1600:1847_1920x0_80_0_0_520f3b1d6f6c467dfc4f19eb15b55f09.jpg
ԵՐԵՎԱՆ, 12 հունիսի – Sputnik. ՀՀ–ում շրջանառության հարկի դրույքաչափը կրկնակի կբարձրացվի, և կկրճատվի ԱԱՀ–ի, շահութահարկի հետ համեմատ հարկային բեռի տարբերությունը։ ՀՀ ԱԺ–ն երկրորդ ընթերցմամբ և վերջնական ընդունեց «Հարկային օրենսգրքում» և կից օրենքներում փոփոխություններ կատարելու մասին նախագիծը։Միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից` դրանով այն դարձնելով ավելի հասցեական։ Դրանք են նոտարական, փաստաբանական, վիճակախաղերի կազմակերպման ծառայությունները։ԿԲ–ն վերաֆինանսավորման տոկոսադրույքն իջեցրել է 0.25 տոկոսային կետովԻնչ վերաբերում է միկրոձեռնարկատիրությանը, ապա այս ցանկից դուրս կբերվեն մարզերում առևտրային գործունեությունը, վարսավիրական, մարմնի խնամքի, սաունաների, շոգեբաղնիքների գործունեությունը, ավտոմեքենաների տեխնիկական սպասարկման և վերանորոգման ծառայությունները, միջնորդական գործունեությունը` անշարժ գույքի վարձակալություն և վաճառք, ծրագրային ապահովման մշակման գործունեությունը և այլն։«Առաջինից երկրորդ ընթերցման քննարկումների միջև ընկած ժամանակահատվածում որոշակի փոփոխություններ են եղել, որոնցից մեկով առաջարկվում է մարզերում կազմակերպվող հանրային սննդի գործունեության մասով շրջանառության հարկի բեռի վերանայումը 1 տարի ավելի ուշ սկսել` 2025 թվականի հունվարի 1–ի փոխարեն 2026 թվականի հունվարի 1–ին։ Սա հիմնավորվում է այն տրամաբանությամբ, որ մարզերում այս գործունեության տեսակն ավելի ընդգծված սեզոնայնություն ունի, և երկրորդ` ձեռքբերումները փաստաթղթերով հիմնավորելու հնարավորությունն էլ ավելի սահմանափակ են, որովհետև հիմնականում տնային տնտեսություններից են կատարվում»,–ասաց ՀՀ ֆինանսների նախարարի տեղակալ Արման Պողոսյանը։Նրա խոսքով` մեկ այլ փոփոխություն վերաբերում է բարձր տեխնոլոգիական արդյունաբերության ոլորտին, մասնավորապես` տեղեկատվական տեխնոլոգիաների ոլորտին, որոնց համար կշարունակվի կիրառվել 5 տոկոս դրույքաչափը։Նշենք, որ շրջանառության հարկի շեմը հիմա տարեկան մինչև 120 մլն դրամն է, իսկ միկրոբիզնեսի դեպքում` տարեկան մինչև 24 մլն դրամ։Ավելի վաղ ՀՀ ֆինանսների նախարար Վահե Հովհաննիսյանը հայտարարել էր, որ 2022 թ. տվյալներով` կա շուրջ 56 հազար շրջհարկ վճարող, որոնք 2023 թ. վճարել են ՀՀ ընդհանուր հարկերի ընդամենը 2.3 տոկոսը, ինչը բավականին ցածր ցուցանիշ է։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, շրջանառության հարկ, աժ (ազգային ժողով), տնտեսություն
հայաստան, շրջանառության հարկ, աժ (ազգային ժողով), տնտեսություն
ՀՀ–ում շրջանառության հարկի դրույքաչափը կրկնակի կբարձրացվի
Որոշակի արտոնությունն են նախատեսված մարզերում կազմակերպվող հանրային սննդի գործունեության և տեղեկատվական տեխնոլոգիաների ոլորտի մասով։
ԵՐԵՎԱՆ, 12 հունիսի – Sputnik. ՀՀ–ում շրջանառության հարկի դրույքաչափը կրկնակի կբարձրացվի, և կկրճատվի ԱԱՀ–ի, շահութահարկի հետ համեմատ հարկային բեռի տարբերությունը։ ՀՀ ԱԺ–ն երկրորդ ընթերցմամբ և վերջնական ընդունեց «Հարկային օրենսգրքում» և կից օրենքներում փոփոխություններ կատարելու մասին նախագիծը։
Նշենք, որ փոփոխությունների արդյունքում առևտրի սուբյեկտների համար հարկը սահմանվում է 10 տոկոս, արտադրության դեպքում` 7 տոկոս, հանրային սննդի դեպքում` 12 տոկոս։
Միկրոձեռնարկատիրության որոշ տեսակներ դուրս կբերվեն շրջանառության հարկի այս համակարգից` դրանով այն դարձնելով ավելի հասցեական։ Դրանք են նոտարական, փաստաբանական, վիճակախաղերի կազմակերպման ծառայությունները։
Ինչ վերաբերում է միկրոձեռնարկատիրությանը, ապա այս ցանկից դուրս կբերվեն մարզերում առևտրային գործունեությունը, վարսավիրական, մարմնի խնամքի, սաունաների, շոգեբաղնիքների գործունեությունը, ավտոմեքենաների տեխնիկական սպասարկման և վերանորոգման ծառայությունները, միջնորդական գործունեությունը` անշարժ գույքի վարձակալություն և վաճառք, ծրագրային ապահովման մշակման գործունեությունը և այլն։
«Առաջինից երկրորդ ընթերցման քննարկումների միջև ընկած ժամանակահատվածում որոշակի փոփոխություններ են եղել, որոնցից մեկով առաջարկվում է մարզերում կազմակերպվող հանրային սննդի գործունեության մասով շրջանառության հարկի բեռի վերանայումը 1 տարի ավելի ուշ սկսել` 2025 թվականի հունվարի 1–ի փոխարեն 2026 թվականի հունվարի 1–ին։ Սա հիմնավորվում է այն տրամաբանությամբ, որ մարզերում այս գործունեության տեսակն ավելի ընդգծված սեզոնայնություն ունի, և երկրորդ` ձեռքբերումները փաստաթղթերով հիմնավորելու հնարավորությունն էլ ավելի սահմանափակ են, որովհետև հիմնականում տնային տնտեսություններից են կատարվում»,–ասաց ՀՀ ֆինանսների նախարարի տեղակալ Արման Պողոսյանը։
Նրա խոսքով` մեկ այլ փոփոխություն վերաբերում է բարձր տեխնոլոգիական արդյունաբերության ոլորտին, մասնավորապես` տեղեկատվական տեխնոլոգիաների ոլորտին, որոնց համար կշարունակվի կիրառվել 5 տոկոս դրույքաչափը։
Նշենք, որ շրջանառության հարկի շեմը հիմա տարեկան մինչև 120 մլն դրամն է, իսկ միկրոբիզնեսի դեպքում` տարեկան մինչև 24 մլն դրամ։
Ավելի վաղ ՀՀ ֆինանսների նախարար Վահե Հովհաննիսյանը հայտարարել էր, որ 2022 թ. տվյալներով` կա շուրջ 56 հազար շրջհարկ վճարող, որոնք 2023 թ. վճարել են ՀՀ ընդհանուր հարկերի ընդամենը 2.3 տոկոսը, ինչը բավականին ցածր ցուցանիշ է։
