https://arm.sputniknews.ru/20240611/vaghy-karevvor-or-e-bagrat-srbazany-baghramjan-pvoghvotajum-ampvopec-ory-ev-hajtnec-aneliqnery-76979118.html
Վաղը կարևոր օր է. Բագրատ սրբազանը Բաղրամյան պողոտայում ամփոփեց օրը և հայտնեց անելիքները
Վաղը կարևոր օր է. Բագրատ սրբազանը Բաղրամյան պողոտայում ամփոփեց օրը և հայտնեց անելիքները
Sputnik Արմենիա
Նա շեշտեց՝ վաղը ժամը 15։00-ին շատ մեծ թվով պետք է հավաքվենք, որովհետև ասելիք ունենք։ 11.06.2024, Sputnik Արմենիա
2024-06-11T20:49+0400
2024-06-11T20:49+0400
2024-06-12T12:15+0400
բագրատ սրբազան
տեր բագրատ գալստանյան
«տավուշը հանուն հայրենիքի»
բողոքի ակցիա
https://cdn.am.sputniknews.ru/img/07e8/06/0a/76907435_0:0:1600:901_1920x0_80_0_0_c4b9d52217ef4c02b4f247e450341420.jpg
ԵՐԵՎԱՆ, 11 հունիսի – Sputnik. «Տավուշը հանուն հայրենիքի» առաջնորդ, վարչապետի թեկնածու Բագրատ սրբազանը Բաղրամյան պողոտայում արդեն 3-րդ օրը հավաքված քաղաքացիների հետ ամփոփեց օրը և վստահեցրեց` հունիսի 12-ին չափազանց կարևոր օր է լինելու։Նշենք, որ ինչպես ամեն օր, այսօր էլ Բաղրամյանում գտնվող երիտասարդները ազգագրական պարերով դիմավորեցին սրբազանին։Նա հիշեցրեց` հունիսի 12-ին Մոնթե Մելքոնյանի նահատակության օրն է, որը շատ խորհրդանշական օր է։Նա վստահ է` ժողովրդի անտրտունջ պայքարն անխուսափելիորեն տանելու է դեպի հաղթանակ։«Մեզ համար այս շարժումն ավելին է, քան մեկին հանելն ու մի կողմ դնելը` իր բոլոր շոշափուկներով հանդերձ։ Սա ավելին է, մեր արժեքների, հավաքական գոյության, երազների ու ձգտումների մասին է, ու այս մարդիկ դա չեն հասկանում։ Այս մարդիկ միայն ատելություն, թշնամություն, սարսափ ու սուտ են լցնում մեր կյանքում։ ԱԺ ամբիոնը դարձրել են ստի խողովակ ու քարոզչամեքենա։ Պետք է լուծումը գտնենք, որ այս մարդիկ հեռանան անցնցում ու խաղաղ»,– նշեց շարժման առաջնորդը։Հիշեցնենք` «Տավուշը հանուն հայրենիքի» շարժման առաջնորդ Բագրատ սրբազանը հունիսի 9-ին տեղի ունեցած հանրահավաքի ժամանակ հայտարարեց, որ առաջիկա 4 օրում առանց ընդմիջման բողոքի ակցիաներ պետք է իրականացնեն հասնելու համար ՀՀ վարչապետի և կառավարության հրաժարականին։ Ընդդիմադիր պատգամավորներին էլ սրբազանը հորդորեց հունիսի 11-ին` ժամը 16։30-ին, նիստ նախաձեռնել կառավարության հրաժարականի օրակարգով։ Հանրահավաքից հետո մասնակիցները երթով շարժվեցին դեպի Բաղրամյան պողոտա և գիշերեցին այնտեղ։ Բաղրամյան–Դեմիրճյան–Սիլվա Կապուտիկյան խաչմերուկն այս պահին փակ է, նաև վրաններ են տեղադրված։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
բագրատ սրբազան, տեր բագրատ գալստանյան, «տավուշը հանուն հայրենիքի», բողոքի ակցիա
բագրատ սրբազան, տեր բագրատ գալստանյան, «տավուշը հանուն հայրենիքի», բողոքի ակցիա
Վաղը կարևոր օր է. Բագրատ սրբազանը Բաղրամյան պողոտայում ամփոփեց օրը և հայտնեց անելիքները
20:49 11.06.2024 (Թարմացված է: 12:15 12.06.2024) Նա շեշտեց՝ վաղը ժամը 15։00-ին շատ մեծ թվով պետք է հավաքվենք, որովհետև ասելիք ունենք։
ԵՐԵՎԱՆ, 11 հունիսի – Sputnik. «Տավուշը հանուն հայրենիքի» առաջնորդ, վարչապետի թեկնածու Բագրատ սրբազանը Բաղրամյան պողոտայում արդեն 3-րդ օրը հավաքված քաղաքացիների հետ ամփոփեց օրը և վստահեցրեց` հունիսի 12-ին չափազանց կարևոր օր է լինելու։
Նշենք, որ ինչպես ամեն օր, այսօր էլ Բաղրամյանում գտնվող երիտասարդները ազգագրական պարերով դիմավորեցին սրբազանին։
«Վաղը մեզ համար չափազանց կարևոր օր է։ Շատ հաստատուն կերպով այս մարդկանց (ցույց տալով ԱԺ շենքի կողմը – խմբ.) պետք է գործազուրկ դարձնենք։ Իրենք պետք է հասկանան` աղետ է բերում իրենց աշխատանքը, ինչպես նաև մահ և դժբախտություն։ Պետք է նրանց գործի գնալը դադարեցվի։ Վաղը ժամը 15։00-ին շատ մեծ թվով պետք է հավաքվենք, որովհետև ասելիք ունենք։ Դիմում եմ բոլոր նրանց, ովքեր իրենց սրտում փոփոխության կարիք են տեսնում` ներկա եղեք այստեղ` վերջնական ու վճռական խոսք ասելու այս մարդկանց»,– ասաց Բագրատ սրբազանը։
Նա հիշեցրեց` հունիսի 12-ին Մոնթե Մելքոնյանի նահատակության օրն է, որը շատ խորհրդանշական օր է։
Նա վստահ է` ժողովրդի անտրտունջ պայքարն անխուսափելիորեն տանելու է դեպի հաղթանակ։
«Մեզ համար այս շարժումն ավելին է, քան մեկին հանելն ու մի կողմ դնելը` իր բոլոր շոշափուկներով հանդերձ։ Սա ավելին է, մեր արժեքների, հավաքական գոյության, երազների ու ձգտումների մասին է, ու այս մարդիկ դա չեն հասկանում։ Այս մարդիկ միայն ատելություն, թշնամություն, սարսափ ու սուտ են լցնում մեր կյանքում։ ԱԺ ամբիոնը դարձրել են ստի խողովակ ու քարոզչամեքենա։ Պետք է լուծումը գտնենք, որ այս մարդիկ հեռանան անցնցում ու խաղաղ»,– նշեց շարժման առաջնորդը։
Հիշեցնենք` «Տավուշը հանուն հայրենիքի» շարժման առաջնորդ Բագրատ սրբազանը հունիսի 9-ին տեղի ունեցած հանրահավաքի ժամանակ
հայտարարեց, որ առաջիկա 4 օրում առանց ընդմիջման բողոքի ակցիաներ պետք է իրականացնեն հասնելու համար ՀՀ վարչապետի և կառավարության հրաժարականին։ Ընդդիմադիր պատգամավորներին էլ սրբազանը հորդորեց հունիսի 11-ին` ժամը 16։30-ին, նիստ նախաձեռնել կառավարության հրաժարականի օրակարգով։ Հանրահավաքից հետո մասնակիցները երթով շարժվեցին դեպի Բաղրամյան պողոտա և գիշերեցին այնտեղ։ Բաղրամյան–Դեմիրճյան–Սիլվա Կապուտիկյան խաչմերուկն այս պահին փակ է, նաև
վրաններ են տեղադրված։
