https://arm.sputniknews.ru/20240611/khaghaghutjan-pajmanagri-stvoragrumy-hnaravvor-henc-vaghy-ruben-rubinjan-76952618.html

Խաղաղության պայմանագրի ստորագրումը հնարավոր է հենց վաղը. Ռուբեն Ռուբինյան

Խաղաղության պայմանագրի ստորագրումը հնարավոր է հենց վաղը. Ռուբեն Ռուբինյան

Sputnik Արմենիա

ԱԺ փոխխոսնակն անդրադարձավ Ադրբեջանի նախագահի հայտարարություններին։ 11.06.2024, Sputnik Արմենիա

2024-06-11T12:33+0400

2024-06-11T12:33+0400

2024-06-11T13:37+0400

հայաստան

աժ (ազգային ժողով)

խաղաղության պայմանագիր

ռուբեն ռուբինյան

https://cdn.am.sputniknews.ru/img/07e5/08/03/28531373_0:41:1600:941_1920x0_80_0_0_c27c9069dbf2efd26ba8b672dbade5f0.jpg

ԵՐԵՎԱՆ, 11 հունիսի – Sputnik. Խաղաղության պայմանագրի ստորագրումը հնարավոր է հենց վաղը, եթե ադրբեջանական կողմից լինի կառուցողական մոտեցում։ Այսօր խորհրդարանում այս հայտարարությունն արեց ԱԺ փոխխոսնակ Ռուբեն Ռուբինյանը` պատասխանելով լրագրողների հարցերին։Ինչ վերաբերում է Ադրբեջանի նախագահ Իլհամ Ալիևի հայտարարություններին, թե խաղաղության հասնելու համար Հայաստանը պետք է փոխի իր Սահմանադրությունը, ապա Ռուբինյանն ընդգծեց, որ ՀՀ սահմանադրության փոփոխությունը կամ «չփոփոխությունը» ՀՀ ներքին գործն է ու չի կարող դառնալ բանակցային օրակարգ։Հարցին, թե ինչու հայկական կողմը չի արձագանքում այսպես կոչված «Խոջալուի ցեղասպանության» թեմային, ԱԺ փոխնախագահն ասաց, որ չի հասկանում, թե ինչու Հայաստանը պետք է արձագանքի կեղծ թեմաներին։Մեկնաբանելով Ալիևի խոսքերն այն մասին, որ Հայաստանը պետք է ներողություն խնդրի «Խոջալուի ցեղասպանության» համար, նա կոչ արեց չտրվել դրսից ներմուծված օրակարգերին` ելնելով հանրային դիմադրողականության շահերից։Հիշեցնենք` հունիսի 4-ին հայտնի դարձավ, որ Հայաստանը պատասխանել է խաղաղության պայմանագրի նախագծի վերաբերյալ Ադրբեջանի վերջին առաջարկներին: Ադրբեջանի նախագահ Իլհամ Ալիևը հայտարարել է, որ մինչև այս տարվա նոյեմբեր Հայաստանի հետ խաղաղության համաձայնագրի ձեռքբերումը միանգամայն իրատեսական է։ Նա միաժամանակ նշել է, որ այդ փաստաթղթի կնքումն անհնար է առանց ՀՀ Սահմանադրության փոփոխության։

2024

Լուրեր

am_HY

հայաստան, աժ (ազգային ժողով), խաղաղության պայմանագիր, ռուբեն ռուբինյան