https://arm.sputniknews.ru/20240610/vorteghic-230-hazar-dvolar-erb-gnel-sanvosjani-eghbvor-2-tarva-ekamuty-25-mln-dram-e-eghel-76897153.html
Որտեղի՞ց 230 հազար դոլար, երբ Գնել Սանոսյանի եղբոր 2 տարվա եկամուտը 2,5 մլն դրամ է եղել
Որտեղի՞ց 230 հազար դոլար, երբ Գնել Սանոսյանի եղբոր 2 տարվա եկամուտը 2,5 մլն դրամ է եղել
Sputnik Արմենիա
Կայքն ուսումնասիրել է բաց աղբյուրների տվյալները, որոնք ոչ մի կերպ չեն հիմնավորում, թե որտեղից այդքան մեծ գումար առանձնատուն կառուցելու համար։ 10.06.2024, Sputnik Արմենիա
2024-06-10T15:58+0400
2024-06-10T15:58+0400
2024-06-10T16:03+0400
հայաստան
գնել սանոսյան
եղբայր
առանձնատուն
https://cdn.am.sputniknews.ru/img/07e7/0b/02/68133348_0:83:1600:983_1920x0_80_0_0_330b1a4a31c74e9f9e048a4adf6dd036.jpg
ԵՐԵՎԱՆ, 10 հունիսի – Sputnik. ՀՀ տարածքային կառավարման և ենթակառուցվածքների նախարար Գնել Սանոսյանի՝ ՌԴ-ում շինարարությամբ զբաղվող եղբայրը` Վահան Սանոսյանը,երկու տարում ընդամենը 2,5 միլիոն դրամի եկամուտ է ունեցել։ Այս մասին գրել է «Հետքը»՝ անդրադառնալով Սանոսյանի՝ օրերս ԱԺ-ում ունեցած ճեպազրույցին։Ավելի վաղ «Հետքը» գրել էր, որ Սանոսյանի թոշակառու մայրը մոտ 230 հազար ԱՄՆ դոլար արժողությամբ առանձնատուն է կառուցում։ Սանոսյանի խոսնակ Սոնա Հարությունյանն արձագանքել էր այդ հրապարակմանը` նշելով, որ առանձնատունը կառուցում են Սանոսյանի եղբայրները։Նախարարն անդրադարձել էր իր մոր՝ 230 հազար դոլար արժողությամբ առանձնատուն կառուցելուն՝ շեշտելով, որ հոդվածի հեղինակի մոտ «որտեղից 230 հազար դոլար» հարցը չէր ծագի, եթե բացեր, կարդար իր եղբոր ընկերությունների անունները, տեսներ՝ այդ ընկերությունները տարեկան ինչքան շրջանառություն են ունեցել։«Այդ հոդված գրողը կարող էր մտներ, ինտերնետով կարդար մեր ընտանիքին պատկանող շինարարական ընկերության մասին․․․ Եղբայրներս կա՛մ անհատապես են աշխատել, կա՛մ ընկերությունում․․․Սկզբից ընկերություն չի եղել, մասնավոր են աշխատել, հետո ընկերություն են հիմնել»,- հայտարարել է Գնել Սանոսյանը՝ նշելով, որ իր ընտանիքի անդամներին պատկանող ընկերության անունն է «ՎԳՎ»։«Հետքն» ուսումնասիրել է բաց աղբյուրներից ստացված տվյալները, որոնք չեն հիմնավորում 230 հազար ԱՄՆ դոլար եկամուտը։Ըստ Ռուսաստանի Դաշնային հարկային ծառայության հարկերի և եկամուտների հաշվետվությունների՝ 2023 թ.-ին ընկերության մաքուր շահույթը կազմել է 237 հազար ռուբլի, իսկ 2022 թ.-ին՝ 275 հազար ռուբլի, այսինքն՝ երկու տարվա զուտ շահույթը դրամով մոտ 2 միլիոն 252 հազար 800 դրամ է։Նախարարի մյուս եղբայրը՝ Վարդան Հենզելի Սանոսյանը, ՌԴ-ում 2021 թ․-ին գրանցվել է որպես անհատ ձեռնարկատեր։ Նրա ստացած եկամուտների մասին տվյալներ առկա չեն։«Հետքը» շեշտում է, որ այս հանգամանքներում շարունակում է արդիական մնալ այն հարցը, թե որտեղի՞ց նախարարի եղբայրներին մոտ 230 հազար դոլար գումար առանձնատուն կառուցելու համար։Հիշեցնենք` Հակակոռուպցիոն կոմիտեն ստուգումներ է սկսել Սանոսյանի մոր համար առանձնատուն կառուցելու փաստով։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գնել սանոսյան , եղբայր, առանձնատուն
հայաստան, գնել սանոսյան , եղբայր, առանձնատուն
Որտեղի՞ց 230 հազար դոլար, երբ Գնել Սանոսյանի եղբոր 2 տարվա եկամուտը 2,5 մլն դրամ է եղել
15:58 10.06.2024 (Թարմացված է: 16:03 10.06.2024) Կայքն ուսումնասիրել է բաց աղբյուրների տվյալները, որոնք ոչ մի կերպ չեն հիմնավորում, թե որտեղից այդքան մեծ գումար առանձնատուն կառուցելու համար։
ԵՐԵՎԱՆ, 10 հունիսի – Sputnik. ՀՀ տարածքային կառավարման և ենթակառուցվածքների նախարար Գնել Սանոսյանի՝ ՌԴ-ում շինարարությամբ զբաղվող եղբայրը` Վահան Սանոսյանը,երկու տարում ընդամենը 2,5 միլիոն դրամի եկամուտ է ունեցել։ Այս մասին գրել է
«Հետքը»՝ անդրադառնալով Սանոսյանի՝ օրերս ԱԺ-ում ունեցած ճեպազրույցին։
Ավելի վաղ «Հետքը» գրել էր, որ Սանոսյանի թոշակառու մայրը մոտ 230 հազար ԱՄՆ դոլար արժողությամբ առանձնատուն է կառուցում։
Սանոսյանի խոսնակ Սոնա Հարությունյանն արձագանքել էր այդ հրապարակմանը` նշելով, որ առանձնատունը կառուցում են Սանոսյանի եղբայրները։
Նախարարն անդրադարձել էր իր մոր՝ 230 հազար դոլար արժողությամբ առանձնատուն կառուցելուն՝ շեշտելով, որ հոդվածի հեղինակի մոտ «որտեղից 230 հազար դոլար» հարցը չէր ծագի, եթե բացեր, կարդար իր եղբոր ընկերությունների անունները, տեսներ՝ այդ ընկերությունները տարեկան ինչքան շրջանառություն են ունեցել։
«Այդ հոդված գրողը կարող էր մտներ, ինտերնետով կարդար մեր ընտանիքին պատկանող շինարարական ընկերության մասին․․․ Եղբայրներս կա՛մ անհատապես են աշխատել, կա՛մ ընկերությունում․․․Սկզբից ընկերություն չի եղել, մասնավոր են աշխատել, հետո ընկերություն են հիմնել»,- հայտարարել է Գնել Սանոսյանը՝ նշելով, որ իր ընտանիքի անդամներին պատկանող ընկերության անունն է «ՎԳՎ»։
«Հետքն» ուսումնասիրել է բաց աղբյուրներից ստացված տվյալները, որոնք չեն հիմնավորում 230 հազար ԱՄՆ դոլար եկամուտը։
«Գնել Սանոսյանի եղբայրը՝ Վահան Հենզելի Սանոսյանը, 2021 թ.-ին ՌԴ-ում հիմնադրել է «ВГВ ДОРСТРОЙ» ՍՊԸ-ն։ Ընկերության 100% բաժնետոմսերը նրան են պատկանում։ Վահան Սանոսյանն այլ ընկերություններ չի հիմնադրել, այլ ընկերությունների բաժնեմասեր ձեռք չի բերել։ Նա կապված է միայն «ВГВ ДОРСТРОЙ» ընկերության հետ (բաժնետեր և տնօրեն է)»,- գրում է «Հետքը»։
Ըստ Ռուսաստանի Դաշնային հարկային ծառայության հարկերի և եկամուտների հաշվետվությունների՝ 2023 թ.-ին ընկերության մաքուր շահույթը կազմել է 237 հազար ռուբլի, իսկ 2022 թ.-ին՝ 275 հազար ռուբլի, այսինքն՝ երկու տարվա զուտ շահույթը դրամով մոտ 2 միլիոն 252 հազար 800 դրամ է։
Նախարարի մյուս եղբայրը՝ Վարդան Հենզելի Սանոսյանը, ՌԴ-ում 2021 թ․-ին գրանցվել է որպես անհատ ձեռնարկատեր։ Նրա ստացած եկամուտների մասին տվյալներ առկա չեն։
«Հետքը» շեշտում է, որ այս հանգամանքներում շարունակում է արդիական մնալ այն հարցը, թե որտեղի՞ց նախարարի եղբայրներին մոտ 230 հազար դոլար գումար առանձնատուն կառուցելու համար։
Հիշեցնենք`
Հակակոռուպցիոն կոմիտեն ստուգումներ է սկսել Սանոսյանի մոր համար առանձնատուն կառուցելու փաստով։
