https://arm.sputniknews.ru/20240606/arajin-aliqy-nervoghutjun-e-khndrel-vor-kvoshik-bary-shpvotel-en-vercnelu-het-76723933.html
Առաջին ալիքը ներողություն է խնդրել, որ «կոշիկ» բառը շփոթել են «վերցնելու» հետ
Առաջին ալիքը ներողություն է խնդրել, որ «կոշիկ» բառը շփոթել են «վերցնելու» հետ
Sputnik Արմենիա
Փաստաբանը պահանջել է երեկոյան եթերի ժամանակ նույն ձևաչափով ու նույն տևողությամբ ձայնի իրավունք տրվի նաև Նարեկ Թևոսյանի պաշտպանական թիմին։ 06.06.2024, Sputnik Արմենիա
2024-06-06T14:46+0400
2024-06-06T14:46+0400
2024-06-06T15:01+0400
հայաստանի հանրային հեռուստաընկերություն
հհ քննչական կոմիտե
https://cdn.am.sputniknews.ru/img/07e8/06/02/76570623_0:102:1280:822_1920x0_80_0_0_10d0860953c4cd8b3461d1eb9772b35a.jpg
ԵՐԵՎԱՆ, 6 հունիսի – Sputnik. «Առաջին ալիքը» ներողություն է խնդրել ռեպորտաժի համար, որտեղ արցախյան բարբառով կոշիկի մասին խոսակցությունը ներկայացրել է որպես հավաքներին մասնակցելու համար գումար ստանալու հեռախոսազրույց։Նշենք, որ հունիսի 5-ին ուշ գիշերին պաշտպան Ռուբեն Մելիքյանը հայտնել էր, որ Նարեկ Թևոսյանը կալանավորվել է 1 ամիս ժամկետով։ Հունիսի 6-ին Մելիքյանն իր էջում դրել է հեռուստաընկերության այն ռեպորտաժը, որտեղ ներողություն են խնդրել սխալ հնչեցրած արտահայտության համար և կից գրառում է կատարել՝ որոշ պահանջներ ներկայացնելով։Հանրային հեռուստաընկերության «Լուրերի» հաղորդավարն էլ եթերի ժամանակ հայտնել է, որ հունիսի 5-ին անդրադարձել են Քննչական կոմիտեի բացահայտած դեպքին, համաձայն որի համացանցում տարածված հեռախոսազրույցում 2 տղամարդ Ղարաբաղի բարբառով քննարկում են կազմակերպվող բողոքի ակցիաներին մասնակցելու համար որոշ անձանց գումար բաժանելու, այլ անձանց կողմից ավելի շատ գումար վերցնելու, իսկ իրենց դրանից անհամեմատ քիչ տրամադրելու հարցերը։«Տղամարդկանցից մեկն ասում է, որ երեկ 2200 դրամ է տվել ու կոշիկ վերցրել, այն դեպքում, որ 40 000-անոցից պակաս կոշիկ չի հագել։ Ռեպորտաժում նշվել է․ «2200 են տվել, որ կյանքում 40 000-ից պակասի համար գնացած չկամ»։ Կատարված վրիպակի համար հայցում ենք հեռուստադիտողների ներողամտությունը»,- ասում է «Լուրերի» հաղորդավարը։Հիշեցնենք, որ հունիսի 5-ին ՔԿ-ն հայտնել էր նաև, որ 29-ամյա տղամարդը կալանավորվել է։ Ներկայում էր միջոցներ են ձեռնարկվում դեպքի հանգամանքնեը, հավաքին շահագրգռելու համար առերևույթ տրամադրված ֆինանսավորման աղբյուրները, ինչպես նաև՝ այդ գործընթացում ներգրավված անձանց ամբողջական շրջանակը պարզելու ուղղությամբ։
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստանի հանրային հեռուստաընկերություն, հհ քննչական կոմիտե
հայաստանի հանրային հեռուստաընկերություն, հհ քննչական կոմիտե
Առաջին ալիքը ներողություն է խնդրել, որ «կոշիկ» բառը շփոթել են «վերցնելու» հետ
14:46 06.06.2024 (Թարմացված է: 15:01 06.06.2024) Փաստաբանը պահանջել է երեկոյան եթերի ժամանակ նույն ձևաչափով ու նույն տևողությամբ ձայնի իրավունք տրվի նաև Նարեկ Թևոսյանի պաշտպանական թիմին։
ԵՐԵՎԱՆ, 6 հունիսի – Sputnik. «Առաջին ալիքը» ներողություն է խնդրել ռեպորտաժի համար, որտեղ արցախյան բարբառով կոշիկի մասին խոսակցությունը ներկայացրել է որպես հավաքներին մասնակցելու համար գումար ստանալու հեռախոսազրույց։
Նշենք, որ հունիսի 5-ին ուշ գիշերին պաշտպան Ռուբեն Մելիքյանը հայտնել էր, որ Նարեկ Թևոսյանը կալանավորվել է 1 ամիս ժամկետով։ Հունիսի 6-ին Մելիքյանն իր էջում դրել է հեռուստաընկերության այն ռեպորտաժը, որտեղ ներողություն են խնդրել սխալ հնչեցրած արտահայտության համար և կից գրառում է կատարել՝ որոշ պահանջներ ներկայացնելով։
«Մեր բարձրաձայնումից հետո Հանրային հեռուստաընկերությունն ընդունել է «սխալն» ու ներողություն խնդրել։ Սա բավարար չէ, տասնյակ հազարավոր մարդիկ տեսել են պիկ-ժամին հեռարձակված կեղծիքը, իսկ ցերեկը հեռարձակված՝ «լղոզված» հերքումը կտեսնեն քչերը։ Միակ լուծումն այն է, որ երեկոյան եթերի ժամանակ նույն ձևաչափով ու նույն տևողությամբ ձայնի իրավունք տրվի նաև մեզ՝ Նարեկ Թևոսյանի պաշտպանական թիմին։ Ընդ որում՝ եթե ինձնից «զզվում եք», ապա դեմ չեմ, որ խոսեն «Հինգ իրավապաշտպանների նախաձեռնության» իմ ընկերները։ Միայն այդ դեպքում է, որ միջադեպը կհամարեմ հարթված»,-
գրել է Մելիքյանը։
Հանրային հեռուստաընկերության «Լուրերի» հաղորդավարն էլ եթերի ժամանակ հայտնել է, որ հունիսի 5-ին անդրադարձել են Քննչական կոմիտեի բացահայտած դեպքին, համաձայն որի համացանցում տարածված հեռախոսազրույցում 2 տղամարդ Ղարաբաղի բարբառով քննարկում են կազմակերպվող բողոքի ակցիաներին մասնակցելու համար որոշ անձանց գումար բաժանելու, այլ անձանց կողմից ավելի շատ գումար վերցնելու, իսկ իրենց դրանից անհամեմատ քիչ տրամադրելու հարցերը։
«Տղամարդկանցից մեկն ասում է, որ երեկ 2200 դրամ է տվել ու կոշիկ վերցրել, այն դեպքում, որ 40 000-անոցից պակաս կոշիկ չի հագել։ Ռեպորտաժում նշվել է․ «2200 են տվել, որ կյանքում 40 000-ից պակասի համար գնացած չկամ»։ Կատարված վրիպակի համար հայցում ենք հեռուստադիտողների ներողամտությունը»,- ասում է «Լուրերի» հաղորդավարը։
Հիշեցնենք, որ հունիսի 5-ին ՔԿ-ն հայտնել էր նաև, որ 29-ամյա տղամարդը կալանավորվել է։ Ներկայում էր միջոցներ են ձեռնարկվում դեպքի հանգամանքնեը, հավաքին շահագրգռելու համար առերևույթ տրամադրված ֆինանսավորման աղբյուրները, ինչպես նաև՝ այդ գործընթացում ներգրավված անձանց ամբողջական շրջանակը պարզելու ուղղությամբ։
