https://arm.sputniknews.ru/20240605/gjumrium-voreve-mekin-chi-argelvel-elujt-unenal-kgms-nakharary-herqum-e-mijadepy-76671548.html
Գյումրիում որևէ մեկին չի արգելվել ելույթ ունենալ. ԿԳՄՍ նախարարը հերքում է միջադեպը
Գյումրիում որևէ մեկին չի արգելվել ելույթ ունենալ. ԿԳՄՍ նախարարը հերքում է միջադեպը
Sputnik Արմենիա
ԿԳՄՍ նախարարը վստահ է, որ իր տեղակալը չի հայհոյել և Գյումրիում որևէ միջադեպ տեղի չի ունեցել։ 05.06.2024, Sputnik Արմենիա
2024-06-05T12:54+0400
2024-06-05T12:54+0400
2024-06-05T13:04+0400
համերգ
գյումրի
կրթության, գիտության, մշակույթի և սպորտի նախարարություն (կգմս)
ժաննա անդրեասյան
https://cdn.am.sputniknews.ru/img/07e8/05/07/75357707_0:122:1600:1022_1920x0_80_0_0_a7505256cc7099379f562d54eea11143.jpg
ԵՐԵՎԱՆ, 5 հունիսի – Sputnik. Հունիսի 1–ին Գյումրիում որևէ մեկին չի արգելվել ելույթ ունենալ, և եթե որևէ մեկը որոշել է ելույթ չունենալ , դա իր խնդիրն է։ Այս մասին ասաց ԿԳՄՍ նախարար Ժաննա Անդրեասյանը «ՀՀ 2023 թվականի պետական բյուջեի կատարման մասին» տարեկան հաշվետվության քննարկման ժամանակ` անդրադառնալով Գյումրիում համերգը չեղարկելու միջադեպին։Ավելի վաղ հայտնել էինք, որ հունիսի 1–ին Գյումրիում Բագրատ սրբազանի այցին ընդառաջ ապամոնտաժվել էր մանկական համերգի բեմը։ Տավուշի թեմի «ՏաԼույս» երգչախմբի ղեկավար Մարիա Գալստյանը պատմել էր, որ ԿԳՄՍ փոխնախարար Դանիել Դանիելյանը զանգել, հրահանգել է համերգը նախատեսվածից շուտ սկսել։ Մասնակիցները բացատրել են, որ դա հնարավոր չէ։ Դրանից հետո բեմը պարզապես ապամոնտաժել են։ Ականատեսների խոսքով` համերգն ուղղակի չի կայացել, մինչդեռ ԿԳՄՍՆ–ն գլխավոր փորձից լուսանկարներ է հրապարակել ու հայտնել, որ համերգը կայացել է։ Բացի այդ, «ՏաԼույս» երգչախմբի պրոդյուսեր Թովմաս Առաքելյանն ասել էր, որ ՀՀ ԿԳՄՍ փոխնախարար Դանիել Դանիելյանն անշնորհք ձևով է խոսել իր հետ, հայհոյել է, իսկ հոգևորականի սքեմն անվանել է «դերիա»։Ընդդիմադիր պատգամավոր Արթուր Խաչատրյանը նախարարին հարց ուղղեց` ինչպե՞ս է ստացվել, որ Բագրատ սրբազանի Գյումրի այցից առաջ ԿԳՄՍ փոխնախարարն արգելել է «ՏաԼույս» երգչախմբի երեխաներին երգել և հայհոյանքներ հնչեցրել հոգևորականի հասցեին։Հավելենք, որ Թովմաս Առաքելյանը հայտնել էր, որ համերգ են կազմակերպել առանց «ՏաԼույս» երգչախմբի և ոչ թե Թատերական հրապարակում, ինչպես նախատեսվել էր, այլ Դրամատիկական թատրոնի դահլիճում։ Պրոդյուսերի խոսքով` հանդիսատես չի եղել, ներկա են եղել միայն երեխաների ծնողները։ԿԳՄՍ փոխնախարար Դանիել Դանիելյանն էլ «Արմենպրեսի» հետ զրույցում ասել էր, որ Գյումրիում համերգը չի չեղարկվել, այն կայացել է հաջողությամբ։ Դանիելյանի ներկայացմամբ՝ եղանակային պայմաններն ու կիզիչ արևը ստիպել են, որ ժամի փոփոխություն արվի, քանի որ երեխաները փորձեր էին անում և դեռ պիտի նաև ելույթ ունենային։ Փոխնախարարը երգչախմբերի պատասխանատուներին առաջարկել է նախատեսված ժամանակից շուտ սկսել համերգը, ինչը միաձայն ընդունվել է կազմակերպիչ «Ազնավուր» հիմնադրամի և մյուս երեք խմբերի կողմից, իսկ Տավուշի «ՏաԼույս» երգչախմբի պրոդյուսերը կտրուկ մերժել է։Դուք չտխրեք, իսկ փոխնախարարը պիտի ներողություն խնդրի. Բագրատ սրբազանը հասել է Գյումրի
գյումրի
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
համերգ, գյումրի, կրթության, գիտության, մշակույթի և սպորտի նախարարություն (կգմս), ժաննա անդրեասյան
համերգ, գյումրի, կրթության, գիտության, մշակույթի և սպորտի նախարարություն (կգմս), ժաննա անդրեասյան
Գյումրիում որևէ մեկին չի արգելվել ելույթ ունենալ. ԿԳՄՍ նախարարը հերքում է միջադեպը
12:54 05.06.2024 (Թարմացված է: 13:04 05.06.2024) ԿԳՄՍ նախարարը վստահ է, որ իր տեղակալը չի հայհոյել և Գյումրիում որևէ միջադեպ տեղի չի ունեցել։
ԵՐԵՎԱՆ, 5 հունիսի – Sputnik. Հունիսի 1–ին Գյումրիում որևէ մեկին չի արգելվել ելույթ ունենալ, և եթե որևէ մեկը որոշել է ելույթ չունենալ , դա իր խնդիրն է։ Այս մասին ասաց ԿԳՄՍ նախարար Ժաննա Անդրեասյանը «ՀՀ 2023 թվականի պետական բյուջեի կատարման մասին» տարեկան հաշվետվության քննարկման ժամանակ` անդրադառնալով Գյումրիում համերգը չեղարկելու միջադեպին։
Ավելի վաղ հայտնել էինք, որ հունիսի 1–ին Գյումրիում
Բագրատ սրբազանի այցին ընդառաջ ապամոնտաժվել էր մանկական համերգի բեմը։ Տավուշի թեմի «ՏաԼույս» երգչախմբի ղեկավար Մարիա Գալստյանը պատմել էր, որ ԿԳՄՍ փոխնախարար Դանիել Դանիելյանը զանգել, հրահանգել է համերգը նախատեսվածից շուտ սկսել։ Մասնակիցները բացատրել են, որ դա հնարավոր չէ։ Դրանից հետո բեմը պարզապես ապամոնտաժել են։ Ականատեսների խոսքով` համերգն ուղղակի չի կայացել, մինչդեռ ԿԳՄՍՆ–ն գլխավոր փորձից լուսանկարներ է հրապարակել ու հայտնել, որ համերգը կայացել է։ Բացի այդ, «ՏաԼույս» երգչախմբի պրոդյուսեր
Թովմաս Առաքելյանն ասել էր, որ ՀՀ ԿԳՄՍ փոխնախարար Դանիել Դանիելյանն անշնորհք ձևով է խոսել իր հետ, հայհոյել է, իսկ հոգևորականի սքեմն անվանել է «դերիա»։
Ընդդիմադիր պատգամավոր Արթուր Խաչատրյանը նախարարին հարց ուղղեց` ինչպե՞ս է ստացվել, որ Բագրատ սրբազանի Գյումրի այցից առաջ ԿԳՄՍ փոխնախարարն արգելել է «ՏաԼույս» երգչախմբի երեխաներին երգել և հայհոյանքներ հնչեցրել հոգևորականի հասցեին։
«Այն, ինչ վկայակոչում եք, ամբողջությամբ սուտ է, որևէ մեկին չի արգելվել ելույթ ունենալ և եթե որևէ մեկը որոշել է ելույթ չունենալ , դա իր խնդիրն է, և դա բարդել որևէ կառույցի վրա, ուղղակի անարդար է։ Ինչ վերաբերում է հայհոյանքներին, դրանք հնչել են բոլորովին այլ կողմից և մեր ուղղությամբ։ ԿԳՄՍ նախարարության ներկայացուցիչները չեն հայհոյում, և նման բան ուղղակի տեղի չի ունեցել»,–ասաց նախարարը։
Հավելենք, որ Թովմաս Առաքելյանը հայտնել էր, որ համերգ են կազմակերպել առանց «ՏաԼույս» երգչախմբի և ոչ թե Թատերական հրապարակում, ինչպես նախատեսվել էր, այլ Դրամատիկական թատրոնի դահլիճում։ Պրոդյուսերի խոսքով` հանդիսատես չի եղել, ներկա են եղել միայն երեխաների ծնողները։
ԿԳՄՍ փոխնախարար Դանիել Դանիելյանն էլ «Արմենպրեսի» հետ զրույցում ասել էր, որ Գյումրիում համերգը չի չեղարկվել, այն կայացել է հաջողությամբ։ Դանիելյանի ներկայացմամբ՝ եղանակային պայմաններն ու կիզիչ արևը ստիպել են, որ ժամի փոփոխություն արվի, քանի որ երեխաները փորձեր էին անում և դեռ պիտի նաև ելույթ ունենային։ Փոխնախարարը երգչախմբերի պատասխանատուներին առաջարկել է նախատեսված ժամանակից շուտ սկսել համերգը, ինչը միաձայն ընդունվել է կազմակերպիչ «Ազնավուր» հիմնադրամի և մյուս երեք խմբերի կողմից, իսկ Տավուշի «ՏաԼույս» երգչախմբի պրոդյուսերը կտրուկ մերժել է։
