Սանահին կայարանից մինչև Այրում կայարան վնասված 8 երկաթուղային գծերից 2–ը վերականգնվել են
11:40 04.06.2024 (Թարմացված է: 11:41 04.06.2024)
© Photo : South Caucasus Railway8 երկաթուղային գծերից 2–ը վերականգնվել են
![8 երկաթուղային գծերից 2–ը վերականգնվել են 8 երկաթուղային գծերից 2–ը վերականգնվել են - Sputnik Արմենիա, 1920, 04.06.2024](https://cdn.am.sputniknews.ru/img/07e8/06/04/76623100_0:52:1000:615_1920x0_80_0_0_71050f66f9bc7aaf8388bcb39a9c7c0b.jpg)
© Photo : South Caucasus Railway
Բաժանորդագրվել
Վերականգնման աշխատանքներում ներգրավվել է «Հարավկովկասյան երկաթուղի» ընկերության 265 աշխատակից։ Ռուսաստանից ավելի քան 30 աշխատակիցներ են գործուղվել աղետի գոտի։
ԵՐԵՎԱՆ, 4 հունիսի – Sputnik. Սանահին կայարանից մինչև Այրում կայարան երկաթուղային ենթակառուցվածքի վնասված 8 հատվածներից երկուսում գնացքների երթևեկությունը վերականգնվել է։ Տեղեկությունը հայտնում է «Հարավկովկասյան երկաթուղի» ՓԲԸ–ն։
«Երթևեկությունը դեռևս սահմանափակ է արագությամբ և շարժակազմի տեսակով»,–նշված է հաղորդագրության մեջ։
Ներկայումս իրականացվում է Ալավերդի-Հաղպատ ճանապարհի փլուզված հատվածի մաքրում քանդված կառույցների պայթեցման և ապամոնտաժման միջոցով, տարածքների մաքրման և շինարարական տեխնիկայի համար մուտքի ճանապարհներ կառուցելու ուղղությամբ լայնածավալ աշխատանքներ: Ավերված հատվածներից մեկի վրա կառուցվում է սանդղավանդ։
© Photo : South Caucasus Railway8 երկաթուղային գծերից 2–ը վերականգնվել են
![Расчистка от завалов разрушенного участка на перегоне Алаверди-Ахпат путем подрыва и демонтажа разрушенных конструкций Расчистка от завалов разрушенного участка на перегоне Алаверди-Ахпат путем подрыва и демонтажа разрушенных конструкций - Sputnik Արմենիա, 1920, 04.06.2024](https://cdn.am.sputniknews.ru/img/07e8/06/04/76623079_0:0:1000:666_1920x0_80_0_0_64e83d31b3adb556a7a2f30b96f90755.jpg)
8 երկաթուղային գծերից 2–ը վերականգնվել են
© Photo : South Caucasus Railway
Նշվում է, որ Ախթալա կայարանում ավարտվել են 230 մետր երկարությամբ էլեկտրահաղորդման գծի, ինչպես նաև 400 մետր երկարությամբ կապի հենարանների և մալուխների վերականգնման աշխատանքները: Իրականացվել է նաև կայանի հատակի սարքավորումների ապամոնտաժում և լվացում կեղտից: Ավարտվել է կայանի արտաքին սարքավորումների կեղտից մաքրումը և վնասված ավտոմատացման սարքերի ապամոնտաժումը։
«Միևնույն ժամանակ, մատակարարվում են նյութեր և սարքավորումներ արտերկրից, պայմանագրեր են կնքվել, քարի մատակարարումներ են իրականացվում տարբեր քարհանքերից»,–նշված է հաղորդագրության մեջ։
Այրում կայարանում ընթանում են նախապատրաստական աշխատանքներ և ներմուծվում են նյութեր և սարքավորումներ՝ նավթամթերքների ընդունմանը նախապատրաստվելու նպատակով։ Նախատեսվում է, որ Այրում կայարանի բազայի հիման վրա կկազմակերպվի Հայաստան բեռների ներկրման ժամանակավոր սխեմա։
© Photo : South Caucasus Railway8 երկաթուղային գծերից 2–ը վերականգնվել են
![Расчистка от завалов разрушенного участка на перегоне Алаверди-Ахпат путем подрыва и демонтажа разрушенных конструкций Расчистка от завалов разрушенного участка на перегоне Алаверди-Ахпат путем подрыва и демонтажа разрушенных конструкций - Sputnik Արմենիա, 1920, 04.06.2024](https://cdn.am.sputniknews.ru/img/07e8/06/04/76623057_0:0:1000:666_1920x0_80_0_0_5987e183e22d68c4bdcc1a64db91a54a.jpg)
8 երկաթուղային գծերից 2–ը վերականգնվել են
© Photo : South Caucasus Railway
Ընդհանուր առմամբ, վերականգնման աշխատանքներում ներգրավվել է «Հարավկովկասյան երկաթուղի» ընկերության 265 աշխատակից։ Ռուսաստանից ավելի քան 30 աշխատակիցներ են գործուղվել աղետի գոտի։ «Վրացական երկաթուղիներ» ընկերությունից սպասվում են ևս մի քանի մասնագետներ։
Միևնույն ժամանակ ընկերության մանևրային ջերմաքարշը շարունակում է տեխնիկա և մարդկանց տեղափոխել ճանապարհներից կտրված Քարկոփ, Ճոճկան, Մեծ Այրում և Փոքր Այրում բնակավայրեր:
Հիշեցնենք` ՀԿԵ–ն ավելի վաղ տեղեկացրել էր, որ Լոռու մարզում գետերի վարարման հետևանքով երկաթուղային գծերը վնասվել են 8 տեղերում՝ մինչև 2 կիլոմետր ընդհանուր երկայնքով: Բացի այդ, հեղեղվել են 4 էլեկտրակայաններ և կայանների էլեկտրական կենտրոնացման սարքավորումներ, վնասվել են 3 ինժեներական կառույցներ, ինչպես նաև տարբեր լարման էլեկտրահաղորդման գծեր։