https://arm.sputniknews.ru/20240531/agn-i-shenqi-mvot-iravitshaky-larvats-e-76497120.html

ԱԳՆ-ի շենքի մոտ իրավիճակը լարված է. Բագրատ սրբազանը հանդիպում է պահանջում

ԱԳՆ-ի շենքի մոտ իրավիճակը լարված է. Բագրատ սրբազանը հանդիպում է պահանջում

Sputnik Արմենիա

Բողոքի ակցիայի մասնակիցները Սուրբ աննա եկեղեցու մոտից երթով շարժվել են դեպի դատախազություն, ապա՝ նախարարությունների շենք։ 31.05.2024, Sputnik Արմենիա

2024-05-31T13:39+0400

2024-05-31T13:39+0400

2024-05-31T14:27+0400

տեսանյութ

տեսանյութեր

տեր բագրատ գալստանյան

բագրատ սրբազան

արտաքին գործերի նախարարություն (ագն)

https://cdn.am.sputniknews.ru/img/07e8/05/1f/76496785_0:0:1281:720_1920x0_80_0_0_ff07ddd6eccd5e0a81dec31bdd28e4ad.jpg

ԱԳՆ-ի շենքի մոտ իրավիճակը լարված է։ «Տավուշը հանուն հայրենիքի» շարժման առաջնորդ Բագրատ սրբազանը պահանջեց ԱԳ նախարար Արարատ Միրզոյանին իջնել և հանդիպել իրենց հետ, հակառակ դեպքում իրենք են բարձրանալու։ Զգուշացրեց՝ անգամ եթե 20-հազարանոց ոստիկանական զորք բերեն, իրենց չեն կանգնեցնելու։ԱԳՆ-ի մոտ առանց այն էլ մեծաթիվ ոստիկանական շարքերն այս պահին բազմապատկվել են։Ոստիկանները հավաքի մասնակիցներին որպես նախազգուշացնող քայլ մահակներով հարվածում են վահաններին, մյուս կողմից էլ ցուցարարները «վուվուզելներ» են փչում։Այս պահին ոստիկանությունը փորձում է համաձայնեցնել «Տավուշը հանուն հայրենիքի» շարժման ներկայացուցիչների հանդիպումը ԱԳ նախարար Արարատ Միրզոյանի հետ։ Բագրատ սրբազանը նշեց՝ նախարարի մոտ կմտնեն 10 հոգով և ԶԼՄ-ների ներկայացուցիչները։ԱԳՆ-ի մոտ բերվեցին կարմիրբերետավորները։Հիշեցնենք՝ այսօր առավոտյան բողոքի ակցիայի մասնակիցները Սուրբ աննա եկեղեցու մոտից երթով շարժվել են դեպի դատախազություն, ապա՝ նախարարությունների շենք։ՀՀ–ում բողոքի ակցիաներ սկսվեցին, երբ ապրիլի 19-ին հայտնի դարձավ, որ Երևանն ու Բաքուն պայմանավորվել են սահմանազատումը սկսել Տավուշի հատվածից։ Հայ–ադրբեջանական սահմանազատումից դժգոհ քաղաքացիները տևական ժամանակ ակցիաներ էին անում Տավուշի մարզում։ «Տավուշը հանուն հայրենիքի» շարժման անդամներն ու նրանց կողմնակիցները մայիսի 4-ին որոշեցին Կիրանց գյուղից երթով գալ Երևան։ Մայիսի 9-ին նրանք հասան մայրաքաղաք։ Այդ օրը Հանրապետության հրապարակում հանրահավաք տեղի ունեցավ, և շարժման առաջնորդ Բագրատ սրբազանը ՀՀ վարչապետ Նիկոլ Փաշինյանին մեկ ժամ ժամանակ տվեց հրաժարականի համար, ինչը տեղի չունեցավ։ Դրանից հետո նա կոչ արեց մայիսի 10-ից անհնազանդության խաղաղ ակցիաներ սկսել ամբողջ հանրապետությունում։ Շարժման մասնակիցներն ու կողմնակիցները հաջորդ օրվանից սկսեցին փողոցներ ու ճանապարհներ փակել, իրազեկման ակցիաներ իրականացնել` քաղաքացիներին հորդորելով միանալ իրենց։Մայիսի 26–ին Հանրապետության հրապարակում տեղի ունեցած հանրահավաքի ժամանակ հայտարարվեց, որ «Տավուշը հանուն հայրենիքի» անցումային կառավարության վարչապետի թեկնածուն Բագրատ սրբազանն է։

2024

Լուրեր

am_HY

տեսանյութ, տեսանյութեր, видео, տեր բագրատ գալստանյան, բագրատ սրբազան, արտաքին գործերի նախարարություն (ագն)