https://arm.sputniknews.ru/20240531/tavushy-hanun-hajreniqi-sharzhman-28-masnakic-dzerbakalvel-e-vostikanneri-het-bakhumic-hetvo-76528996.html

«Տավուշը հանուն հայրենիքի» շարժման 28 մասնակից ձերբակալվել է ոստիկանների հետ բախումից հետո

«Տավուշը հանուն հայրենիքի» շարժման 28 մասնակից ձերբակալվել է ոստիկանների հետ բախումից հետո

Sputnik Արմենիա

Ըստ ՔԿ հաղորդագրության` ոստիկանության 7 աշխատակից դիմել է բուժօգնության, բուժհաստատություններ են դիմել նաև ակցիայի մասնակիցներից։ 31.05.2024, Sputnik Արմենիա

2024-05-31T23:01+0400

2024-05-31T23:01+0400

2024-06-01T10:52+0400

հհ քննչական կոմիտե

քննչական կոմիտե

ձերբակալություն

«տավուշը հանուն հայրենիքի»

անհնազանդության ակցիա

բագրատ սրբազան

https://cdn.am.sputniknews.ru/img/07e8/05/1f/76506313_0:0:998:561_1920x0_80_0_0_fd9be58c5eade71c6950321af04c3f7f.jpg

ԵՐԵՎԱՆ, 31 մայիսի – Sputnik. «Տավուշը հանուն հայրենիքի» շարժման 28 մասնակից ձերբակալվել է այսօր ԱԳՆ–ի շենքի մոտ ոստիկանների հետ բախումից հետո։ Տեղեկությունը հայտնում է ՀՀ քննչական կոմիտեն։Հայտնել ենք, որ «Տավուշը հանուն հայրենիքի» շարժման առաջնորդ Բագրատ սրբազանը ՀՀ արտգործնախարարության շենքի մոտ կոչ արեց նախարար Արարատ Միրզոյանին իջնել ներքև ու ժողովրդի առաջ պատասխանել Ադրբեջանի նախագահ Իլհամ Ալիևի ու Թուրքիայի նախագահ Ռեջեբ Թայիբ Էրդողանի` վերջին օրերին հնչեցրած հայտարարություններին։ ԱԳՆ-ից պատասխանել էին, որ չեն կարող ընդունել շարժման ներկայացուցիչներին։ Որոշ ժամանակ անց իրավիճակն ԱԳՆ–ի մոտ լարվեց, բախումներ սկսվեցին ոստիկանների ու ակցիայի մասնակիցների միջև։ Իրավապահները սկսեցին բերման ենթարկել մարդկանց։Ըստ ՔԿ հաղորդագրության` ակցիայի մասնակիցները ոստիկանների ուղղությամբ նետել են քարեր, ջրով լցված տարաներ, ծխարձակող ճայթուկներ և այլ առարկաներ։Նշվում է, որ զանգվածային անկարգությունների մասնակիցներից ոմանք այդ գործողությունների ժամանակ հնչեցրել են ՀՀ արտաքին գործերի նախարարության շենքը գրավելու կոչեր: Ոստիկաններն ակցիայի 28 մասնակցի տեղափոխել են ՆԳՆ ոստիկանություն։ՀՀ քննչական կոմիտեի հատկապես կարևոր գործերի քննության գլխավոր վարչությունում ՀՀ քրեական օրենսգրքի 327-րդ հոդվածի 1-ին մասով նախաձեռնվել է քրեական վարույթ:Պարզվել է, որ ոստիկանության 7 աշխատակից դիմել է բուժօգնության, բուժհաստատություններ են դիմել նաև մասնակիցներից։Ձեռնարկվում են անհետաձգելի միջոցառումներ՝ առերևույթ անկարգությունների կազմակերպիչ և մասնակից անձանց ամբողջական շրջանակը պարզելու ուղղությամբ: Կատարվում է նախաքննություն:Հիշեցնենք` ՀՀ–ում բողոքի ակցիաներ սկսվեցին, երբ ապրիլի 19-ին հայտնի դարձավ, որ Երևանն ու Բաքուն պայմանավորվել են սահմանազատումը սկսել Տավուշի հատվածից։ Հայ–ադրբեջանական սահմանազատումից դժգոհ քաղաքացիները տևական ժամանակ ակցիաներ էին անում Տավուշի մարզում։ «Տավուշը հանուն հայրենիքի» շարժման անդամներն ու նրանց կողմնակիցները մայիսի 4-ին որոշեցին Կիրանց գյուղից երթով գալ Երևան։ Մայիսի 9-ին նրանք հասան մայրաքաղաք։ Այդ օրը Հանրապետության հրապարակում հանրահավաք տեղի ունեցավ, և շարժման առաջնորդ Բագրատ սրբազանը ՀՀ վարչապետ Նիկոլ Փաշինյանին մեկ ժամ ժամանակ տվեց հրաժարականի համար, ինչը տեղի չունեցավ։ Դրանից հետո նա կոչ արեց մայիսի 10-ից անհնազանդության խաղաղ ակցիաներ սկսել ամբողջ հանրապետությունում։ Շարժման մասնակիցներն ու կողմնակիցները հաջորդ օրվանից սկսեցին փողոցներ ու ճանապարհներ փակել, իրազեկման ակցիաներ իրականացնել` քաղաքացիներին հորդորելով միանալ իրենց։Մայիսի 26–ին Հանրապետության հրապարակում տեղի ունեցած հանրահավաքի ժամանակ հայտարարվեց, որ «Տավուշը հանուն հայրենիքի» անցումային կառավարության վարչապետի թեկնածուն Բագրատ սրբազանն է։

2024

Լուրեր

am_HY

հհ քննչական կոմիտե, քննչական կոմիտե, ձերբակալություն, «տավուշը հանուն հայրենիքի», անհնազանդության ակցիա, բագրատ սրբազան