https://arm.sputniknews.ru/20240529/imastun-aram-sardarapati-martikn-u-bzhishky-erevanum-rusakan-arvesti-tangaran-e-himnel-76422881.html
Իմաստուն Արամ․ Սարդարապատի մարտիկն ու բժիշկը Երևանում Ռուսական արվեստի թանգարան է հիմնել
Իմաստուն Արամ․ Սարդարապատի մարտիկն ու բժիշկը Երևանում Ռուսական արվեստի թանգարան է հիմնել
Sputnik Արմենիա
Հայաստանի բնակիչներն ու հյուրերը խորհրդային հայտնի բժշկի հավաքածուի շնորհիվ կարող են առնչվել Արծաթե դարի գեղանկարչությանը: 29.05.2024, Sputnik Արմենիա
2024-05-29T23:07+0400
2024-05-29T23:07+0400
2024-05-29T23:07+0400
բժիշկ
սարդարապատ
արամ աբրահամյան
թանգարան
https://cdn.am.sputniknews.ru/img/07e5/07/01/28137068_0:85:1600:985_1920x0_80_0_0_dc5977b7183c39d1964706499f3592d7.jpg
ԵՐԵՎԱՆ, 29 մայիսի – Sputnik․ «Արվեստի ասպետ. Արամ Աբրահամյան»․ այս խորագրով ցուցահանդես է բացվել Երևանում` Ռուսական արվեստի թանգարանում՝ նվիրված թանգարանի հիմնադիր, ականավոր բժիշկ, պրոֆեսոր, խորհրդային ուրոլոգիայի դպրոցի ստեղծող Արամ Աբրահամյանի 125-ամյակին։ Ցուցահանդեսի բացումը միաժամանակ նվիրված է 1918 թվականի Մայիսյան հերոսամարտերին։ Քչերը գիտեն, որ ականավոր բժիշկ և ռուսական գեղանկարչության կոլեկցիոներ Աբրահամյանը մարտնչել է Սարդարապատի ճակատամարտում: Երբ թշնամին ներխուժել էր Արարատյան դաշտ և սպառնալիքի տակ էր Երևանը, 19-ամյա երիտասարդը ժամանակից շուտ հանձնեց ավարտական քննությունները և առանց վարանելու մեկնեց ռազմաճակատ՝ ձևավորված առանձին գումարտակի կազմում: Լեռնահեծելազորային գումարտակի շարքերում նա մարտնչել է Սարիղամիշի, Ղարաքիլիսայի, Ալեքսանդրապոլի, Կարսի համար և մասնակցել է Սարդարապատի լեգենդար ճակատամարտին։Ցուցահանդեսում ներկայացված են պրոֆեսորի լուսանկարները, փաստաթղթերը և անձնական իրերը, թանգարանի 40-ամյա պատմությունը։ Հայրենական մեծ պատերազմի տարիներին Աբրահամյանն աշխատել է Հայկական ԽՍՀ-ում որպես տարհանման հոսպիտալների առաջատար ուրոլոգ: Եվ պատերազմից չորս տարի անց նա դարձել է Կրեմլի բժշկական և սանիտարական վարչության գլխավոր ուրոլոգը: Ժամանակակիցները նրան անվանում էին «իմաստուն Արամ». տրամաբանությունը, օպերատիվ տեխնիկան և բժշկելու արվեստը միաձուլվել էին նրա մեջ։ 1949-1975թթ.Աբրահամյանը ղեկավարել է Մոսկվայի մարզային կլինիկական ինստիտուտի ուրոլոգիական կլինիկան:Աբրահամյանի մոտ բուժվել է Չարենցը, նրա տանը հաճախ է հյուրընկալվել Իսահակյանը, իսկ Մարտիրոս Սարյանը նրան կոչում էր «Հայ Տրետյակով»: Բացի բուն բժշկական գործունեությունից, Աբրահամյանը ևս մեկ կիրք ուներ՝ արվեստը։ Նա հայտնի կոլեկցիոներ էր, հավաքում էր արծաթե դարաշրջանի՝ 19-րդ դարավերջի և 20-րդ դարասկզբի ինչպես ռուսական, այնպես էլ հայկական կերպարվեստի ստեղծագործություններ։1980 թվականին Աբրահամյանն իրականացրել է իր վաղեմի մտահղացումն ու նկարների հավաքածուի մեծ մասը (ավելի քան 350 աշխատանք) նվիրել Հայաստանին:«Ես ուզում եմ, որ որքան հնարավոր է շատ մարդ տեսնի այս ամենը, հաղորդակից լինի այս ամբողջ գեղեցկությանը։ Ես գիտեմ, թե Հայաստանում ինչպես են սիրում, ինչպես են հասկանում և գնահատում ռուսական մեծ մշակույթը։ Գիտեմ, և հենց այդ պատճառով էլ իմ հավաքածուն կտակել եմ Երևանին»,- ասել է պրոֆեսորը։Հայկական ԽՍՀ Նախարարների խորհրդի 1979 թվականի հունվարի 16-ի թիվ 14 որոշմամբ որոշվեց ազատել Թամանյան փողոցում գտնվող Նորաձևության տան տարածքը և այն տրամադրել պրոֆեսոր Աբրահամյանին թանգարան ստեղծելու համար: Այն հանդիսավորությամբ բացվել է 1984 թվականին: Կյանքի վերջին 10 տարիներին Աբրահամյանը շարունակել է համալրել արդեն բացված թանգարանի հավաքածուն. այն հարստացել է ևս 80 կտավով:
սարդարապատ
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
բժիշկ, սարդարապատ, արամ աբրահամյան, թանգարան
բժիշկ, սարդարապատ, արամ աբրահամյան, թանգարան
Իմաստուն Արամ․ Սարդարապատի մարտիկն ու բժիշկը Երևանում Ռուսական արվեստի թանգարան է հիմնել
Հայաստանի բնակիչներն ու հյուրերը խորհրդային հայտնի բժշկի հավաքածուի շնորհիվ կարող են առնչվել Արծաթե դարի գեղանկարչությանը:
ԵՐԵՎԱՆ, 29 մայիսի – Sputnik․ «Արվեստի ասպետ. Արամ Աբրահամյան»․ այս խորագրով ցուցահանդես է բացվել Երևանում` Ռուսական արվեստի թանգարանում՝ նվիրված թանգարանի հիմնադիր, ականավոր բժիշկ, պրոֆեսոր, խորհրդային ուրոլոգիայի դպրոցի ստեղծող Արամ Աբրահամյանի 125-ամյակին։ Ցուցահանդեսի բացումը միաժամանակ նվիրված է 1918 թվականի Մայիսյան հերոսամարտերին։ Քչերը գիտեն, որ ականավոր բժիշկ և ռուսական գեղանկարչության կոլեկցիոներ Աբրահամյանը մարտնչել է Սարդարապատի ճակատամարտում: Երբ թշնամին ներխուժել էր Արարատյան դաշտ և սպառնալիքի տակ էր Երևանը, 19-ամյա երիտասարդը ժամանակից շուտ հանձնեց ավարտական քննությունները և առանց վարանելու մեկնեց ռազմաճակատ՝ ձևավորված առանձին գումարտակի կազմում: Լեռնահեծելազորային գումարտակի շարքերում նա մարտնչել է Սարիղամիշի, Ղարաքիլիսայի, Ալեքսանդրապոլի, Կարսի համար և մասնակցել է Սարդարապատի լեգենդար ճակատամարտին։
Ցուցահանդեսում ներկայացված են պրոֆեսորի լուսանկարները, փաստաթղթերը և անձնական իրերը, թանգարանի 40-ամյա պատմությունը։ Հայրենական մեծ պատերազմի տարիներին Աբրահամյանն աշխատել է Հայկական ԽՍՀ-ում որպես տարհանման հոսպիտալների առաջատար ուրոլոգ: Եվ պատերազմից չորս տարի անց նա դարձել է Կրեմլի բժշկական և սանիտարական վարչության գլխավոր ուրոլոգը: Ժամանակակիցները նրան անվանում էին «իմաստուն Արամ». տրամաբանությունը, օպերատիվ տեխնիկան և բժշկելու արվեստը միաձուլվել էին նրա մեջ։ 1949-1975թթ.Աբրահամյանը ղեկավարել է Մոսկվայի մարզային կլինիկական ինստիտուտի ուրոլոգիական կլինիկան:
Աբրահամյանի մոտ բուժվել է Չարենցը, նրա տանը հաճախ է հյուրընկալվել Իսահակյանը, իսկ Մարտիրոս Սարյանը նրան կոչում էր «Հայ Տրետյակով»: Բացի բուն բժշկական գործունեությունից, Աբրահամյանը ևս մեկ կիրք ուներ՝ արվեստը։ Նա հայտնի կոլեկցիոներ էր, հավաքում էր արծաթե դարաշրջանի՝ 19-րդ դարավերջի և 20-րդ դարասկզբի ինչպես ռուսական, այնպես էլ հայկական կերպարվեստի ստեղծագործություններ։
1980 թվականին Աբրահամյանն իրականացրել է իր վաղեմի մտահղացումն ու նկարների հավաքածուի մեծ մասը (ավելի քան 350 աշխատանք) նվիրել Հայաստանին:
«Ես ուզում եմ, որ որքան հնարավոր է շատ մարդ տեսնի այս ամենը, հաղորդակից լինի այս ամբողջ գեղեցկությանը։ Ես գիտեմ, թե Հայաստանում ինչպես են սիրում, ինչպես են հասկանում և գնահատում ռուսական մեծ մշակույթը։ Գիտեմ, և հենց այդ պատճառով էլ իմ հավաքածուն կտակել եմ Երևանին»,- ասել է պրոֆեսորը։
Հայկական ԽՍՀ Նախարարների խորհրդի 1979 թվականի հունվարի 16-ի թիվ 14 որոշմամբ որոշվեց ազատել Թամանյան փողոցում գտնվող Նորաձևության տան տարածքը և այն տրամադրել պրոֆեսոր Աբրահամյանին թանգարան ստեղծելու համար: Այն հանդիսավորությամբ բացվել է 1984 թվականին: Կյանքի վերջին 10 տարիներին Աբրահամյանը շարունակել է համալրել արդեն բացված թանգարանի հավաքածուն. այն հարստացել է ևս 80 կտավով:
