Լեմկինի ինստիտուտը ստորագրահավաք է նախաձեռնել Բաքվի հայ գերիներին ազատ արձակելու պահանջով
13:06 28.05.2024 (Թարմացված է: 13:43 28.05.2024)
© Photo : Social media of Ruben Vardanyan
Բաժանորդագրվել
Հայտարարության մեջ ընդգծվում է, որ նրանց անազատության մեջ պահելը միջազգային իրավունքի կոպիտ խախտում է։
ԵՐԵՎԱՆ, 28 մայիսի – Sputnik․ Լեմկինի ցեղասպանության ինստիտուտը ստորագրահավաք է նախաձեռնել՝ Բաքվում ապօրինի պահվող Արցախի ռազմաքաղաքական ղեկավարներին և հայ գերիներին անհապաղ ազատ արձակելու պահանջով։ Համապատասխան հայտարարությունը հրապարկված է ինստիտուտի X-ի պաշտոնական էջում։
«Ստորագրելով սա՝ դուք կարող եք քայլեր ձեռնարկել Բաքվի կողմից պահվող արցախահայության, ինչպես նաև մյուս հայ ռազմագերիների և քաղաքացիական պատանդների իրավունքների վերականգնման ուղղությամբ, որոնցից մի քանիսը արդեն ապօրինի պահվում են տարիներ շարունակ»,- շեշտված է հայտարարության մեջ։
Նշվում է, որ ինստիտուտը խորապես մտահոգված է Ադրբեջանում արցախցի քաղաքական բանտարկյալներին շարունակական ապօրինի կալանքի տակ պահելու կապակցությամբ։ Ինստիտուտը դիմում է Ադրբեջանի նախագահին՝ պահանջելով ազատ արձակել բոլոր հայերին, որոնք ներկայում պահվում են Բաքվում:
Ընդգծվում է, որ նրանց ձերբակալությունը միջազգային իրավունքի կոպիտ խախտում է։
The @LemkinInstitute is deeply concerned about the continued illegal detention of political prisoners from #Artsakh in Azerbaijan. @RubenVardanyan_ @CFTJustice
— Lemkin Institute for Genocide Prevention (@LemkinInstitute) May 27, 2024
We urge immediate action and call for Azerbaijani President @presidentaz to release all Armenians currently being… pic.twitter.com/8X7zmfHVXq
