https://arm.sputniknews.ru/20240526/debed-geti-vararman-hetevanqvov-ka-mek-zvoh-prkararnery-vorvonum-en-mek-tarec-qaghaqacu-76232016.html
Դեբեդ գետի վարարման հետևանքով կա մեկ զոհ. փրկարարները որոնում են մեկ տարեց քաղաքացու
Դեբեդ գետի վարարման հետևանքով կա մեկ զոհ. փրկարարները որոնում են մեկ տարեց քաղաքացու
Sputnik Արմենիա
Փրկարար ծառայությունը ներկայացրել է Դեբեդ գետի վարարման հետևանքով ստեղծված իրավիճակը ժամը 8։00–ի դրությամբ։ 26.05.2024, Sputnik Արմենիա
2024-05-26T10:28+0400
2024-05-26T10:28+0400
2024-05-26T10:38+0400
դեբեդ
լոռի
գետ
ջրհեղեղ
զոհ
ավտոմեքենա
https://cdn.am.sputniknews.ru/img/07e8/05/1a/76231277_151:0:1792:923_1920x0_80_0_0_025ff912f81be7ee93fdba885ceb959f.jpg
ԵՐԵՎԱՆ, 26 մայիսի – Sputnik․ Դեբեդ գետի վարարման հետևանքով, նախնական տվյալներով, կա մեկ զոհ, փրկարարները որոնում են մեկ տարեց քաղաքացու, որն ընկել է գետը։ Տեղեկությունը հայտնում է ՀՀ ՆԳՆ փրկարար ծառայությունը։ՆԳՆ ՓԾ ճգնաժամային կառավարման ազգային կենտրոնից հայտնում են, որ ահազանգերը ստացվել են մայիսի 26–ին ժամը 00։40–ից սկսած։Նշվում է, որ Դեբեդ գետի վարարման հետևանքով Մ6 ավտոճանապարհի Վանաձոր-Ալավերդի հատվածի 31-րդ կմ-ը հեղեղվել է և մոտ 50 մ երկարությամբ հատվածը փլուզվել, Այրում կայարան Երկաթուղային փողոցում ջրալցվել են մի շարք տներ։Բացի այդ, այսօր` ժամը 8։00–ի դրությամբ, Ալավերդի համայնքի Քարկոփ բնակավայրի ճանապարհին Դեբեդ գետի վրա գտնվող կամուրջը քանդվել է։ Բնակավայրը ջրածածկված է։Նշվում է` Ախթալա բնակավայրի ճանապարհին Դեբեդ գետի վրա գտնվող կամուրջը ջրածածկված է, հնարավոր է լինեն քանդված հատվածներ, երկաթգծի վրա նշմարվում են նստվածքային տեղամասեր և տապալված սյուներ։«Ալավերդի քաղաքի Մ6 ճանապարհին, Թումանյան փողոցում, Սանահին թաղամաս տանող ճանապարհին և Մ6 ճանապարհի գերեզմանների հատվածում ճանապարհը ամբողջությամբ ջրածածկված է, նկատելի են ամբողջական փլուզված տեղամասեր։ Ամբողջությամբ քանդվել է Սանահին կայարանը Ալավերդի քաղաքին կապող կամուրջը»,– տեղեկացնում է փրկարար ծառայությունը։Շնող–Թեղուտ հատվածում գետի վարարման հետևանքով ճանապարհն ամբողջությամբ քանդվել է։ Նախնական տվյալներով` Մ6–Թեղուտ հատվածում գետում առկա է ավտոմեքենա, որում կա քաղաքացի։Ինչ վերաբերում է Փամբակ համայնքին, ապա այստեղ` Մ6–ճանապարհի Քոբայր-Ձորագետ ավան հատվածում, ճանապարհը ամբողջությամբ փլուզվել է մի քանի հատվածներում։ Տվյալ հատվածում 3 ավտոմեքենա արգելափակված է։Ձորագետ ավանի 70 բնակիչ տարհանվել է անվտանգ տարածք։Ավելի վաղ հայտնել էինք, որ Դեբեդ գետի վարարման հետևանքով Մ-6 միջպետական ճանապարհը երկկողմանի փակ է երթևեկության համար։Նշենք, որ ՀՀ ՇՄՆ Հիդրոօդերևութաբանության և մոնիտորինգի կենտրոնը հայտնել էր, որ Հայաստանի Հանրապետության ողջ տարածքում այսօր ևս ժամանակ առ ժամանակ սպասվում է անձրև և ամպրոպ, առանձին հատվածներում՝ ինտենսիվ, հնարավոր է նաև կարկուտ։
դեբեդ
լոռի
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դեբեդ, լոռի, գետ, ջրհեղեղ, զոհ, ավտոմեքենա
դեբեդ, լոռի, գետ, ջրհեղեղ, զոհ, ավտոմեքենա
Դեբեդ գետի վարարման հետևանքով կա մեկ զոհ. փրկարարները որոնում են մեկ տարեց քաղաքացու
10:28 26.05.2024 (Թարմացված է: 10:38 26.05.2024) Փրկարար ծառայությունը ներկայացրել է Դեբեդ գետի վարարման հետևանքով ստեղծված իրավիճակը ժամը 8։00–ի դրությամբ։
ԵՐԵՎԱՆ, 26 մայիսի – Sputnik․ Դեբեդ գետի վարարման հետևանքով, նախնական տվյալներով, կա մեկ զոհ, փրկարարները որոնում են մեկ տարեց քաղաքացու, որն ընկել է գետը։ Տեղեկությունը
հայտնում է ՀՀ ՆԳՆ փրկարար ծառայությունը։
ՆԳՆ ՓԾ ճգնաժամային կառավարման ազգային կենտրոնից հայտնում են, որ ահազանգերը ստացվել են մայիսի 26–ին ժամը 00։40–ից սկսած։
Նշվում է, որ Դեբեդ գետի վարարման հետևանքով Մ6 ավտոճանապարհի Վանաձոր-Ալավերդի հատվածի 31-րդ կմ-ը հեղեղվել է և մոտ 50 մ երկարությամբ հատվածը փլուզվել, Այրում կայարան Երկաթուղային փողոցում ջրալցվել են մի շարք տներ։
Շնող գյուղից դեպի Թեղուտ հատվածում «Օպել» մակնիշի ավտոմեքենան ընկել է գետը, որը հետևանքով, ինչպես նշեցինք, նախնական տվյալներով կա 1 զոհ, Այրում-Ալավերդի ավտոճանապարհին արգելափակվել է 1 բեռնատար, այն ամբողջությամբ ջրի մեջ է, խցիկի վրա 2 քաղաքացի կա, Ալավերդի քաղաքում կան ջրալցված տներ և անասնագոմեր:
Բացի այդ, այսօր` ժամը 8։00–ի դրությամբ, Ալավերդի համայնքի Քարկոփ բնակավայրի ճանապարհին Դեբեդ գետի վրա գտնվող կամուրջը քանդվել է։ Բնակավայրը ջրածածկված է։
Նշվում է` Ախթալա բնակավայրի ճանապարհին Դեբեդ գետի վրա գտնվող կամուրջը ջրածածկված է, հնարավոր է լինեն քանդված հատվածներ, երկաթգծի վրա նշմարվում են նստվածքային տեղամասեր և տապալված սյուներ։
«Ալավերդի քաղաքի Մ6 ճանապարհին, Թումանյան փողոցում, Սանահին թաղամաս տանող ճանապարհին և Մ6 ճանապարհի գերեզմանների հատվածում ճանապարհը ամբողջությամբ ջրածածկված է, նկատելի են ամբողջական փլուզված տեղամասեր։ Ամբողջությամբ քանդվել է Սանահին կայարանը Ալավերդի քաղաքին կապող կամուրջը»,– տեղեկացնում է փրկարար ծառայությունը։
Շնող–Թեղուտ հատվածում գետի վարարման հետևանքով ճանապարհն ամբողջությամբ քանդվել է։ Նախնական տվյալներով` Մ6–Թեղուտ հատվածում գետում առկա է ավտոմեքենա, որում կա քաղաքացի։
Ինչ վերաբերում է Փամբակ համայնքին, ապա այստեղ` Մ6–ճանապարհի Քոբայր-Ձորագետ ավան հատվածում, ճանապարհը ամբողջությամբ փլուզվել է մի քանի հատվածներում։ Տվյալ հատվածում 3 ավտոմեքենա արգելափակված է։
Ձորագետ ավանի 70 բնակիչ տարհանվել է անվտանգ տարածք։
Ավելի վաղ
հայտնել էինք, որ Դեբեդ գետի վարարման հետևանքով Մ-6 միջպետական ճանապարհը երկկողմանի փակ է երթևեկության համար։
Նշենք, որ ՀՀ ՇՄՆ Հիդրոօդերևութաբանության և մոնիտորինգի կենտրոնը հայտնել էր, որ Հայաստանի Հանրապետության ողջ տարածքում այսօր ևս ժամանակ առ ժամանակ սպասվում է անձրև և ամպրոպ, առանձին հատվածներում՝ ինտենսիվ, հնարավոր է նաև կարկուտ։
