https://arm.sputniknews.ru/20240525/hajastani-qaghaqakan-uzhery-chen-karvogh-hashvi-charnel-spjurqi-shahery-karapetjan-76220807.html
Հայաստանի քաղաքական ուժերը չեն կարող հաշվի չառնել սփյուռքի շահերը․ Սամվել Կարապետյան
Հայաստանի քաղաքական ուժերը չեն կարող հաշվի չառնել սփյուռքի շահերը․ Սամվել Կարապետյան
Sputnik Արմենիա
«Տաշիր» ընկերությունների խմբի նախագահը նշել է, որ սփյուռքը բոլոր ժամանակներում եղել է երկրների միջև կարևոր կապող օղակ և մինչ օրս շարունակում է նշանակալի դեր... 25.05.2024, Sputnik Արմենիա
2024-05-25T19:05+0400
2024-05-25T19:05+0400
2024-05-25T19:31+0400
տաշիր
«տաշիր» ընկերությունների խումբ
սամվել կարապետյան
մոսկվա
ֆորում
տնտեսություն
https://cdn.am.sputniknews.ru/img/07e8/05/19/76218376_0:113:1280:833_1920x0_80_0_0_2725501e299b3c2970bde555b9d1ed8a.jpg
ԵՐԵՎԱՆ, 25 մայիսի – Sputnik. Հայաստանի համար կարևոր է չտրվել քաղաքական մանիպուլյացիայի տարբեր շահագրգիռ երկրների կողմից, քանի որ այդ գործողություններն ուղղակի սպառնալիք են երկրի տնտեսական անվտանգությանը: Այս մասին այսօր Armenian Business Forum 2024-ի բացման ժամանակ ասաց Հայ գործարարների ասոցիացիայի նախագահ, «Տաշիր» ընկերությունների խմբի նախագահ Սամվել Կարապետյանը։Նրա խոսքով՝ հայ գործարար համայնքի խնդիրն է պահպանել և ընդլայնել հարաբերությունները, համախմբել և կամուրջ դառնալ երկրների միջև կապերի զարգացման համար: Գործարարը կարծում է, որ միջազգային հարաբերությունների ներկայիս ճգնաժամում կարևոր է պահպանել սերտ երկխոսություն քաղաքական, գործարար և մշակութային հանրության բոլոր մակարդակներում, որոնք ձևավորվել են երկար տարիների ընթացքում:Կարապետյանը հիշեցրեց, որ Ռուսաստանում է ապրում աշխարհի խոշորագույն հայկական սփյուռքը, որը Երևանի և Մոսկվայի միջև համագործակցության հիմքն է:Գործարարը կարծիքով՝ չի կարելի հաշվի չառնել այն փաստը, որ հայկական սփյուռքը բոլոր ժամանակներում եղել է երկրների միջև կարևոր կապող օղակ և մինչ օրս շարունակում է նշանակալի դեր խաղալ Հայաստանի կյանքում և զարգացման գործում:Պետք է վերականգնել Ռուսաստանի հետ հարաբերությունները․ Մուրադ ՓափազյանՆա ընդգծեց, որ Ռուսաստանի հայերն ակտիվորեն մասնակցում են տնտեսական, սոցիալական նախագծերի իրականացմանը, ներդրումներ են կատարում Հայաստանում և զբաղվում բարեգործական գործունեությամբ՝ դրանով իսկ նպաստելով երկրի զարգացմանը:Սփյուռքի հնարավորությունները, ազդեցությունը հանրապետության կյանքի վրա վկայում են դրա կարևոր դերի մասին՝ որպես Հայաստանի համար ռեսուրսների, գիտելիքների և փորձի լրացուցիչ աղբյուր:Նա նաև մատնանշեց սփյուռքի պատասխանատվության աստիճանը` ընդգծոլով, որ վերջին տարիները շատ բարդ էին Հայաստանի համար։«Մենք բոլորս խորապես անհանգստանում ենք և կանգնած ենք հայ ժողովրդի, Արցախի ժողովրդի կողքին, կանգնած ենք և կանգնելու ենք անկասկած: Մենք անմասն չմնացինք նաև անցած տարվա սեպտեմբերին Արցախում տեղի ունեցած իրադարձություններից և լիակատար խնամքի տակ վերցրեցինք հազարավոր ընտանիքների, որոնք ստիպված էին լքել իրենց տները։ Աջակցությունը շարունակվում է մինչ օրս», – նշեց Կարապետյանը։Նա ընդգծեց, որ Լեռնային Ղարաբաղից բռնի տեղահանվածներին տրամադրվող օգնությունը «Տաշիր» բարեգործական հիմնադրամի համար առաջնային կմնա: Գործարարի խոսքով՝ չնայած վերջին տարիների դժվարություններին, Հայաստանը շարունակում է մնալ, մասնավորապես, ռուսաստանցիների համար, բարենպաստ երկիր բիզնես վարելու համար:Հայաստանը տնտեսական աճի առումով երկար ժամանակ շարունակում է առաջատար մնալ ԵԱՏՄ երկրների շարքում։ Ի դեպ, շնորհիվ այդ երկրների, նաև բաց է սերտ գործընկերության համար՝ ի հաշիվ մեր երկրների միջև ավանդական բարեկամական փոխգործակցության։Նա նաև իր աջակցությունը հայտնեց հայրենակիցներին, որոնք անարդարացիորեն կալանավորված են և գտնվում են Բաքվի բանտում, և հիշեցրեց, որ այսօր Ռուբեն Վարդանյանի ծննդյան օրն է:Կարապետյանը շնորհավորեց Վարդանյանին ծննդյան օրվա առթիվ և մաղթեց նրան ու մյուս բոլոր գերիներին ուժ ու արիություն՝ իրենց բաժին հասած փորձություններն արժանապատվորեն հաղթահարելու համար:
տաշիր
մոսկվա
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տաշիր, «տաշիր» ընկերությունների խումբ, սամվել կարապետյան, մոսկվա, ֆորում, տնտեսություն
տաշիր, «տաշիր» ընկերությունների խումբ, սամվել կարապետյան, մոսկվա, ֆորում, տնտեսություն
Հայաստանի քաղաքական ուժերը չեն կարող հաշվի չառնել սփյուռքի շահերը․ Սամվել Կարապետյան
19:05 25.05.2024 (Թարմացված է: 19:31 25.05.2024) «Տաշիր» ընկերությունների խմբի նախագահը նշել է, որ սփյուռքը բոլոր ժամանակներում եղել է երկրների միջև կարևոր կապող օղակ և մինչ օրս շարունակում է նշանակալի դեր խաղալ Հայաստանի զարգացման գործում:
ԵՐԵՎԱՆ, 25 մայիսի – Sputnik. Հայաստանի համար կարևոր է չտրվել քաղաքական մանիպուլյացիայի տարբեր շահագրգիռ երկրների կողմից, քանի որ այդ գործողություններն ուղղակի սպառնալիք են երկրի տնտեսական անվտանգությանը: Այս մասին այսօր Armenian Business Forum 2024-ի բացման ժամանակ ասաց Հայ գործարարների ասոցիացիայի նախագահ, «Տաշիր» ընկերությունների խմբի նախագահ Սամվել Կարապետյանը։
«Բոլորին կոչ եմ անում սթափ գնահատել նման քայլերի հետևանքները։ Ոչ մի արտաքին հանգամանք չի կարող և չպետք է խոչընդոտ հանդիսանա հայ-ռուսական համագործակցության մասնակիցների գործընկերության և փոխգործակցության զարգացման համար», – նշեց Կարապետյանը։
Նրա խոսքով՝ հայ գործարար համայնքի խնդիրն է պահպանել և ընդլայնել հարաբերությունները, համախմբել և կամուրջ դառնալ երկրների միջև կապերի զարգացման համար: Գործարարը կարծում է, որ միջազգային հարաբերությունների ներկայիս ճգնաժամում կարևոր է պահպանել սերտ երկխոսություն քաղաքական, գործարար և մշակութային հանրության բոլոր մակարդակներում, որոնք ձևավորվել են երկար տարիների ընթացքում:
Կարապետյանը հիշեցրեց, որ Ռուսաստանում է ապրում աշխարհի խոշորագույն հայկական սփյուռքը, որը Երևանի և Մոսկվայի միջև համագործակցության հիմքն է:
Գործարարը կարծիքով՝ չի կարելի հաշվի չառնել այն փաստը, որ հայկական սփյուռքը բոլոր ժամանակներում եղել է երկրների միջև կարևոր կապող օղակ և մինչ օրս շարունակում է նշանակալի դեր խաղալ Հայաստանի կյանքում և զարգացման գործում:
Նա ընդգծեց, որ Ռուսաստանի հայերն ակտիվորեն մասնակցում են տնտեսական, սոցիալական նախագծերի իրականացմանը, ներդրումներ են կատարում Հայաստանում և զբաղվում բարեգործական գործունեությամբ՝ դրանով իսկ նպաստելով երկրի զարգացմանը:
Սփյուռքի հնարավորությունները, ազդեցությունը հանրապետության կյանքի վրա վկայում են դրա կարևոր դերի մասին՝ որպես Հայաստանի համար ռեսուրսների, գիտելիքների և փորձի լրացուցիչ աղբյուր:
«Դրա հետ կապված` կցանկանայի նշել, որ Հայաստանի ներկայիս քաղաքական ուժերը չեն կարող հաշվի չառնել սփյուռքի շահերը, որն աշխատում է ոչ միայն ի շահ Ռուսաստանի, այլև Հայաստանի։ Ուժեղ սփյուռքը ամուր հենարան է Հայաստանի համար», - ընդգծեց հայ գործարարների ասոցիացիայի նախագահը։
Նա նաև մատնանշեց սփյուռքի պատասխանատվության աստիճանը` ընդգծոլով, որ վերջին տարիները շատ բարդ էին Հայաստանի համար։
«Մենք բոլորս խորապես անհանգստանում ենք և կանգնած ենք հայ ժողովրդի, Արցախի ժողովրդի կողքին, կանգնած ենք և կանգնելու ենք անկասկած: Մենք անմասն չմնացինք նաև անցած տարվա սեպտեմբերին Արցախում տեղի ունեցած իրադարձություններից և լիակատար խնամքի տակ վերցրեցինք հազարավոր ընտանիքների, որոնք ստիպված էին լքել իրենց տները։ Աջակցությունը շարունակվում է մինչ օրս», – նշեց Կարապետյանը։
Նա ընդգծեց, որ Լեռնային Ղարաբաղից բռնի տեղահանվածներին տրամադրվող օգնությունը «Տաշիր» բարեգործական հիմնադրամի համար առաջնային կմնա: Գործարարի խոսքով՝ չնայած վերջին տարիների դժվարություններին, Հայաստանը շարունակում է մնալ, մասնավորապես, ռուսաստանցիների համար, բարենպաստ երկիր բիզնես վարելու համար:
Հայաստանը տնտեսական աճի առումով երկար ժամանակ շարունակում է առաջատար մնալ ԵԱՏՄ երկրների շարքում։ Ի դեպ, շնորհիվ այդ երկրների, նաև բաց է սերտ գործընկերության համար՝ ի հաշիվ մեր երկրների միջև ավանդական բարեկամական փոխգործակցության։
Նա նաև իր աջակցությունը հայտնեց հայրենակիցներին, որոնք անարդարացիորեն կալանավորված են և գտնվում են Բաքվի բանտում, և հիշեցրեց, որ այսօր Ռուբեն Վարդանյանի ծննդյան օրն է:
Կարապետյանը շնորհավորեց Վարդանյանին ծննդյան օրվա առթիվ և մաղթեց նրան ու մյուս բոլոր գերիներին ուժ ու արիություն՝ իրենց բաժին հասած փորձություններն արժանապատվորեն հաղթահարելու համար:
