https://arm.sputniknews.ru/20240524/kiranci-dprvocum-evs-verjin-zang-e-76175014.html
Կիրանցի դպրոցում ևս «Վերջին զանգ» է
Կիրանցի դպրոցում ևս «Վերջին զանգ» է
Sputnik Արմենիա
Հին դպրոցի շենքը վթարային է, իսկ նոր մասնաշենքը սահմանազատման հետևանքով թշնամու թիրախում է հայտնվելու։ 24.05.2024, Sputnik Արմենիա
2024-05-24T12:25+0400
2024-05-24T12:25+0400
2024-05-24T13:22+0400
դպրոց
կիրանց
շրջանավարտ
վերջին զանգ
https://cdn.am.sputniknews.ru/img/07e8/05/18/76174303_0:102:1086:713_1920x0_80_0_0_a0224a6b603a10483e8129cb44a46091.jpg
ԵՐԵՎԱՆ, 24 մայիսի – Sputnik․ Տավուշի մարզի Կիրանց գյուղում ևս այսօր «Վերջին զանգ» է։ Գյուղի 9-ամյա հիմնական դպրոցն այս տարի 8 շրջանավարտ ունի։ Չնայած լարված, անորոշ իրավիճակին՝ դպրոցում տոնական միջոցառում է կազմակերպվել։Նշենք, որ 9-ամյա այս դպրոցի շենքը վթարային է, գյուղում նոր դպրոց է կառուցվում, որը շահագործման պետք է հանձնվեր մի քանի ամսից։ Սեպտեմբերին արդեն կիրանցեցի դպրոցականները նոր շենքում պետք է սովորեին, սակայն նոր դպրոցի ճակատագիրն այսօր անհայտ է։ Ըստ հրապարակված քարտեզների՝ սահմանազատման հետևանքով սահմանագիծն անցնելու է նոր մասնաշենքից մի քանի տասնյակ մետր հեռավորության վրա։ Անվտանգային առումով սա մտահոգում է գյուղացիներին, բնակիչներն ասում են՝ չեն համաձայնի իրենց երեխաներին դպրոց ուղարկել՝ իմանալով, որ թշնամին նրանցից ընդամենը մի քանի քայլ հեռավորության վրա է լինելու։Հավելենք՝ ՀՀ ԱԱԾ-ն հայտնել է, որ այսօրվանից ՀՀ Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։Պետական սահմանի Կիրանց բնակավայրի 5,8 կմ հատվածի պահպանությունը, մինչև 2024 թվականի հուլիսի 24-ը, կիրականացվի անցումային սխեմայով։Նշենք նաև, որ այս տարի 9-րդ դասարանի շրջանավարտների թիվը 39.406 է, իսկ 12-րդ դասարանցիներինը՝ 20.554, ընդհանուր՝ 59 960։
կիրանց
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
դպրոց, կիրանց, շրջանավարտ, վերջին զանգ
դպրոց, կիրանց, շրջանավարտ, վերջին զանգ
Կիրանցի դպրոցում ևս «Վերջին զանգ» է
12:25 24.05.2024 (Թարմացված է: 13:22 24.05.2024) Հին դպրոցի շենքը վթարային է, իսկ նոր մասնաշենքը սահմանազատման հետևանքով թշնամու թիրախում է հայտնվելու։
ԵՐԵՎԱՆ, 24 մայիսի – Sputnik․ Տավուշի մարզի Կիրանց գյուղում ևս այսօր «Վերջին զանգ» է։ Գյուղի 9-ամյա հիմնական դպրոցն այս տարի 8 շրջանավարտ ունի։ Չնայած լարված, անորոշ իրավիճակին՝ դպրոցում տոնական միջոցառում է կազմակերպվել։
Նշենք, որ 9-ամյա այս դպրոցի շենքը վթարային է, գյուղում նոր դպրոց է կառուցվում, որը շահագործման պետք է հանձնվեր մի քանի ամսից։ Սեպտեմբերին արդեն կիրանցեցի դպրոցականները նոր շենքում պետք է սովորեին, սակայն նոր դպրոցի ճակատագիրն այսօր անհայտ է։ Ըստ հրապարակված քարտեզների՝ սահմանազատման հետևանքով սահմանագիծն անցնելու է նոր մասնաշենքից մի քանի տասնյակ մետր հեռավորության վրա։ Անվտանգային առումով սա մտահոգում է գյուղացիներին, բնակիչներն ասում են՝ չեն համաձայնի իրենց երեխաներին դպրոց ուղարկել՝ իմանալով, որ թշնամին նրանցից ընդամենը մի քանի քայլ հեռավորության վրա է լինելու։
Հիշեցնենք, որ ՀՀ վարչապետ Նիկոլ Փաշինյանը, խոսելով Կիրանցի դպրոցի նոր մասնաշենքի մասին, առաջարկել էր դպրոցի շուրջը ծառեր տնկել կամ պատ կառուցել, եթե սահմանի տեսադաշտի հոգեբանական խնդիր կա։
Հավելենք՝ ՀՀ ԱԱԾ-ն հայտնել է, որ այսօրվանից ՀՀ Ազգային անվտանգության ծառայության սահմանապահ զորքերը պաշտոնապես ստանձնում են Հայաստանի Հանրապետության պետական սահմանի Տավուշի մարզի Բերքաբեր բնակավայրի 1,9 կմ, Ոսկեպար և Բաղանիս բնակավայրերի 4,9 կմ հատվածների պահպանությունը։
Պետական սահմանի Կիրանց բնակավայրի 5,8 կմ հատվածի պահպանությունը, մինչև 2024 թվականի հուլիսի 24-ը, կիրականացվի անցումային սխեմայով։
Նշենք նաև, որ այս տարի 9-րդ դասարանի շրջանավարտների թիվը 39.406 է, իսկ 12-րդ դասարանցիներինը՝ 20.554, ընդհանուր՝ 59 960։
