https://arm.sputniknews.ru/20240523/hajastani-vajri-bnutjuny-nkarvogh-aghjiky-inchpes-bertan-handipec-arjin-76093518.html

Հայաստանի վայրի բնությունը նկարող աղջիկը․ ինչպես Բերտան «հանդիպեց» արջին

Հայաստանի վայրի բնությունը նկարող աղջիկը․ ինչպես Բերտան «հանդիպեց» արջին

Sputnik Արմենիա

Հայաստանում այնքան էլ շատ չեն վայրի բնությունը նկարահանող լուսանկարիչները։ Աղջիկները՝ առավել ևս: Բերտա Մարտիրոսյանը Sputnik Արմենիային տված հարցազրույցում... 23.05.2024, Sputnik Արմենիա

2024-05-23T09:15+0400

2024-05-23T09:15+0400

2024-05-23T09:15+0400

լուսանկար

լուսանկարիչ

թռչուն

կենդանի

բնություն

https://cdn.am.sputniknews.ru/img/07e8/05/11/75925164_0:499:1600:1399_1920x0_80_0_0_eb16fbdc5f80c750bf73eafba6064671.jpg

Անիմալիստի մասնագիտությունն անչափ հետաքրքիր է, բայց և վտանգներով լի: Սակայն վայրի բնության վտանգները չեն կանգնեցրել փխրուն աղջկան, չեն ստիպել հրաժարվել մտածածից։ Բերտան լուսանկարչությամբ զբաղվում է մոտ 12-13 տարի, իսկ վայրի բնությունը նկարում է շուրջ չորս տարի։ Նրան հաջողվել է լուսանկարել թռչունների մոտ 250 տեսակ, որոնք մշտապես բնակվում են մեր երկրի տարածքում կամ պարզապես անցնում են չուի ժամանակ։Նա թռչուններին լուսանկարելը համեմատում է ձկնորսության և որսորդության հետ։ Իհարկե, այս դեպքում որպես «հրացան» ծառայում է տեսախցիկը, բայց այստեղ էլ պահանջվում է մեծ համբերություն և ճարպկություն։ Բերտան պատմում է, որ երբեմն ստիպված է լինում մի քանի ժամ անընդմեջ նստել կամ պառկել՝ դարանակալելով «որսին»։ Բայց ամենից շատ աղջիկը սիրում է կադրեր որսալ Հայաստանի լեռներում և անտառներում քայլարշավների ժամանակ։Ի դեպ, Բերտային Երևանում էլ է հաջողվում տեսնել ու նկարահանել հազվագյուտ ու էկզոտիկ թռչունների, որոնց գրեթե ոչ ոք չի տեսնում։ Այս առիթով նա կատակում է, որ իբր հենց դրա համար էլ սկսել է լուսանկարել նրանց, որպեսզի բոլորին ապացուցի, որ այդ թռչուններն իր երևակայության արգասիքը չեն։Երբեմն ընկերներն ուղեկցում են Բերտային արշավների ժամանակ, բայց մեծամասամբ նա նախընտրում է միայնակ գնալ հազվագյուտ կադրերի հետևից, քանի որ ավելորդ աղմուկն ու եռուզեռը կարող են վախեցնել նրա ֆոտոսեսիաների պոտենցիալ հերոսներին։ Կենդանիներ լուսանկարողի համար այս ուղին, իհարկե, ամենաճիշտն է, բայց բնավ ոչ ամենաապահովը:Բերտան անվտանգության վերաբերյալ ոչ մի ուղեցույց չունի, վտանգավոր իրավիճակներում նա ավելի շատ գործում է ինտուիցիայով։Բերտան հասցրել էր բավականին լավ ուսումնասիրել կենդանիների սովորությունները, և հենց այդ հմտություններն են նրան շատ օգնել, երբ մի օր նա հայտնվել է երիտասարդ գորշ արջից մոտ տասը մետր հեռավորության վրա. նրանց բաժանում էին թփերը։«Եթե ես նրա դիմաց դուրս գայի և լուսանկարեի, ապա, ամենայն հավանականությամբ, դա վերջին լուսանկարը կլիներ։ Ուստի ես սկսեցի բարձրաձայն, բայց նաև շատ հանգիստ խոսել, որպեսզի կենդանին հասկանա, որ ես այստեղ եմ։ Գազանները, որպես կանոն, հակված են խուսափել մարդկանց հետ հանդիպումից: Գլխավորը՝ նրանց անակնկալի չբերելն է, որպեսզի նրանք ստիպված չլինեն հարձակվել ինքնապաշտպանության համար: Երբ ես սկսեցի խոսել, արջը այլևս չմոտեցավ, և ես կարողացա հեռանալ անվտանգ հեռավորության վրա: Բայց, ընդհանուր առմամբ, բախտս բերեց, արտաքուստ նա մոտ երկու տարեկան էր, ոչ ավելին», - ասում է Բերտան:Ի դեպ, ամենամեծ վտանգը ներկայացնում են քոթոթներ ունեցող արջերը կամ արուները զուգավորման շրջանում։Նրա պորտֆոլիոյում կա մի տեսանյութ, որի կադրերում արջը խաղում է իր փոքրիկների հետ։ Բայց Բերտան դեռ սպասում է իր նվիրական կադրին…Բերտա Մարտիրոսյանի ցուցահանդեսը տեղի կունենա մայիսի 24-28-ը Կինոյի տանը:Լուսանկարչի հետ ամբողջ հարցազրույցը կարող եք դիտել այստեղ:

2024

Լուրեր

am_HY

լուսանկար, լուսանկարիչ, թռչուն, կենդանի, բնություն