Համաշխարհային բանկը կաջակցի ՀՀ ՆԳՆ-ին աղետների ռիսկերը կառավարելու հարցում
21:57 21.05.2024 (Թարմացված է: 22:19 21.05.2024)
© Photo : official site of MIA of RA ՆԳ նախարար Վահե Ղազարյանն ու Համաշխարհային բանկի տարածաշրջանային տնօրեն Սամեհ Նագիբ Վահբան
![ՆԳ նախարար Վահե Ղազարյանն ու Համաշխարհային բանկի տարածաշրջանային տնօրեն Սամեհ Նագիբ Վահբան ՆԳ նախարար Վահե Ղազարյանն ու Համաշխարհային բանկի տարածաշրջանային տնօրեն Սամեհ Նագիբ Վահբան - Sputnik Արմենիա, 1920, 21.05.2024](https://cdn.am.sputniknews.ru/img/07e8/05/15/76065158_0:126:1600:1026_1920x0_80_0_0_7847f6a3b0f5939befae0d697faef63a.jpg)
© Photo : official site of MIA of RA
Բաժանորդագրվել
Քննարկվել են հատուկ նշանակության օբյեկտների վիճակին և սեյսմիկ պաշտպանության ոլորտին վերաբերող հարցեր։
ԵՐԵՎԱՆ, 21 մայիսի – Sputnik․ Համաշխարհային բանկը կաջակցի ՀՀ ներքին գործերի նախարարությանը աղետների ռիսկի կառավարման, բնակչության պաշտպանության և թվայնացման ոլորտներում։ ՆԳՆ մամուլի ծառայությունը հայտնում է, որ նախարար Վահե Ղազարյանն ընդունել է Համաշխարհային բանկի տարածաշրջանային տնօրեն Սամեհ Նագիբ Վահբայի գլխավորած պատվիրակությանը և քննարկել համագործակցության հարցեր։
«Վահե Ղազարյանը նշել է, որ Հայաստանի Հանրապետության կառավարության որոշմամբ հաստատվել է աղետների ռիսկի կառավարման 2023-2030 թթ. ռազմավարությունը և 2023-2026 թթ գործողությունների ծրագիրը, որով սահմանված են ռազմավարության գերակա ուղղությունները։ Միաժամանակ նշվել է, որ աղետների ռիսկի կառավարման ոլորտի օրենսդրական շրջանակի բարեփոխման նպատակով լրամշակվել է «Աղետների ռիսկի կառավարման և բնակչության պաշտպանության մասին» օրենքի նախագիծը, ինչպես նաև մշակման փուլում է սեյսմիկ պաշտպանության ոլորտային ռազմավարական փաստաթուղթը»,- նշված է հաղորդագրության մեջ։։
Քննարկվել են նաև սեյսմիկ ռիսկի տեսանկյունից հատուկ նշանակության օբյեկտների վիճակը, շենք-շինությունների շինարարական նորմերի պահպանման և սեյսմիկ պաշտպանության ոլորտին վերաբերող հարցեր։
© Photo : official site of MIA of RA ՀԲ ներկայացուցիչների հետ հանդիպումը ՀՀ ներքին գործերի նախարարությունում
![Министр внутренних дел Ваге Казарян принял делегацию, возглавляемую региональным директором Всемирного банка Самехом Нагибом Вахбой (20 мая 2024). Еревaн Министр внутренних дел Ваге Казарян принял делегацию, возглавляемую региональным директором Всемирного банка Самехом Нагибом Вахбой (20 мая 2024). Еревaн - Sputnik Արմենիա, 1920, 21.05.2024](https://cdn.am.sputniknews.ru/img/07e8/05/15/76065137_0:0:1600:1067_1920x0_80_0_0_dfd9bd34fa3b5bcf6ecb1d348ac90e01.jpg)
ՀԲ ներկայացուցիչների հետ հանդիպումը ՀՀ ներքին գործերի նախարարությունում
© Photo : official site of MIA of RA
Ընդգծվել է աղետների ռիսկի քարտեզագրման և ծառայության տեխնիկական հագեցվածության ու արդիականացման կարևորությունը։
Համաշխարհային բանկը պատրաստակամ է աջակցել մեր երկրին՝ սեյսմիկ պաշտպանության և արտակարգ իրավիճակներին արձագանքման ոլորտներին ուղղված միջոցառումների իրականացման գործընթացում։