https://arm.sputniknews.ru/20240520/irani-nakhagahi-mahy-inch-e-asum-sahmanadrutjuny-ev-vov-kzbaghecni-rajisii-teghy-75982726.html
Իրանի նախագահի մահը. ինչ է ասում Սահմանադրությունը, և ով կզբաղեցնի Ռայիսիի տեղը
Իրանի նախագահի մահը. ինչ է ասում Սահմանադրությունը, և ով կզբաղեցնի Ռայիսիի տեղը
Sputnik Արմենիա
Իրանում նախագահի ողբերգական մահից երկու ամիս հետո նոր նախագահական ընտրություններ են սպասվում: 20.05.2024, Sputnik Արմենիա
2024-05-20T10:21+0400
2024-05-20T10:21+0400
2024-05-20T11:24+0400
էբրահիմ ռայիսի
իրանի իսլամական հանրապետություն
ուղղաթիռ
վթար
հոսեյն ամիր աբդոլլահիան
https://cdn.am.sputniknews.ru/img/07e8/05/14/75978620_0:6:733:418_1920x0_80_0_0_b4ab94ebec06e37baa7a56198142c8b5.jpg
ԵՐԵՎԱՆ, 20 մայիսի – Sputnik. Ավիավթարից Իրանի նախագահ Էբրահիմ Ռայիսիի զոհվելուց հետո գործադիր իշխանության ղեկավարի լիազորություններն անցնում են առաջին փոխնախագահ Մոհամմադ Մահբերին՝ երկրի Սահմանադրության 31-րդ հոդվածի համաձայն:Ըստ հիմնական օրենքի՝ Մահբերը երկու ամսվա ընթացքում կատարելու է նախագահի գործառույթները, որից հետո հատուկ խորհուրդը, որի կազմում են Մեջլիսի խոսնակը, դատական իշխանության ղեկավարը և առաջին փոխնախագահը, պետք է նախագահական ընտրություններ կազմակերպեն:Ինչպես հայտնի է, Իրանի իշխանական հիերարխիայում նախագահը ոչ թե պետության գլուխն է, այլ գործադիր իշխանության ղեկավարը, գրեթե վարչապետի նման, բայց պաշտոնի քաղաքական բնույթի վրա մեծ շեշտադրմամբ: Նախագահը պատասխանատու է Սահմանադրության կատարման համար և ղեկավարում է գործադիր իշխանությունը բոլոր ոլորտներում, բացառությամբ այն ոլորտների, որոնք վերապահված են երկրի ղեկավարի՝ այաթոլլա Սեյեդ Ալի Խամենեի անմիջական իրավասությանը:Իրանի նախագահին ընտրում են համաժողովրդական քվեարկությամբ և չորս տարի ժամկետով: Նա կարող է ընտրվել միայն երկու անընդմեջ ժամկետով։ Նախագահը պետք է ընտրվի կրոնական-քաղաքական գործիչներից, որոնք բավարարում են հետևյալ պահանջները` իրանական ծագում, Իրանի քաղաքացիություն, վարչարարություն և կազմակերպչական ունակություններ, արժանապատիվ կենսագրություն և բարեպաշտություն, կրոնականություն, հավատ Իսլամական Հանրապետության հիմքերին և երկրի պաշտոնական կրոնին պատկանելիություն:Հիշեցնենք, որ մայիսի 19-ին Իրանի նախագահ Էբրահիմ Ռաիսիին և արտգործնախարար Հոսեյն Ամիր Աբդոլլահիանին տեղափոխող ուղղաթիռը կործանվել էր երկրի հյուսիս-արևմուտքում՝ Վերզեգանի շրջանում: Բարձրաստիճան պաշտոնյաները վերադառնում էին Արաքս գետի վրա հիդրոհանգույցների բացման արարողությունից, որին մասնակցում էր Ադրբեջանի նախագահ Իլհամ Ալիևը: Փրկարարների թիմերը ժամանել են արտակարգ պատահարի վայր և որոնումներն իրականացրել ամբողջ գիշեր, նրանց աշխատանքը բարդացել է մթության և տեղատարափի պատճառով: Ռելիեֆի պատճառով փրկարարները ստիպված են եղել ոտքով հասնել դեպքի վայր:Վաղ առավոտյան հայտնի է դարձել ուղղաթիռի այրված բեկորների գտնվելու մասին, ինքնաթիռում գտնվող բոլոր մարդկանց մահվան մասին հայտնել է Իրանի Կարմիր մահիկի ընկերության ղեկավար Փիր Հոսեյն Կոլիվանդը, ավելի ուշ այդ տեղեկությունը հաստատել է նաև փոխնախագահ Մոհսեն Մանսուրին:Նախագահ Ռայիսիի հետ օդանավում են եղել արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգապետ Մալիք Ռահմաթին, Թավրիզի իմամ Մոհամմադ ալի ալ Հաշեմը, ԻՀՊԿ ներկայացուցիչ Սեյեդ Մեհդի Մուսավին: Եվս 4 մարդու, այդ թվում՝ անձնակազմի անդամների անուններ չեն հրապարակվել։
իրանի իսլամական հանրապետություն
Sputnik Արմենիա
media@sputniknews.com
+74956456601
MIA „Rossiya Segodnya“
2024
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
էբրահիմ ռայիսի, իրանի իսլամական հանրապետություն, ուղղաթիռ, վթար, հոսեյն ամիր աբդոլլահիան
էբրահիմ ռայիսի, իրանի իսլամական հանրապետություն, ուղղաթիռ, վթար, հոսեյն ամիր աբդոլլահիան
Իրանի նախագահի մահը. ինչ է ասում Սահմանադրությունը, և ով կզբաղեցնի Ռայիսիի տեղը
10:21 20.05.2024 (Թարմացված է: 11:24 20.05.2024) Իրանում նախագահի ողբերգական մահից երկու ամիս հետո նոր նախագահական ընտրություններ են սպասվում:
ԵՐԵՎԱՆ, 20 մայիսի – Sputnik. Ավիավթարից Իրանի նախագահ Էբրահիմ Ռայիսիի զոհվելուց հետո գործադիր իշխանության ղեկավարի
լիազորություններն անցնում են առաջին փոխնախագահ Մոհամմադ Մահբերին՝ երկրի Սահմանադրության 31-րդ հոդվածի համաձայն:
Ըստ հիմնական օրենքի՝ Մահբերը երկու ամսվա ընթացքում կատարելու է նախագահի գործառույթները, որից հետո հատուկ խորհուրդը, որի կազմում են Մեջլիսի խոսնակը, դատական իշխանության ղեկավարը և առաջին փոխնախագահը, պետք է նախագահական ընտրություններ կազմակերպեն:
Ինչպես հայտնի է, Իրանի իշխանական հիերարխիայում նախագահը ոչ թե պետության գլուխն է, այլ գործադիր իշխանության ղեկավարը, գրեթե վարչապետի նման, բայց պաշտոնի քաղաքական բնույթի վրա մեծ շեշտադրմամբ: Նախագահը պատասխանատու է Սահմանադրության կատարման համար և ղեկավարում է գործադիր իշխանությունը բոլոր ոլորտներում, բացառությամբ այն ոլորտների, որոնք վերապահված են երկրի ղեկավարի՝ այաթոլլա Սեյեդ Ալի Խամենեի անմիջական իրավասությանը:
Իրանի նախագահին ընտրում են համաժողովրդական քվեարկությամբ և չորս տարի ժամկետով: Նա կարող է ընտրվել միայն երկու անընդմեջ ժամկետով։ Նախագահը պետք է ընտրվի կրոնական-քաղաքական գործիչներից, որոնք բավարարում են հետևյալ պահանջները` իրանական ծագում, Իրանի քաղաքացիություն, վարչարարություն և կազմակերպչական ունակություններ, արժանապատիվ կենսագրություն և բարեպաշտություն, կրոնականություն, հավատ Իսլամական Հանրապետության հիմքերին և երկրի պաշտոնական կրոնին պատկանելիություն:
Հիշեցնենք, որ մայիսի 19-ին Իրանի նախագահ Էբրահիմ Ռաիսիին և արտգործնախարար Հոսեյն Ամիր Աբդոլլահիանին տեղափոխող
ուղղաթիռը կործանվել էր երկրի հյուսիս-արևմուտքում՝ Վերզեգանի շրջանում: Բարձրաստիճան պաշտոնյաները վերադառնում էին Արաքս գետի վրա հիդրոհանգույցների բացման արարողությունից, որին մասնակցում էր
Ադրբեջանի նախագահ Իլհամ Ալիևը: Փրկարարների թիմերը ժամանել են արտակարգ պատահարի վայր և որոնումներն իրականացրել ամբողջ գիշեր, նրանց աշխատանքը բարդացել է մթության և տեղատարափի պատճառով: Ռելիեֆի պատճառով փրկարարները ստիպված են եղել ոտքով հասնել դեպքի վայր:
Վաղ առավոտյան հայտնի է դարձել ուղղաթիռի այրված բեկորների գտնվելու մասին, ինքնաթիռում գտնվող
բոլոր մարդկանց մահվան մասին հայտնել է Իրանի Կարմիր մահիկի ընկերության ղեկավար Փիր Հոսեյն Կոլիվանդը, ավելի ուշ այդ տեղեկությունը հաստատել է նաև փոխնախագահ Մոհսեն Մանսուրին:
Նախագահ Ռայիսիի հետ օդանավում են եղել արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգապետ Մալիք Ռահմաթին, Թավրիզի իմամ Մոհամմադ ալի ալ Հաշեմը, ԻՀՊԿ ներկայացուցիչ Սեյեդ Մեհդի Մուսավին: Եվս 4 մարդու, այդ թվում՝ անձնակազմի անդամների անուններ չեն հրապարակվել։
